EKSODUS 37:1-2
EKSODUS 37:1-2 Afrikaans 1933/1953 (AFR53)
EN Besáleël het die ark van akasiahout gemaak; twee en 'n half el was sy lengte, en anderhalf el sy breedte, en anderhalf el sy hoogte. En hy het dit oorgetrek met suiwer goud, van binne en van buite; en hy het daaraan 'n goue krans gemaak rondom.
EKSODUS 37:1-2 Bybel vir almal (ABA)
Besaleël het 'n kis van doringhout gemaak. Die kis was twee en 'n halwe el lank, een en 'n halwe el breed en een en 'n halwe el hoog. Hy het die kis binne en buite oorgetrek met skoon goud. Hy het 'n rand van goud rondom die kis se kante vasgesit.
EKSODUS 37:1-2 Afrikaans 1983 (AFR83)
Besaleël het die ark van doringhout gemaak: een en 'n kwart meter lank, 'n driekwart meter breed en net so hoog. Hy het dit binne en buite met suiwer goud oorgetrek en 'n goue lys rondom vasgesit.
EKSODUS 37:1-2 Die Bybel 2020-vertaling (AFR20)
Besaleël het die ark van doringhout gemaak, twee en 'n half el lank, een en 'n half el breed en een en 'n half el hoog. Hy het dit met suiwer goud oorgetrek, aan die binnekant en aan die buitekant, en hy het reg rondom 'n goue rand aangebring.
EKSODUS 37:1-2 Contemporary Afrikaans Bible 2023 (CAB23)
En Besáleël het die ark van akasiahout gemaak: twee en 'n half el was sy lengte, en anderhalf el sy breedte en anderhalf el sy hoogte. En hy het dit van binne en van buite met suiwer goud oorgetrek en 'n goue kroon daarop gemaak rondom.
EKSODUS 37:1-2 Die Boodskap (DB)
Besaleël het die ark gemaak waarin die bewys van die ooreenkoms gekom het. Dit was van akasiahout. Dit was 115 sentimeter lank, en 70 sentimeter breed en hoog. Hy het dit aan die binne- en buitekant met suiwer goud oorgetrek. Aan die buitekant het hy ’n versierde goue rand gesit.