Luka 9
9
Jesu lop zhepp'lop kaghapaad baa'vel
Mat 10:5-15; Mar 6:7-13
1Kaarooh Jesu peet zheppkamm keeniy w'u kaghapaad baa'vel seh lhi'ji kihshag, bhi pihh maa'pee mwopp, yakhal pihh pee mwopp zag tihh mwopp pwat diy kihh mumullung, yakhal tihh mwopp bar mhi'shwal diy. 2Lop mwopp tihh mwopp yak pwookaah dhenglong khi Naan diy, yakhal tihh mwopp bar mhi'shwal diy. 3Satt mwopp le, “Tapp wu m'ang mee'bii p'ee mwaan ni mou; kooh kam, kooh kullug, kooh biisoh, kooh shaghal; yakhal tapp w'u kok bh'aar vel mou. 4Kapp luh w'u wu sam diy, bhi wu tong kihh mwopp harr p'ar puus w'u wunn p'ee yet tughuzyill mhizeh ni diy. 5Kapp pee w'u mwopp shiih lapp wunn bhi mihh wu yakhal p'ee yet khishikhitt mhizeh ni, bhi wu bwap orrong w'u sh'i kwag wuh lhi'baa p'ee ten'yim kaah mwopp.” 6Bhi zhepp'lop ni mwopp duam kwangpee, kwangpee, mwopp kihh yak Pwoo'wurett diy, yakhal mwopp kihh bar mhi'shwal mwopp koohneeh.
Miskakhamm Hiridus yeehpee kih shin
Mat 14:1-12; Mar 6:14-29
7Kaarooh Hiridus, Miskakhamm gaar'yill Galili, klihng bii w'u kihh dum, bhi yeehpee kih shin pwetd, p'ee pakk gurum mwopp kihh satt le Jesu ni gw'ar a Yohanna Gu-Baptisma w'u waa yakhal kih peemuutt. 8Yakhal pakk kihh satt le a Iliya gw'ar ji'wull, kooh a kihmeh dhighin Mhi-wanggshiiy w'u gyetshak waa yakhal dyi kihh seen.#Mat 16:14; Mar 8:28; Luk 9:19 9Dhangg Hiridus wu'nyi satt le, “Baa deh a'n ih l'e tihh mwopp t'u Yohanna diy sh'i gabkaah, dheeh a wuyeh se w'u a'n phi klihng bii mihhse mwopp kaah nyi se ayeh?” Bhi Hiridus ni kihh t'ang le dyinn riy kad naah Jesu.
Jesu so kihh gurum jig paad
Mat 14:13-21; Mar 6:30-44; Yoh 6:1-14
10Kaarooh zhepp'lop khi Jesu ni mwopp baja, bhi mwopp yak pwoodhakk w'u mwopp sh'in weett nyi. Bhi Jesu dhel kihh mwopp dang shin, mwopp byaah dum m'ee pee koghob khishikhitt Betseida mhishut. 11Dhangg kaarooh dw'uu gurum ni mwopp man, bhi mwopp langkihshiiy nyi, bhi Jesu lapp mwopp, y'aa laa'pwoo kaah dhenglong khi Naan mwopp, yakhal bar mwooh kihh t'ang kad kakhamm.
12Kaarooh puus kihh t'ang r'u, bhi zhepp'lop khinyi w'u kaghapaad baa'vel seh mwopp ji satt nyi le, “Dyinn ghi shenn dw'uu khi gurum ni mwopp mwasseh ser'seh tihh mwopp duam lyap biisoh kihh pee'teer diy dhighin tughuzyill mwopp kihh kwangpee w'u koghob mihhse, p'ee munn a dhighin dh'em, pee w'u baah gurum mwopp kihh tong diy mou.”
13Bhi Jesu pring mwopp satt le, “Wu kad mee'bii wu pihh mwopp so.” Bhi mwopp satt nyi le, “Baah munn kihh bii w'u dhel kih gihkhill gutt paad kihh sherep vel nihghinse. Seeh kooh kan munn a kihh shaghal w'u p'ee dum serrep biisoh p'ee dw'uu gurum ni mwopp bwaatt?”
14Gyet daass w'u mwopp nhighin kyekk maah mwopp wull gurum jig paad dhighin dw'uu gurum ni mwopp. Bhi Jesu satt zheppkamm keeniy ni mwopp le, “Wu satt gurum ni mwopp kwangg yill shi'zhungg, shi'zhungg, laar paad-paad.” 15Zheppkamm ni mwopp sh'in kaa satt mwopp seh, bhi gurum ni mwopp kwangg yill. 16Bhi Jesu kok gihkhill gutt w'u paad seh kihh sherep w'u vel ni mwopp, bhi eep yit niy phikihtihngg, plang Naan; bhi trep gihkhill gutt ni mwopp, pihh zheppkamm keeniy ni mwopp tihh mwopp shap dw'uu gurum ni mwopp. 17Bhi gurum ni mwopp weett so abbhal, harr zheppkamm khi Jesu ni mwopp chakk v'ur bott w'u mwan dheeh l'e, mwopp gam shikkah kaghapaad baa'vel dyishig.
Bitrus satt rooh Jesu a Kristi
Mat 16:13-20; Mar 8:27-30
18Par'meeh shi bhi Jesu kaah dhangNaan mhishin, bhi zheppkamm khinyi mwopp dum kihpee nyi diy, bhi nang phi mwopp le, “Gurum mwopp kihh satt le a'n a wuyeh?”
19Bhi mwopp lapp nyi mwopp le, “Pakk mwopp kihh satt le gha a Yohanna Gu-Baptisma, pakk kihh satt le gha a Iliya, dhangg harr mwasseh pakk kihh satt le, a kihmeh dhighin Mhi-wanggshiiy w'u gyetshak baa'ji kihh seen.” #Mat 14:1,2; Mar 6:14,15; Luk 9:7,8
20Bhi Jesu nang phi mwopp le, “Dheeh wu'wunn ee? Wu kihh satt wu le a'n a wuyeh?” #Mat 14:1,2; Mar 6:14,15; Luk 9:7,8
Bhi Bitrus lapp nyi satt le, “A gha a Kristi khi Naan.”
21Bhi Jesu delkom mwopp bhall-bhall le tapp nw'aa diy satt bii mihhse menguh mou. 22Satt mwopp le, “Nyi a ching tihh L'aa kih Gurum shwaazheell bii mwopp dhess, yakhal mwoohnan, kihh prist wu'nan, kihh Mhikamm-w'aar mwopp shiiy kihh nyi, mwopp t'u nyi, dhangg nyi p'ee waa yakhal dyi kih peemuutt kih puus wu'kunn.”
23Jesu satt gurum ni mwopp weett le, “Mihh m'ee gurum diy kihh t'ang lang'dang na, bhi nyi a ching tihh shiih kihh shin, yakhal m'ang sheepmuutt miin'niy kooh phiranggyeh lang'dang na.#Mat 10:38; Luk 14:27 24P'ee koohweeh w'u kihh t'ang kyeer seen niy, bhi nyi p'ee bhalangdheng; dhangg gwooh mihh bhalang seen niy p'ee a'n, bhi nyi p'ee kyeer seen niy ni.#Mat 10:39; Luk 17:33; Yoh 12:25 25A mihyeh a kyeenn khi rooh gurum kad yill mhize kihhdihng dhangg bhalangdheng seen niy, kooh bhalangdheng dihng shin kihhdihng ayeh?
26“T'o, mihh menguh kihh klihng yitlwaann kihh a'n kihh pwoo keena zag, bhi a'n L'aa kih Gurum p'ee p'ar klihng yitlwaann kihh nyi zag p'ar w'u ih b'aa ih ji dyi dhighin tihghindhess keena, kihh tihghindhess mhi Daa, kihh mhi mhi'lop keena wu'bhangg mwopp zag. 27Ih kihh satt a zeenn wunn, pakk gurum w'u kihh dyarrang nihghinse mwopp p'ee mwarrap mou, harr seeh mwopp naah ji khi dhenglong khi Naan dhangg.”
Shik Jesu sheedyi
Mat 17:1-8; Mar 9:2-8
28Bwoon t'eer kaa pwoghokunn se bwoonrooh Jesu sh'in kamm mhizeh, bhi yakhal kihh Bitrus mwopp kihh Yohanna kihh Yakub dang shin, k'aa dum m'ee dheng bwumm p'ee dhangNaan. 29Kaarooh nyi kaah dhangNaan ni, bhi shik yit nyi sheedyi; bhi looh'lop khinyi pyaah sakk-sakk kaa melleppee khi naan'tihngg se. 30N'ook wu'khimhi, bhi m'ee gurum mwopp vel, Musa kihh Iliya, mwopp ja dhighin men'riin mhi dhengNaan, mwopp ja dyarrang laa'pwoo kihh nyi. 31Mwopp kaah laa'pwoo kaah muutt w'u Jesu ni p'ee m'uut Urshalima tihh gam p'an khi Naan diy.
32Kaarooh bii mihhseh kaah sh'in, bhi Bitrus mwopp kihh mhinin mwopp chaat s'aam fokk. Dhangg kaarooh mwopp mya, bhi mwopp naah men'riin khi Jesu, kihh mhi gurum w'u vel w'u mwopp kihh dyarrang kihshag kihh nyi seh. 33Kaarooh gurum ni mwopp kihh t'ang yet Jesu, bhi Bitrus satt nyi le, “Gwoohyon, ai rett tihh mu tong muh nihghinse. Yet tihh mu shett zheb bid kunn, kihmeh p'ee wu'gha, kihmeh p'ee Musa, yakhal kihmeh p'ee Iliya zag.” (Dhangg baah Bitrus ni man bii w'u riy phi satt nyi mou.)
34Kaarooh Bitrus kaah satt bii mihhseh, bhi m'ee liw ji paah mwopp, bhi kihkhirmuut yak zheppkamm ni mwopp pwetd kaarooh liw ni shee paah mwopp. 35M'ee dhekheh tong put dhighin liw ni satt le, “Mihhse a L'aa keena, ih blihp a nyi, wu klihng nyi.” #2Bit 1:17-18#Ish 42:1; Mat 3:17; 12:18; Mar 1:11; Luk 3:22 36Kaarooh dhekheh ni dhok, dheeh zheppkamm ni mwopp kad a Jesu dheeh dharr mhishin. Bhi mwopp looh bhelepp mhizeh en ru, baah mwopp yak bii w'u mwopp naah seh menguh kongg mou.
Jesu pun riin wu'bis dhighin m'ee l'aa
Mat 17:14-21; Mar 9:14-29
37Kih dhi'dhaar ni, kaarooh Jesu kihshag kihh zheppkamm keeniy w'u kunn seh mwopp tong kih bwumm ni sam diy, bhi dw'uu gurum mwopp ji kang nyi. 38Bhi m'ee gurum dhighin dw'uu gurum ni peet satt Jesu kihh dhekheh niy bhall-bhall le, “Daah Gukamm, kum'bokk, ih kihh dhang pwoo gha tihh ghi naah em na diy s'ang. A nyi kyekk a reb kihmeh l'aa w'u a'n kihh nyi. 39M'ee riin mihh yakhal bhi k'aa kaah nyi; bhi seh mwasseh kihh arrap dhekheh niy, kihh werreng kossok mwarrap harr fihhfill k'aa pwoo nyi. Baah riin ni kihh klihng yet nyi mou, seeh m'ang nyi twarras pwetd dhangg. 40Ih dhang phi zheppkamm keegha tihh mwopp pun riin ni diy lhiput dhel, dhangg baah mwopp mak pun nyi mou.”
41Bhi Jesu satt gurum ni mwopp le, “Wunn gangg mhishiin-pihhzeenn, kihh mhi-dhakk'wubis mwopp Oo! An p'ee tong kihh wunn ih kihh g'ung kihh wunn a kaa mihyeh nah se pwetd?” Bhi Jesu sat gwoh ni le, “Ji kihh em gha ni se a'n.”
42Bhi kaarooh l'aa ni arr ji, bhi mumullung ni s'an nyi yill raiy, bhi y'aa kossok mwarrap. A nyi seh, bhi Jesu tepbhelepp riin wu'bis ni, bhi bar l'aa ni, pihh puup khinyi. 43Bhi Aa'phi gurum ni mwopp kihh tihghindhess khi Naan. Kaarooh koohweeh kaah aa'pwoo kihh bii w'u Jesu sh'in seh, bhi satt zheppkamm keeniy mwopp le, 44“Yet tihh bii w'u a'n phi t'ang satt nyi wunn se dhel kom wu rih-rett; mwopp p'ee pihh L'aa khi Gurum sarr zhepp gurum mwopp.” 45Dhangg baah zheppkamm ni mwopp man bii w'u satt runn seh mou; nyi a w'u zihzok mwopp tapp mwopp manshiiy nyi; dhangg mwopp kihkhir nangshiiy pwoo mhizeh ni phi nyi.
A wuyeh a wu'yon w'u mettweett?
Mat 18:1-5; Mar 9:33-37
46M'ee kakhann yakhal naar zheppkamm khi Jesu ni mwopp kihh shag k'aa kooh kyed a m'ee mwopp wu'rangg a gwoohyon w'u mett kakhar mhinin mwopp weett oh.#Luk 22:24 47Kaarooh Jesu man p'an khimwopp, bhi m'ang m'ee l'aa wu'shomm dhen lhidharr sh'i shin. 48Bhi satt mwopp le, “Koohweeh w'u mihh lapp l'aa wu'shomm kaa mihhse se dhighin shumm nah, bhi lapp a a'n, yakhal koohweeh w'u lapp a'n, bhi lapp a Gwooh lop a'n. P'ee gwooh katmett-weett dhighin wunn a nyi a gwoohyon w'u mett kakhar wuh weett.”#Mat 10:40; Luk 10:16; Yoh 13:20
49Bhi Yohanna#9:49 Yohanna mhize a kihmeh dhighin zheppkamm khi Jesu, baah a Yohanna Gu-Baptisma mou. satt Jesu le, “Gwoohyon, deh mu naah menguh shi phi put kihh mumullung mwopp sh'i shumm gha bhi mu d'aam nyi 'y, p'ee baah nyi munn dang gha maah.”
50Bhi Jesu pring nyi le, tapp w'u d'aam nyi mou, p'ee gwoh baah nyi tonn kihh wunn mou, bhi nyi a dang wu.
M'ee kwangyill Samariya shiih kih arr Jesu
51Kaarooh pee wull kuss tihh Naan m'ang Jesu diy lhi'kaa dum kih dhengNaan, bhi Jesu dhen-en niy kih arr dum Urshalima wurr-wurr. 52Bhi shenn m'ee gurum mwopp kihkyeen, bhi mwopp dum dhel m'ee kwangpee khi Mhi-Samariya tihh mwopp dhakk pee ji khinyi diy. 53Dhangg baah Mhi-Samariya ni mwopp dh'om lapp Jesu mou, pee'rooh dhen-en niy a kih arr dum Urshalima. 54Bhi kaarooh zheppkamm khinyi w'u a Yohanna mwopp kihh Yakub mwopp naah kihhsheh, bhi mwopp nang phi nyi le, “Gwoohyon, ghi kihh dh'om tihh mu peet wus kih dhengNaan lhisam tihh shaan mwopp diy aa'?”#2Das 1:9-16 #9:54 Iliya gyet sh'in kihhsheh dhighin 2 Daskakhamm 1:10-12 55Dhangg Jesu buakhar tepbhelepp mwopp, 56bhi mwopp dum m'ee kwangpee wu'dyikk dyi.
Dumdang Jesu a dhakk w'u shishwal
Mat 8:19-22
57Kaarooh mwopp arr mwaan bhi m'ee gurum satt Jesu le, “An p'ee lang'dang gha kapp pee w'u ghi kihh dum diy.”
58Bhi Jesu pring nyi satt le, “Asmhipangg mwopp kihh f'ung keeru, yakhal bul-shaapp mwopp kihh liz keeru, dhangg baah a'n L'aa khi Gurum kihh pee w'u p'ee dhen kaah nah mou.”
59Jesu satt m'ee gwoohzeh le, “Ghi lang'dang na.” Bhi gwoh ni pring Jesu le, “Gwoohyon, yet tihh ih dum diy ih wum daa dhangg.”
60Jesu satt nyi le, “Ghi yet kumm mwopp wum kumm keeru; wu'gha dei ghi dum ghi fwabhelepp kaah dhenglong khi Naan.”
61Harr mwasseh m'ee gwoohzeh wu'nyi satt Jesu le, “Gwoohyon, a'n p'ee lang'dang gha, dhangg dyinn ghi yet tihh ih dum diy ih satt dhangg kaat mwooh tuluh keena dhangg.” #1Das 19:20
62Jesu pring nyi satt le, “Kapp gwooh khi t'en y'aa maarr kihh shaann ron'dong sarr niy dhangg kihh mekher naah pee bwoon, bhi baah nyi kihh kyeenn p'ee dhakk dhighin dhenglong khi Naan mou.”
Tans Gekies:
Luka 9: Chakfem
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
©️2022 Luke Initiative for Scripture Translation
Luka 9
9
Jesu lop zhepp'lop kaghapaad baa'vel
Mat 10:5-15; Mar 6:7-13
1Kaarooh Jesu peet zheppkamm keeniy w'u kaghapaad baa'vel seh lhi'ji kihshag, bhi pihh maa'pee mwopp, yakhal pihh pee mwopp zag tihh mwopp pwat diy kihh mumullung, yakhal tihh mwopp bar mhi'shwal diy. 2Lop mwopp tihh mwopp yak pwookaah dhenglong khi Naan diy, yakhal tihh mwopp bar mhi'shwal diy. 3Satt mwopp le, “Tapp wu m'ang mee'bii p'ee mwaan ni mou; kooh kam, kooh kullug, kooh biisoh, kooh shaghal; yakhal tapp w'u kok bh'aar vel mou. 4Kapp luh w'u wu sam diy, bhi wu tong kihh mwopp harr p'ar puus w'u wunn p'ee yet tughuzyill mhizeh ni diy. 5Kapp pee w'u mwopp shiih lapp wunn bhi mihh wu yakhal p'ee yet khishikhitt mhizeh ni, bhi wu bwap orrong w'u sh'i kwag wuh lhi'baa p'ee ten'yim kaah mwopp.” 6Bhi zhepp'lop ni mwopp duam kwangpee, kwangpee, mwopp kihh yak Pwoo'wurett diy, yakhal mwopp kihh bar mhi'shwal mwopp koohneeh.
Miskakhamm Hiridus yeehpee kih shin
Mat 14:1-12; Mar 6:14-29
7Kaarooh Hiridus, Miskakhamm gaar'yill Galili, klihng bii w'u kihh dum, bhi yeehpee kih shin pwetd, p'ee pakk gurum mwopp kihh satt le Jesu ni gw'ar a Yohanna Gu-Baptisma w'u waa yakhal kih peemuutt. 8Yakhal pakk kihh satt le a Iliya gw'ar ji'wull, kooh a kihmeh dhighin Mhi-wanggshiiy w'u gyetshak waa yakhal dyi kihh seen.#Mat 16:14; Mar 8:28; Luk 9:19 9Dhangg Hiridus wu'nyi satt le, “Baa deh a'n ih l'e tihh mwopp t'u Yohanna diy sh'i gabkaah, dheeh a wuyeh se w'u a'n phi klihng bii mihhse mwopp kaah nyi se ayeh?” Bhi Hiridus ni kihh t'ang le dyinn riy kad naah Jesu.
Jesu so kihh gurum jig paad
Mat 14:13-21; Mar 6:30-44; Yoh 6:1-14
10Kaarooh zhepp'lop khi Jesu ni mwopp baja, bhi mwopp yak pwoodhakk w'u mwopp sh'in weett nyi. Bhi Jesu dhel kihh mwopp dang shin, mwopp byaah dum m'ee pee koghob khishikhitt Betseida mhishut. 11Dhangg kaarooh dw'uu gurum ni mwopp man, bhi mwopp langkihshiiy nyi, bhi Jesu lapp mwopp, y'aa laa'pwoo kaah dhenglong khi Naan mwopp, yakhal bar mwooh kihh t'ang kad kakhamm.
12Kaarooh puus kihh t'ang r'u, bhi zhepp'lop khinyi w'u kaghapaad baa'vel seh mwopp ji satt nyi le, “Dyinn ghi shenn dw'uu khi gurum ni mwopp mwasseh ser'seh tihh mwopp duam lyap biisoh kihh pee'teer diy dhighin tughuzyill mwopp kihh kwangpee w'u koghob mihhse, p'ee munn a dhighin dh'em, pee w'u baah gurum mwopp kihh tong diy mou.”
13Bhi Jesu pring mwopp satt le, “Wu kad mee'bii wu pihh mwopp so.” Bhi mwopp satt nyi le, “Baah munn kihh bii w'u dhel kih gihkhill gutt paad kihh sherep vel nihghinse. Seeh kooh kan munn a kihh shaghal w'u p'ee dum serrep biisoh p'ee dw'uu gurum ni mwopp bwaatt?”
14Gyet daass w'u mwopp nhighin kyekk maah mwopp wull gurum jig paad dhighin dw'uu gurum ni mwopp. Bhi Jesu satt zheppkamm keeniy ni mwopp le, “Wu satt gurum ni mwopp kwangg yill shi'zhungg, shi'zhungg, laar paad-paad.” 15Zheppkamm ni mwopp sh'in kaa satt mwopp seh, bhi gurum ni mwopp kwangg yill. 16Bhi Jesu kok gihkhill gutt w'u paad seh kihh sherep w'u vel ni mwopp, bhi eep yit niy phikihtihngg, plang Naan; bhi trep gihkhill gutt ni mwopp, pihh zheppkamm keeniy ni mwopp tihh mwopp shap dw'uu gurum ni mwopp. 17Bhi gurum ni mwopp weett so abbhal, harr zheppkamm khi Jesu ni mwopp chakk v'ur bott w'u mwan dheeh l'e, mwopp gam shikkah kaghapaad baa'vel dyishig.
Bitrus satt rooh Jesu a Kristi
Mat 16:13-20; Mar 8:27-30
18Par'meeh shi bhi Jesu kaah dhangNaan mhishin, bhi zheppkamm khinyi mwopp dum kihpee nyi diy, bhi nang phi mwopp le, “Gurum mwopp kihh satt le a'n a wuyeh?”
19Bhi mwopp lapp nyi mwopp le, “Pakk mwopp kihh satt le gha a Yohanna Gu-Baptisma, pakk kihh satt le gha a Iliya, dhangg harr mwasseh pakk kihh satt le, a kihmeh dhighin Mhi-wanggshiiy w'u gyetshak baa'ji kihh seen.” #Mat 14:1,2; Mar 6:14,15; Luk 9:7,8
20Bhi Jesu nang phi mwopp le, “Dheeh wu'wunn ee? Wu kihh satt wu le a'n a wuyeh?” #Mat 14:1,2; Mar 6:14,15; Luk 9:7,8
Bhi Bitrus lapp nyi satt le, “A gha a Kristi khi Naan.”
21Bhi Jesu delkom mwopp bhall-bhall le tapp nw'aa diy satt bii mihhse menguh mou. 22Satt mwopp le, “Nyi a ching tihh L'aa kih Gurum shwaazheell bii mwopp dhess, yakhal mwoohnan, kihh prist wu'nan, kihh Mhikamm-w'aar mwopp shiiy kihh nyi, mwopp t'u nyi, dhangg nyi p'ee waa yakhal dyi kih peemuutt kih puus wu'kunn.”
23Jesu satt gurum ni mwopp weett le, “Mihh m'ee gurum diy kihh t'ang lang'dang na, bhi nyi a ching tihh shiih kihh shin, yakhal m'ang sheepmuutt miin'niy kooh phiranggyeh lang'dang na.#Mat 10:38; Luk 14:27 24P'ee koohweeh w'u kihh t'ang kyeer seen niy, bhi nyi p'ee bhalangdheng; dhangg gwooh mihh bhalang seen niy p'ee a'n, bhi nyi p'ee kyeer seen niy ni.#Mat 10:39; Luk 17:33; Yoh 12:25 25A mihyeh a kyeenn khi rooh gurum kad yill mhize kihhdihng dhangg bhalangdheng seen niy, kooh bhalangdheng dihng shin kihhdihng ayeh?
26“T'o, mihh menguh kihh klihng yitlwaann kihh a'n kihh pwoo keena zag, bhi a'n L'aa kih Gurum p'ee p'ar klihng yitlwaann kihh nyi zag p'ar w'u ih b'aa ih ji dyi dhighin tihghindhess keena, kihh tihghindhess mhi Daa, kihh mhi mhi'lop keena wu'bhangg mwopp zag. 27Ih kihh satt a zeenn wunn, pakk gurum w'u kihh dyarrang nihghinse mwopp p'ee mwarrap mou, harr seeh mwopp naah ji khi dhenglong khi Naan dhangg.”
Shik Jesu sheedyi
Mat 17:1-8; Mar 9:2-8
28Bwoon t'eer kaa pwoghokunn se bwoonrooh Jesu sh'in kamm mhizeh, bhi yakhal kihh Bitrus mwopp kihh Yohanna kihh Yakub dang shin, k'aa dum m'ee dheng bwumm p'ee dhangNaan. 29Kaarooh nyi kaah dhangNaan ni, bhi shik yit nyi sheedyi; bhi looh'lop khinyi pyaah sakk-sakk kaa melleppee khi naan'tihngg se. 30N'ook wu'khimhi, bhi m'ee gurum mwopp vel, Musa kihh Iliya, mwopp ja dhighin men'riin mhi dhengNaan, mwopp ja dyarrang laa'pwoo kihh nyi. 31Mwopp kaah laa'pwoo kaah muutt w'u Jesu ni p'ee m'uut Urshalima tihh gam p'an khi Naan diy.
32Kaarooh bii mihhseh kaah sh'in, bhi Bitrus mwopp kihh mhinin mwopp chaat s'aam fokk. Dhangg kaarooh mwopp mya, bhi mwopp naah men'riin khi Jesu, kihh mhi gurum w'u vel w'u mwopp kihh dyarrang kihshag kihh nyi seh. 33Kaarooh gurum ni mwopp kihh t'ang yet Jesu, bhi Bitrus satt nyi le, “Gwoohyon, ai rett tihh mu tong muh nihghinse. Yet tihh mu shett zheb bid kunn, kihmeh p'ee wu'gha, kihmeh p'ee Musa, yakhal kihmeh p'ee Iliya zag.” (Dhangg baah Bitrus ni man bii w'u riy phi satt nyi mou.)
34Kaarooh Bitrus kaah satt bii mihhseh, bhi m'ee liw ji paah mwopp, bhi kihkhirmuut yak zheppkamm ni mwopp pwetd kaarooh liw ni shee paah mwopp. 35M'ee dhekheh tong put dhighin liw ni satt le, “Mihhse a L'aa keena, ih blihp a nyi, wu klihng nyi.” #2Bit 1:17-18#Ish 42:1; Mat 3:17; 12:18; Mar 1:11; Luk 3:22 36Kaarooh dhekheh ni dhok, dheeh zheppkamm ni mwopp kad a Jesu dheeh dharr mhishin. Bhi mwopp looh bhelepp mhizeh en ru, baah mwopp yak bii w'u mwopp naah seh menguh kongg mou.
Jesu pun riin wu'bis dhighin m'ee l'aa
Mat 17:14-21; Mar 9:14-29
37Kih dhi'dhaar ni, kaarooh Jesu kihshag kihh zheppkamm keeniy w'u kunn seh mwopp tong kih bwumm ni sam diy, bhi dw'uu gurum mwopp ji kang nyi. 38Bhi m'ee gurum dhighin dw'uu gurum ni peet satt Jesu kihh dhekheh niy bhall-bhall le, “Daah Gukamm, kum'bokk, ih kihh dhang pwoo gha tihh ghi naah em na diy s'ang. A nyi kyekk a reb kihmeh l'aa w'u a'n kihh nyi. 39M'ee riin mihh yakhal bhi k'aa kaah nyi; bhi seh mwasseh kihh arrap dhekheh niy, kihh werreng kossok mwarrap harr fihhfill k'aa pwoo nyi. Baah riin ni kihh klihng yet nyi mou, seeh m'ang nyi twarras pwetd dhangg. 40Ih dhang phi zheppkamm keegha tihh mwopp pun riin ni diy lhiput dhel, dhangg baah mwopp mak pun nyi mou.”
41Bhi Jesu satt gurum ni mwopp le, “Wunn gangg mhishiin-pihhzeenn, kihh mhi-dhakk'wubis mwopp Oo! An p'ee tong kihh wunn ih kihh g'ung kihh wunn a kaa mihyeh nah se pwetd?” Bhi Jesu sat gwoh ni le, “Ji kihh em gha ni se a'n.”
42Bhi kaarooh l'aa ni arr ji, bhi mumullung ni s'an nyi yill raiy, bhi y'aa kossok mwarrap. A nyi seh, bhi Jesu tepbhelepp riin wu'bis ni, bhi bar l'aa ni, pihh puup khinyi. 43Bhi Aa'phi gurum ni mwopp kihh tihghindhess khi Naan. Kaarooh koohweeh kaah aa'pwoo kihh bii w'u Jesu sh'in seh, bhi satt zheppkamm keeniy mwopp le, 44“Yet tihh bii w'u a'n phi t'ang satt nyi wunn se dhel kom wu rih-rett; mwopp p'ee pihh L'aa khi Gurum sarr zhepp gurum mwopp.” 45Dhangg baah zheppkamm ni mwopp man bii w'u satt runn seh mou; nyi a w'u zihzok mwopp tapp mwopp manshiiy nyi; dhangg mwopp kihkhir nangshiiy pwoo mhizeh ni phi nyi.
A wuyeh a wu'yon w'u mettweett?
Mat 18:1-5; Mar 9:33-37
46M'ee kakhann yakhal naar zheppkamm khi Jesu ni mwopp kihh shag k'aa kooh kyed a m'ee mwopp wu'rangg a gwoohyon w'u mett kakhar mhinin mwopp weett oh.#Luk 22:24 47Kaarooh Jesu man p'an khimwopp, bhi m'ang m'ee l'aa wu'shomm dhen lhidharr sh'i shin. 48Bhi satt mwopp le, “Koohweeh w'u mihh lapp l'aa wu'shomm kaa mihhse se dhighin shumm nah, bhi lapp a a'n, yakhal koohweeh w'u lapp a'n, bhi lapp a Gwooh lop a'n. P'ee gwooh katmett-weett dhighin wunn a nyi a gwoohyon w'u mett kakhar wuh weett.”#Mat 10:40; Luk 10:16; Yoh 13:20
49Bhi Yohanna#9:49 Yohanna mhize a kihmeh dhighin zheppkamm khi Jesu, baah a Yohanna Gu-Baptisma mou. satt Jesu le, “Gwoohyon, deh mu naah menguh shi phi put kihh mumullung mwopp sh'i shumm gha bhi mu d'aam nyi 'y, p'ee baah nyi munn dang gha maah.”
50Bhi Jesu pring nyi le, tapp w'u d'aam nyi mou, p'ee gwoh baah nyi tonn kihh wunn mou, bhi nyi a dang wu.
M'ee kwangyill Samariya shiih kih arr Jesu
51Kaarooh pee wull kuss tihh Naan m'ang Jesu diy lhi'kaa dum kih dhengNaan, bhi Jesu dhen-en niy kih arr dum Urshalima wurr-wurr. 52Bhi shenn m'ee gurum mwopp kihkyeen, bhi mwopp dum dhel m'ee kwangpee khi Mhi-Samariya tihh mwopp dhakk pee ji khinyi diy. 53Dhangg baah Mhi-Samariya ni mwopp dh'om lapp Jesu mou, pee'rooh dhen-en niy a kih arr dum Urshalima. 54Bhi kaarooh zheppkamm khinyi w'u a Yohanna mwopp kihh Yakub mwopp naah kihhsheh, bhi mwopp nang phi nyi le, “Gwoohyon, ghi kihh dh'om tihh mu peet wus kih dhengNaan lhisam tihh shaan mwopp diy aa'?”#2Das 1:9-16 #9:54 Iliya gyet sh'in kihhsheh dhighin 2 Daskakhamm 1:10-12 55Dhangg Jesu buakhar tepbhelepp mwopp, 56bhi mwopp dum m'ee kwangpee wu'dyikk dyi.
Dumdang Jesu a dhakk w'u shishwal
Mat 8:19-22
57Kaarooh mwopp arr mwaan bhi m'ee gurum satt Jesu le, “An p'ee lang'dang gha kapp pee w'u ghi kihh dum diy.”
58Bhi Jesu pring nyi satt le, “Asmhipangg mwopp kihh f'ung keeru, yakhal bul-shaapp mwopp kihh liz keeru, dhangg baah a'n L'aa khi Gurum kihh pee w'u p'ee dhen kaah nah mou.”
59Jesu satt m'ee gwoohzeh le, “Ghi lang'dang na.” Bhi gwoh ni pring Jesu le, “Gwoohyon, yet tihh ih dum diy ih wum daa dhangg.”
60Jesu satt nyi le, “Ghi yet kumm mwopp wum kumm keeru; wu'gha dei ghi dum ghi fwabhelepp kaah dhenglong khi Naan.”
61Harr mwasseh m'ee gwoohzeh wu'nyi satt Jesu le, “Gwoohyon, a'n p'ee lang'dang gha, dhangg dyinn ghi yet tihh ih dum diy ih satt dhangg kaat mwooh tuluh keena dhangg.” #1Das 19:20
62Jesu pring nyi satt le, “Kapp gwooh khi t'en y'aa maarr kihh shaann ron'dong sarr niy dhangg kihh mekher naah pee bwoon, bhi baah nyi kihh kyeenn p'ee dhakk dhighin dhenglong khi Naan mou.”
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
©️2022 Luke Initiative for Scripture Translation