ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Jeꞌ reꞌ nikꞌor maj reꞌ Dios xa pan Lokꞌ laj Uxlabal woꞌ wilic eh ruꞌum aj reꞌ, reꞌ take quilokꞌonic wach curman chi enquilokꞌej wach chi toꞌbomaj take ruꞌum i Lokꞌ laj Uxlabal reh chi reꞌreꞌ encꞌutunic reh i coric laj lokꞌonic, nqui Jesus.

reꞌ kꞌi̱j xnikꞌor aweh chi cꞌulic lok reh, xcꞌulic chic lok yuꞌna nok reꞌ Lokꞌ laj Uxlabal reꞌ nsakomonic pa̱m quinoꞌjbal take cꞌacharel reh chi naquirakam chiri̱j i coric, reꞌ woꞌ reꞌ entoꞌbonic queh cꞌacharel chi til encaꞌn chi coric i rilokꞌonjic i Dios jeꞌ ricab i lokꞌonic nponic chiwach chi naribanjic reh.

Tzꞌa̱b ruꞌ i cꞌacharel naruqꞌuem reh haꞌ niyew i hin maꞌ jaruj ta chic nariwihꞌic richikchiꞌi̱l. Jeꞌ aj reꞌ naricꞌulum maj jeꞌ ricab chi reꞌ haꞌ nelic cho chipam jenoꞌ rasbal haꞌ xa cꞌahchiꞌ woꞌ cho chi elic, jeꞌ woꞌ reꞌ i haꞌ niyew i hin xa nariwihꞌic woꞌ cho ru̱cꞌ i cꞌacharel reꞌreꞌ reh chi naricꞌacharic chi junpech, nqui Jesus.

Jeꞌ reꞌ kꞌuruꞌ reꞌ Jesus jeꞌ wili ricꞌuꞌljic xiban: «Til ta woꞌ nak awehtꞌalim chaj bih riyew i Dios chi si̱ eh awehtꞌalim ta woꞌ nak chi nim wach wajawric i hin reꞌ cꞌahchiꞌ nipahkam cok soꞌ niha̱ꞌ aweh, reꞌ hat enak napahkaj aha̱ꞌ wi̱n eh enak niyew aweh i haꞌ reꞌ riyew i cꞌacharic, nqui Jesus.

xa reꞌ laꞌ naxojribiraj chi jeꞌ reꞌ nkakꞌor jeꞌ wili xikꞌor keh: «Naxnikꞌor aweh tak chi xniban chic niwaꞌ, reꞌ wili xwa̱j nikꞌorom aweh tak: Jeꞌ ricab nok ncahnic chi suk nitiꞌjolal naniban niwaꞌ jeꞌ woꞌ reꞌ sukquil quincahnic naniban i haj wilic ra̱j i kAja̱w Dios reꞌ xtakꞌanic cho wi̱n ayuꞌ wach acꞌal. Jeꞌ woꞌ chic, kꞌe̱ꞌ woꞌ suk wi̱n ricohlsjic wach i haj wilic nicamaj xiyew wi̱n

Naxibiraj ixok chi jeꞌ reꞌ jeꞌ wili xikꞌor: «Ajabe̱s reꞌ rijulil haꞌ cꞌoto̱j wili, kꞌe̱ꞌ chamil pa̱m eh maꞌxta woꞌ jenoꞌ alecbal esbal cho reh haꞌ. Nicꞌ wach resmejic i haꞌ enaꞌn cho nanacapaj i hat on haj nawesan cho haꞌ reꞌ nbanic chi enwihꞌic nicꞌacharic chi junelic?

Chalic ixok reꞌreꞌ naxkꞌoric chiri̱j i Mesi̱yas reꞌ ra̱j rikꞌorom reꞌ Ripahba̱b i Dios chi Kꞌatal Kꞌoric, jeꞌ wili xikꞌor reh Jesus: «Reꞌ hin wehtꞌalim chi naricꞌulic lok i Pahbamaj chi Kꞌatal Kꞌoric. Nacꞌolok lok ruꞌ, reꞌreꞌ narisakomonic wach keh chiꞌnchel chaj bih cꞌahchiꞌ akꞌorom i hat, nqui ixok reꞌreꞌ. Reꞌ Jesus jeꞌ woꞌ chic wili xikꞌor reh: «Reꞌ nakꞌor i hat reꞌreꞌ, reꞌ aj hin ruꞌ reꞌ cꞌahchiꞌqui̱n chi cꞌuta̱j awu̱cꞌ yuꞌna, nqui xikꞌor reh.

«Jenaj winak xnirak chi chi̱ꞌ rijulil i cꞌotoj haꞌ reꞌ nkacꞌam wi̱ꞌ kaha̱ꞌ. Ar naxoquic chi cꞌuta̱j wu̱cꞌ xikꞌor wi̱n nicꞌ wach riwi̱ꞌ nicꞌacharic. Maꞌ reꞌ ta na nchel reꞌreꞌ i Pahbamaj chi Kꞌatal Kꞌoric kꞌoro̱j cho ribiral chi naricꞌulic lok? Tak-tak kꞌuruꞌ kilow tak cho hab wach i winak reꞌreꞌ, nqui queh.