ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Entonces e Jesús uyare uyajcanuarob' y che: —Tin e c'ani axin tanipat uc'ani tua' unajpes ub'a y axin tanipat ejc'ar ejc'ar motor que axin achamesna ani tamaren.

Y c'ani inwaret era que net jax e Pedro xe' b'an cocha ingojr tun. Y tujor e tun era nen tua' inche inte' nuxi otot xe' uc'ab'a iglesia xe' war che: “Tunor tin e pejcb'ir nimener tua' aquetpob' tanib'a.” Y tamar era nien uc'otorer uch'enar e diablo ma erer uquete uwab'u niwiglesia era.

Y c'ani inwajq'uet lo que b'an cocha cora llave tua' apasi e puerta tama uchinam e Dios tua' erer o'choy e gente tamar. Y lo que acachi tara tor e rum c'ani acajcha tichan tut e q'uin ub'an. Y lo que ab'ani tara tor e rum c'ani ab'antz'a tichan tut e q'uin ub'an, che e Jesús.

Porque tin e c'ani ucorpes ucuxtar c'ani asatpa, pero tin e usati ucuxtar tamaren c'ani acorpesna.

¿Y tuc'a uc'ampib'ir tut inte' winic jay axin uch'ami tunor lo que ayan tara tor e rum jay tamar era axin usati uyalma? ¿Y cob'a nic tumin tua' utoyi inte' winic tua' ucorpes uyalma?

Entonces che e Jesús: —Y nox, ¿tuc'a iware tamaren? che e Jesús. Entonces ojron e Simón Pedro y che: —Net jax e Cristo y net jax Uyunenet e Dios xe' b'ixir, che e Pedro.

Y che e Jesús: —Net e Simón xe' uyunenet e Jonás. Net chojb'esb'iret porque mamajchi xe' turu tara tor e rum cay uwirset chien nen sino que jax taca Nitata xe' turu tichan xe' cay uwirset chien nen.