ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Sarewo ye to kak mit wa An ma ete onyar kem mo An sa, Yefun Allah bes ye ne gum tepsu Yefun Allah bi pa-i.

Ji krom sukdu subot Yefun Yesus gato ye kendo do Sukdu, An Ye gato ki Yefun Allah bi suktaru nai men yetu jam. Suga ketke bur ré yo mo nde tó, Sukdu ne mó re. Sukdu ne anato tepsu Suktaru kadit Yefun Allah. Sukdu ne sisu Yefun Allah dom. Sukdu ne anato Yefun Allah dakai.

Rer ku pe gato ndendu mó. Rer ne, ndendu yo nggiwa ben rer ne te nde re.

Sukdu ne ma mo bur ré ka tepsu yetu re. An ma si men kem mo bur ré sino. An ben sukndo mwa yé su men dakai yi. An kadum Yefun Allah wa men jam sisu sangge. Men dakai me su men gro do, An gum kok sye wai o re. Yefun Allah anato An bi Ai, Yefun Allah bi Gan ge dik ne sor re, anato Yefun Allah bes An gum kok sye wai. {An anato Yefun Yesus.}

Yefun Allah ut suk mwa ne sino, su Yefun Yesus gato ye kendo do Sukdu ne. Sukdu do yo mo nde yo, Yefun Allah yo ut suk mo gu nim si bur ré mo nde. Sukdu ne ben suk mwa ne sino mbau. Yetu mbau mo An, anato rer ku nje mo bur ré.

Bi ik, ete Yohanes me Yefun Yesus ma mo an. Orete Yohanes ki do, ”Nin me Ye ré. An anato tepsu Domba Gan gato Yefun Allah syogat ma mo bur ré wa tot suktot mo sukibit gato men ben ne wé.

Ye gato rer sangge kai ma mo bur ré, su ketke Yefun Allah ut bur ré su An, sarewo nje mo bur ré yo jam nde An re. An ma mo An dakai bi nat-i sarewo An bi yetuge-i bariwa An.

Ye gato rer sangge kai ne, ma mo bur ré, subere rer ne ku yé mwa mo bur ré sino.

Kam nyim tuya Yefun Allah taru An bi sukduno subot Musa, subere An kadum os wa ye Yahudi sok mo An bi rus-i. Sarewo gabere Yefun Allah syogat Yesus Kristus ma mo bur ré anato men jam Yefun Allah bi os-i sisu sangge. Yefun Allah ben sukndo su men dakai yi anato men me os ne bor mo suk gato Yesus Kristus ben ne.