Gewilde Bybelverse vanaf Deuteronomium Deuteronomium 5

Deel

Eer jou vader en jou moeder, soos die HERE jou God jou beveel het; dat jou dae verleng mag word en dit met jou goed mag gaan in die land wat die HERE jou God jou gee.

Julle moet wandel in al die weë wat die HERE julle God julle beveel het, dat julle kan lewe en dit met julle goed kan gaan en julle dae kan verleng in die land wat julle in besit sal neem.

Jy mag jou voor hulle nie neerbuig en hulle nie dien nie; want Ek, die HERE jou God, is 'n jaloerse God wat die ongeregtigheid van die vaders besoek aan die kinders, aan die derde en aan die vierde geslag van die wat My haat, En bewys barmhartigheid aan duisende van die wat My liefhet en my gebooie bewaar.

Jy mag vir jou geen gesnede beeld of enige gelykenis maak van enigiets wat bo in die hemel is, of van wat onder op die aarde is, of van wat in die waters onder die aarde is nie.

Jy mag geen ander gode voor my aangesig hê nie.

Jy mag die Naam van die HERE jou God nie ydellik gebruik nie, want die HERE sal hom wat sy Naam ydellik gebruik, nie ongestraf laat bly nie.

Ag, was daar so 'n hart in hulle, dat hulle My sou vrees en al my gebooie altyddeur sou onderhou, dat dit met hulle en hulle kinders vir ewig goed kan gaan!

Onderhou die sabbatdag om dit te heilig, soos die HERE jou God jou beveel het.

Jy mag ook nie jou naaste se vrou begeer nie, en jy mag nie jou naaste se huis, sy land of sy dienskneg of sy diensmaagd, sy os of sy esel, of enige ding wat jou naaste s'n is, begeer nie.

Jy mag ook nie egbreuk pleeg nie.

Jy mag ook geen valse getuienis teen jou naaste gee nie.

Jy mag nie doodslaan nie.

Jy mag ook nie steel nie.

En onthou dat jy 'n dienskneg in Egipteland was, en dat die HERE jou God jou daaruit uitgelei het deur 'n sterke hand en deur 'n uitgestrekte arm; daarom het die HERE jou God jou beveel om die sabbatdag te onderhou.

Ses dae moet jy arbei en al jou werk doen; Maar die sewende dag is die sabbat van die HERE jou God; daarop mag jy geen werk doen nie, jy of jou seun of jou dogter of jou dienskneg of jou diensmaagd of jou bees of jou esel of enige van jou vee of van jou vreemdeling wat in jou poorte is; dat u dienskneg en u diensmaagd net so goed kan rus as u.

Ek is die HERE jou God wat jou uit Egipteland, uit die slawehuis, uitgelei het.