Gewilde Bybelverse vanaf 1 KRONIEKE 16

Deel

Soek na die HERE en sy krag. Hou aan om Hom te soek.

Dank die HERE, want Hy is goed! Sy troue liefde duur vir altyd.

Dank die HERE, roep sy Naam aan. Laat die nasies weet wat Hy gedoen het.

Juig oor sy heilige Naam. Aanbidders van die HERE, wees bly!

Dink oor die wonders wat Hy gedoen het, die wonderwerke en die oordele wat Hy uitgespreek het.

Sing vir Hom, ja, besing sy lof! Vertel van sy wonderwerke.

Want die HERE is groot, waardig om geprys te word! Bo al die gode moet Hy geëer word.

Gee aan die HERE die eer wat Hom toekom! Bring jou offers en aanbid Hom. Aanbid die HERE in sy heilige heerlikheid.

Eer en heerskappy omring Hom, krag en vreugde is in sy woonplek.

Laat almal vir die HERE sing! Vertel elke dag dat Hy red.

Vertel vir die nasies van Hom. Vertel almal van sy wonderdade.

“Moenie vat aan my gesalfdes nie, moenie my profete beseer nie.”

Die gode van die volke is maar net afgode, maar die HERE het die hemel gemaak!

Hy staan by sy verbond – sy belofte aan duisend geslagte.

Laat die hemel bly wees en die aarde juig! Sê vir die volke: Die HERE is Koning.

Prys die HERE, die God van Israel, vir altyd en altyd! Al die mense het “Amen!” uitgeroep en die HERE geprys.

Gee aan die HERE, families van die volke, gee aan die HERE eer en krag.