ESEGIËL 22:30
ESEGIËL 22:30 Bybel vir almal (ABA)
Ek het gekyk of daar iemand by hulle is wat die mense in die land kan beskerm, iemand wat voor My kan staan in hulle plek sodat Ek nie almal in die land sal doodmaak nie. Maar Ek het nie so 'n persoon gekry nie.
ESEGIËL 22:30 Die Bybel 2020-vertaling (AFR20)
“ Ek het onder hulle iemand gesoek wat 'n klipmuur kan pak en wat voor My in die bres kan tree vir die land, sodat Ek dit nie verwoes nie, maar Ek kon niemand kry nie.
ESEGIËL 22:30 Die Boodskap (DB)
“Ek het gesoek na iemand in die stad wat goed sal doen, iemand wat ’n muur om die stad sal bou sodat die stad teen sy vyande beskerm kon word. So iemand moet goeddoen. Maar Ek het nie so iemand in die stad gekry nie. Niemand sal die stad kan beskerm nie.
ESEGIËL 22:30 Afrikaans 1933/1953 (AFR53)
En Ek het onder hulle 'n man gesoek wat 'n muur kan bou en voor my aangesig in die bres kan staan vir die land, sodat Ek dit nie sou verwoes nie; maar Ek het niemand gevind nie.
ESEGIËL 22:30 Afrikaans 1983 (AFR83)
Ek het iemand tussen hulle gesoek wat 'n muur sou bou en vir die stad in die bres sou tree dat dit nie vernietig word nie, maar Ek het niemand gekry nie.