Nuut

Hierdie 40 dae is ’n heilige uitnodiging om God met jou hele hart te soek. Wanneer ons vas en bid, maak ons ruimte vir geestelike groei, herlewing, deurbrake en ’n dieper verhouding met God. Medies gesproke dien vas as ’n metaboliese skakelaar wat die liggaam help herstel. Dit aktiveer outofagie, stimuleer stamsel-vernuwing, versterk die immuunstelsel en verbeter insulien­sensitiwiteit. Die her-voedingsfase bou nuwe, gesonde selle, daarom moet ’n vas gesond gebreek word met water, onbewerkte kos, groente, proteïen, gesonde vette en lae-GI koolhidrate. Persone met mediese toestande moet eers hul dokter raadpleeg.

40 Dae Vas & Gebed

Hierdie 5-dagleesplan herinner jou aan God se ewige liefde, vaste beskerming en troosvolle teenwoordigheid. Deur elke Skrifgedeelte word jy versterk in die wete dat die Here oor jou waak, dat geen plan teen jou sal slaag nie en dat Hy ’n einde aan elke benoudheid bring. Hy is jou Rots en jou veilige woning. Ontdek hoe sy liefde jou dra, sy beskerming jou omring en sy vertroosting jou nuwe hoop en krag gee.

Ewige Liefde en Onwankelbare Beskerming

Hierdie 5-dagleesplan neem jou op ’n praktiese reis in Bybelse meditasie. In ’n besige wêreld leer jy hoe om die Woord van God nie net te lees nie, maar dit te laat perkoleer – soos goeie koffie tyd nodig het om sy volle geur vry te stel. Deur kort Skrifgedeeltes, alledaagse voorbeelde en toepaslike insigte ontdek jy hoe om God se waarheid stadig, konsekwent en diep in jou gedagtes en lewe te laat insypel. Hierdie leesplan help jou om geestelike groei te beleef sonder oorweldiging, en om die Woord van God ’n natuurlike deel van jou daaglikse leefstyl te maak.

Mediteer & Perkoleer: Laat God se Woord jou Leefstyl Vorm

Ons neem aan dat die verhaal in 'n man se wêreld afspeel, maar geskiedenis en historiese bronne vertel ons 'n ander storie. In hierdie 5-dagleesplan, gebruik Dr. Charel du Toit historiese bronne om die vroulike reisigers, vroulike herbergiere, en die verpleegsters in hierdie gelykenis te ontbloot. Dit is juis hierdie verborge karakters wat die Samaritaan se genade moontlik maak.

Waar is die Vrouens? Die Gelykenis van die Barmhartige Samaritaan

Die uitnodiging na die Oorvloedige Lewe is sentraal tot God se plan en belofte vir die mensdom. Die Bybel is gevul met ryk beelde van die vervullende lewe wat God ons bied in Jesus – ‘n lewe van vrede en vreugde. 
Maar hoe floreer mens in ‘n wisselvallige wêreld? In hierdie eerste leesplan in die reeks kyk ons hoe Israel deur die eeue getroue getuies van die verbond van vrede was. Die Pelgrims-Psalms (120-134) was sentraal tot hul geloof en essensieel vir hul identiteit as die volk van God. Hierdie gebede bied vandag steeds so baie krag en hoop.


Oorvloedige Lewe in Die Pelgrims Psalms

God begeer om met alle mense in 'n verhouding te staan.  En die goeie nuus is dat Jesus Christus alles gedoen het wat nodig is, sodat dit moontlik kan wees.

In hierdie 5-dagleesplan skenk ons aandag aan God se liefde, Jesus se verlossingswerk aan die kruis, sy opstanding uit die dood en die uitnodiging om ware lewe in Hom te vind.

Hoe gaan jy reageer op hierdie uitnodiging wat ewige nagevolge sal hê?

Jesus het vir jou gedoen wat jy nie vir jouself kan doen nie

Hierdie 4-dagleesplan nooi jou om stadig en eerlik stil te word voor God en te ontdek hoe Hy vandag nog met sy kinders praat. In ’n wêreld vol geraas, onsekerheid en innerlike vrae, herinner hierdie plan ons dat die Here se stem sag, getrou en vol genade is. Deur Skrif, stilword oomblikke en gebed kan jy God se stem beter leer ken – nie deur perfeksie nie, maar deur verhouding. Ian Dubery

Hoor jy God se stem?

Betroubaarheid is een van die waardevolste eienskappe wat ’n persoon kan hê – by die werk, in verhoudings en in jou verhouding met God. Hierdie 4-dagleesplan wys hoe dit die alledaagse in die wonderbaarlike verander. Jy sal leer hoeveel waarde mense en God aan betroubaarheid heg, hoekom volgehoue 100%-inspanning noodsaaklik is en hoe getrouheid in klein dingetjies die grondslag vir groot verantwoordelikheid is. Hierdie leesplan help jou om jou karakter te bou en ’n lewe te lei waarop ander kan staatmaak.

Wees 'n betroubare persoon

Hierdie 3-dagleesplan neem jou op ’n reis deur die werklikheid van Jesus se kruisiging en opstanding — nie as ’n verre, simboliese verhaal nie, maar as gebeure wat binne gewone dae plaasgevind het. Van die Vrydag van die kruis, waar alles stil en alledaags gelyk het, tot die Sondagoggend waar hoop stadig deurbreek, ontdek ons hoe God in die gewone werk. Hierdie leesplan help jou om jou eie dae anders te sien — nie as betekenisloos nie, maar as ruimtes waar God steeds besig is om te werk.