Hooglied 5:9-16

Wat maak jou liefste beter as ander, mooiste onder die vroue, wat maak jou liefste beter as ander, dat jy ons so besweer? My liefste is stralend en bloesend; hy troon bo tienduisende uit. Sy kop is suiwer fyngoud, sy hare raafswart dadeltrosse. Sy oë is soos duiwe langs waterstrome, wat bad in melk, wat sit langs 'n vol poel. Sy wange is soos beddings balsemkruid wat geurige kruie laat uitspruit. Sy lippe is narsings wat drup van vloeiende mirre. Sy voorarms is ronde stawe goud met •chrisoliet versier. Sy buik is gepoleerde ivoor, oortrek met •lasuursteen. Sy bene is marmerpilare wat rus op voetstukke van fyngoud. Sy gestalte is soos die Libanon, uitsonderlik soos die seders. Sy mond is pure soetigheid, hy is die begeerlikheid self.

Gratis leesplanne en oordenkings oor Hooglied 5:9-16