ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Porque tia' war umorojse ub'ob' chate' o uxte' cocha era tama nic'ab'a yaja' turen tujamob' ub'an, che e Jesús.

’Y c'ani inwareox era ub'an que conda ixquetpa intera ib'ijnusiajob' chate' tijam xe' turox tara tor e rum conda war ic'ajti taca e Dios, pues Nitata xe' turu tichan c'ani uyajc'ox lo que war ic'ajti tacar.

Entonces e Jesús upejca inte' yar chuchu sitz y uwab'u tujamob' y che: —C'ani inwareox era que jay machi iwacta e onian b'ijnusiaj tua' erer ixc'upseyan tama e Dios b'an cocha war ac'upseyan inte' chuchu sitz cocha era, machi tua' ixochoy tama uchinam e Dios.

Tin e axin umanxujres ub'a b'an cocha e chuchu sitz era jax xe' ayan más uc'ampib'ir tama uchinam e Dios.

Y tin e atzay uch'ami tama nic'ab'a inte' chuchu sitz cocha era xe' war ac'upseyan tamaren, war uch'amien nen ub'an, che e Jesús.

’Y c'ani inwareox era que lo que nox icachi tara tor e rum c'ani aquetpa cachar tichan tut e q'uin ub'an, y que lo que nox ib'ani tara tor e rum c'ani aquetpa b'amb'ir tichan tut e q'uin ub'an.

Entonces che e Jesús: —Y b'an ixto tua' uche Nitata xe' turu tichan tacarox ub'an jay machi ixixin ixc'umpa tama iwalma taca inte' inte' iwermano xe' cay uchiob' lo que mab'amb'an ipater, che e Jesús.

Y che e Jesús: —Tin e axin uche acucrema tama e mab'amb'anir inte' chuchu cocha era xe' war ac'upseyan tamaren más ani bueno tua' acajcha inte' nuxi cha' tama unuc y tua' atob'esna axin tama e ja' tia' más intam tua' achamay macuir e ja'.

’Pues ayan inte' ojroner tama inte' winic xe' ayan 100 oveja tua'. Pero jay asatpa incojt, ¿machi ca uyacta e noventa y nueve macuir e macte' tua' axin usajca incojt xe' satrem este que utajwi?