Gewilde Bybelverse vanaf KECHENG 1

Deel

Anke Arnam pulo, “Etum e-arje atengthot monit pinchong lonang, Etum asonthot; lapen latum talo alang-ok aputhak lapen kangjar avo atum aputhak, lapen pi atum aputhak, lapen pirthe adang aputhak, lapen pirthe athak keklimjam kebi-kethe an aputhak latum papangri lonang.” Lasi monit aphan Arnam amethang a-arje asonthot pinchong-lo, Arnam a-arjesi Alangli la aphan pinchong-lo; pinso lapen arlo ta Alangli latum aphan pinchong-lo

Lapen latum aphan Arnam ahirjume pisi pulo, “Chanri-chanjai-non, lapen nangso-nangsu pirthe athak plengset-ra latum aphan pangrinon, lapen talo alang-ok aputhak lapen kangjar avo atum aputhak, lapen pirthe athak kejuijam kereng-et api-heihei aputhak chepahemphu non.”

Kechengsi, Arnam sining-heihei lapen pirthe kepinchong ahut

pirthe arje avelang lapen thangnatta ave, lapen lang-lom athak kangtingsi dolang; lapen Arnam Akarjong lang-heihei athak damlo.

Lapen Arnam pulo, “kethe-ang padonang;” lapen the-angdang-lo.

Lapen Arnam kepinchong asontin chethek-longsi aning chedokpik-lo. Lapen ningvelo, lapen adap nangklang-lo, la throk arnilo.

Lapen Arnam thek-long-lo kethe-ang mesen; lapen Arnam kethe-ang pen kangting thak-lo.

Lapen Arnam pulo, “Langtha, pirthe adang amu pen arong kevang athengpi arongtin, lapen athe pen arong kevang athengpi asontin Ne nangtum aphan nangpitang-lo; nangtum lahei cholong-lo.

Kethe-ang aphan Anerlo pusi Arnam irlo, lapen kangting aphan Ajo pusi irlo. Lapen aningve lapen adap nangdolo, la kecheng arni lo.

Anke Arnam pulo, “Lang-heihei angbong sining-inghun angpong padonang, lapen lang-heihei pen lang-heihei thakdak lonang.”

Lapen pirthe api-an, lapen kangjar avo-an, lapen pirthe athak keklimjam api an, achethe kevangphun api an, nangtum kechoji aphan kelirseng ahan arong nangpitang-lo.” Lapen la plang-lo.

Lapen Arnam pulo, “ajo pen anerlo kepaprekjisi sining-heihei a-archok along kethe-ang-heihei padonang; lapen lahei isi angthek-heihei aphan lapen asek aphan lapen arni arni aphanlo lapen aningkan-ningkan aphanlo

Lapen Arnam pulo, “Pirthe athak bap-bi, arong kevang athengpi-thengphrang ason ason, lapen athe-kepathe lapen aklim-kevang athesere arong-heihei arong pavangnang, arongtin ta ajat ajat ateng le pirthe athak pavangnang.” Lapen la plang-lo.

Lapen Arnam sining-inghun angpong selamsi la aber kedo alang-heihei lapen la athak kedo alang-heihei pen thakdak-lo. Lasi la plang-lo.

Pirthe athak bap, ajat ateng arong kevang athengpi arong-heihei, aklim kevang athesere athengpi arong-heihei, arongtin ajat ateng pen arong vang-lo. Lapen Arnam thek-long-lo, la mesen.

Lapen Arnam kethedung akethe-ang-heihei pinchong-lo, thedung akethe-ang ke anerlo aputhak kepangriji aphan lapen bimuchot akethe-ang ke ajo kepangriji aphan lo; Alangli chiklolongso-heihei ta pinchong-lo.

Anke Arnam pulo, “sining-heihei kedo aber alang-heihei an elong adim padopet lonang, lapen kekrengdang alongle nangpaklang lonang.” Lapen la plang-lo. Kekrengdang alongle aphan Arnam Pirthe pusi irlo, lapen kechingrumtang alang-heihei aphan Alangli Talo-heihei pusi irlo. Lapen Arnam thek-long-lo la mesen.

Lapen latum aphan Arnam hirjume pisi pulo, “Chanri-chanjainon, ongdung-ra talo-heihei alang arlo dothipnon; lapen vo atum pirthe athak pachanlonang.”

Anke Arnam pulo, “Pirthe athak ajat ajat amarat api padonang: Kepangreng lapen keklimjam marat api akethe lapen akebi ajat ajat pirthe athak padonang.” Lapen la plang-lo.

Lapen Arnam pulo, “Lang-heihei arlo lang-api ahur-heihei padonang, lapen pirthe athak sining-heihei archok angbong vo atum pangjarnang.”

Lasi pirthe athak ajat ajat api mate kepangreng api ajat ajat lapen longle athak keklim ajat ajat api Arnam pinchong-lo. Lapen Arnam thek-long-lo la mesen.