<div class="version vid4101 iso6393sjw" data-vid="4101" data-iso6393="sjw">
 <div class="book bkMAT">
 <div class="chapter ch4" data-usfm="MAT.4">
 <div class="label">4</div><div class="p"> 1Hina uwa Jessise nili Ucvjrlvhqvli ini belasgi u tasi wala-goli wvhsi kuci mvci-vshakuci nili mvci-mvnadoli. 2Chena ina iah mahci fvfvhqi ucigaci nyawrpitvgi tfuku gita nyawripitvgi tapuqa, inv vhkuwihi sqrlvwa. 3Macimi inv kucilahfi biawv chena, Qahqi geyrwivna nili u Qihfvli Mvnatu, tapigamulu wvhsi iuhkumv sekunvki tvkuwhrni-wiwrci, u tagoli. 4Pvyaqv inv rpvfsa macimi, Yalvwigagi ini, Mvtv tvkuwhv pahi wa huci lanvwawi ilani, wakv jrgi kvlvwewa ini u doni Mvnatu wa-moyrgi, u talrli.</div><div class="p"> 5Hina uwa inv mvci-mvnatu ini ufapi udawa-nagi u tasi walrli nili; macimi inv ini vnvhqvsgi in mvmrtumawi-kvmiqi u tab lamvtvphrli nili, 6chena, Qahqi geyrwivna nili u Qihfvli Mvnatu, svhgigi ipvgitvnu geiv : xvga yalvwigagi ini,</div><div class="q">Wah melvhi inv ut ancvlemhi tapimadewa gelv si : chena,</div><div class="q">U laciwrgi nihki gab pvh-nemagoki,</div><div class="q">Belaba ga pgitahfatu gi fici sekunagi,</div><div class="m">u talrli. 7Tagi ga hustu gelv u kutvh-kuwrfowa inv Dabalamiwatv gi Mvnadomv, Ivwigapi ini nuhgi, u talrli Jesise. 8Nuhgi, inv mvci-mvnatu vnhiwawi sahpvtagi wvciwvhgi u tasi walrli nili, ma-cimi u wrpvtalrli jrivhki nili ugimrwi-drmqawvli ini yalakuqvh-kvmigigi, macimi nili uci wvhfrci-makufewa; 9chena, Jrivhki yo-lumv wiahi gah melala nelv, svhgigi sfrivna macimi usvsilvwahivna, u talrli. 10Hina uwa Jesise, Ylikv hrla, Satane : xvga Ga husv-silvwahv gelv inv Dabalamiwatv gi Mvnadomv macimi inv pahi gah mamaginilutvwv, Ivwigapi ini, u talrli. 11Hina uwa inv mvci-mvnatu u nvkvlrli nili; macimi wrpvmahku, ancvleki biaki macimi u mesvmvwrwrli nili.</div><div class="p"> 12Huwa ina inv iah nodrgaci yasi Jrneli masanofulici, Galalegi si srwa; 13chena u nvkvtv Nrsalafe, Gabrnivme si biawv macimi ntvsi dawv, yadagi sqrbiagi ini msi-napi, beci-drmqa sqriv ini Sipulvne chena Niftale : 14wvhsi manvwv&#8217; hini uqrufagi ga-kvlvwi-gi srpwi Visviv inv mrmosigesgatv,</div><div class="q"> 15Hini Sipulvnewi vsisgi, chena ini Niftalewi vsisgi,</div><div class="q">Hini msi-napi wvyaci, vlikv ini Jrtane,</div><div class="q">U Galalemwv nihki Nvnvhkvwi-laneki,</div><div class="q"> 16Nihki lanvwaki la-mvtvpicki Ir papagicv</div><div class="q">U namanrwv mahsrgi wvivhfayrgi,</div><div class="q">Chena nihki la-mvtvpicki ini Irwidrmqa macimi nabowi awikvgi,</div><div class="q">Nihki si muhgaskv wvivhfayrgi,</div><div class="m">iwvpi.</div><div class="p"> 17Hina Irqv uci Jesise vlami nvnvhimiwa, macimi, Mvtveni si tahaku gelvwv; xvga ini wafapvh-kvmigigi ugimrwi-drmqa uwa mrlr-qvhi, isiwa.</div><div class="p"> 18Chena brmfa pvkvci ini Galalewi msi-napi, inv u nawvhi neswi wa-janinrtihi, Svimvn&#8217; Betv yr-lofutv, macimi u janinrli Andloli, bami ini msi-napigi ipvgitvmalici hrqvsqhrkv; xvga nr-nvmafgacki nihki. 19Chena Birku nrwvluskvwiku gelvwv, macimi ilanihi na-nvmafgrlrcki ga shalapwv, u talvhi nihi. 20Chena nih-ki walanv u nvkvdrnrwv nili rqvsqhrkvnv, macimi u nakvlrwrli nihi. 21Chena yoci vlikv hawv, u nawvhi neswi kutvkhi wa-janinrtihi, Jamse, nili u qihfvli Sapade, macimi u janinrli Jrneli, weci u fwrli Sapadeli ini ulvga-lagi, bami cvhtuqanvmuwrci ud rqsqhr-kvnwv; macimi u tah wihkumvhi nihi. 22Chena nihki walanv u nv-kvdrnrwv ini ulvgasi macimi u fwrli, chena u nakvlrwrli nili.</div><div class="p"> 23Chena mafhega Ir Galale brmfa Jesise, kvgahgimiwa betiga u msi-kvmikumwrgi, chena nvnvhimiwa ini ugimrwi-drmqa uci uwasi-biadrcimowa, chena gegahiwa jrivhki yagi kvtunawa, macimi jrivhki yagi vhqilugawa alagenv nihi lanvwahi. 24Macimi ini u ta Irci-makufewa wapfaiv mafhega Ir Silia haiv : macimi nihki u biatvwr-wrli jrivhki ya-vhqilugalici, fvyoginakucki qvqatvgi si kvtunawa-nv macimi vhqilugawanv, la-kusgrkucki wvninahfihi, chena mr-mrtv-kusgrcki, chena na-nagificki; macimi u gegahvhi nihi. 25Chena ntvsi u nakvlrwrli nili mahsi mahsalagiki Galale uci chena Tiga-pulvse, chena Culosalame chena Cudia macimi vlikv ini Jrtane uci.</div>
 </div>
 </div>
</div>

Published for Thomas Wildcat Alford in 1929

Hina uwa Jessise nili Ucvjrlvhqvli ini belasgi u tasi wala-goli wvhsi kuci mvci-vshakuci nili mvci-mvnadoli. Chena ina iah mahci fvfvhqi ucigaci nyawrpitvgi tfuku gita nyawripitvgi tapuqa, inv vhkuwihi sqrlvwa. Macimi inv kucilahfi biawv chena, Qahqi geyrwivna nili u Qihfvli Mvnatu, tapigamulu wvhsi iuhkumv sekunvki tvkuwhrni-wiwrci, u tagoli. Pvyaqv inv rpvfsa macimi, Yalvwigagi ini, Mvtv tvkuwhv pahi wa huci lanvwawi ilani, wakv jrgi kvlvwewa ini u doni Mvnatu wa-moyrgi, u talrli.
Hina uwa inv mvci-mvnatu ini ufapi udawa-nagi u tasi walrli nili; macimi inv ini vnvhqvsgi in mvmrtumawi-kvmiqi u tab lamvtvphrli nili, chena, Qahqi geyrwivna nili u Qihfvli Mvnatu, svhgigi ipvgitvnu geiv : xvga yalvwigagi ini,
Wah melvhi inv ut ancvlemhi tapimadewa gelv si : chena,
U laciwrgi nihki gab pvh-nemagoki,
Belaba ga pgitahfatu gi fici sekunagi,
u talrli. Tagi ga hustu gelv u kutvh-kuwrfowa inv Dabalamiwatv gi Mvnadomv, Ivwigapi ini nuhgi, u talrli Jesise. Nuhgi, inv mvci-mvnatu vnhiwawi sahpvtagi wvciwvhgi u tasi walrli nili, ma-cimi u wrpvtalrli jrivhki nili ugimrwi-drmqawvli ini yalakuqvh-kvmigigi, macimi nili uci wvhfrci-makufewa; chena, Jrivhki yo-lumv wiahi gah melala nelv, svhgigi sfrivna macimi usvsilvwahivna, u talrli. Hina uwa Jesise, Ylikv hrla, Satane : xvga Ga husv-silvwahv gelv inv Dabalamiwatv gi Mvnadomv macimi inv pahi gah mamaginilutvwv, Ivwigapi ini, u talrli. Hina uwa inv mvci-mvnatu u nvkvlrli nili; macimi wrpvmahku, ancvleki biaki macimi u mesvmvwrwrli nili.
Huwa ina inv iah nodrgaci yasi Jrneli masanofulici, Galalegi si srwa; chena u nvkvtv Nrsalafe, Gabrnivme si biawv macimi ntvsi dawv, yadagi sqrbiagi ini msi-napi, beci-drmqa sqriv ini Sipulvne chena Niftale : wvhsi manvwv’ hini uqrufagi ga-kvlvwi-gi srpwi Visviv inv mrmosigesgatv,
Hini Sipulvnewi vsisgi, chena ini Niftalewi vsisgi,
Hini msi-napi wvyaci, vlikv ini Jrtane,
U Galalemwv nihki Nvnvhkvwi-laneki,
Nihki lanvwaki la-mvtvpicki Ir papagicv
U namanrwv mahsrgi wvivhfayrgi,
Chena nihki la-mvtvpicki ini Irwidrmqa macimi nabowi awikvgi,
Nihki si muhgaskv wvivhfayrgi,
iwvpi.
Hina Irqv uci Jesise vlami nvnvhimiwa, macimi, Mvtveni si tahaku gelvwv; xvga ini wafapvh-kvmigigi ugimrwi-drmqa uwa mrlr-qvhi, isiwa.
Chena brmfa pvkvci ini Galalewi msi-napi, inv u nawvhi neswi wa-janinrtihi, Svimvn’ Betv yr-lofutv, macimi u janinrli Andloli, bami ini msi-napigi ipvgitvmalici hrqvsqhrkv; xvga nr-nvmafgacki nihki. Chena Birku nrwvluskvwiku gelvwv, macimi ilanihi na-nvmafgrlrcki ga shalapwv, u talvhi nihi. Chena nih-ki walanv u nvkvdrnrwv nili rqvsqhrkvnv, macimi u nakvlrwrli nihi. Chena yoci vlikv hawv, u nawvhi neswi kutvkhi wa-janinrtihi, Jamse, nili u qihfvli Sapade, macimi u janinrli Jrneli, weci u fwrli Sapadeli ini ulvga-lagi, bami cvhtuqanvmuwrci ud rqsqhr-kvnwv; macimi u tah wihkumvhi nihi. Chena nihki walanv u nv-kvdrnrwv ini ulvgasi macimi u fwrli, chena u nakvlrwrli nili.
Chena mafhega Ir Galale brmfa Jesise, kvgahgimiwa betiga u msi-kvmikumwrgi, chena nvnvhimiwa ini ugimrwi-drmqa uci uwasi-biadrcimowa, chena gegahiwa jrivhki yagi kvtunawa, macimi jrivhki yagi vhqilugawa alagenv nihi lanvwahi. Macimi ini u ta Irci-makufewa wapfaiv mafhega Ir Silia haiv : macimi nihki u biatvwr-wrli jrivhki ya-vhqilugalici, fvyoginakucki qvqatvgi si kvtunawa-nv macimi vhqilugawanv, la-kusgrkucki wvninahfihi, chena mr-mrtv-kusgrcki, chena na-nagificki; macimi u gegahvhi nihi. Chena ntvsi u nakvlrwrli nili mahsi mahsalagiki Galale uci chena Tiga-pulvse, chena Culosalame chena Cudia macimi vlikv ini Jrtane uci.

ያዳምጡ HINI UWASI-BIADRCIMOWA ya-sfadoci MAFIYO 4