Psalms 67
67
Psalm 67.
DEUS MISEREATUR.
1Niioh tagwentenrhek, nok tagwaiataterist; nok tagwanatonnas tsinateioswathe tsinisiatoten, nok tagwentenrhek.
2Nok a-ieriwaienterihake nonwentsiagwegon tsinisahahoten; nok a-seiatshennonniaten agwegon nongwehogon.
3O Niioh, agwegon nongwe ta-iesanonweraton: agwegon nongwe ta-iesanonweraton.
4A-gahonwentsiagwegon nongwe a-iontonnharen, nok a-iontshennonni: aseken ioteriwagwarision tsi tenseiatorete nongwehogon; nok ise henseiatateriste nongwe nonwentsiake ienakere.
5O Niioh, agwegon nongwe ta-iesanonweraton: agwegon nongwe ta-iesanonweraton.
6Ethone onen ne ken-ionwentsiate hentgahawite tsinahoten watonnis: nok ne Niioh ne songwawenniio hensongwaiatateriste.
7Iokontatie hensongwaiatateriste ne Niioh, nok agwegon ne tienakeronnion, tsi ieiotonwentsioktanion, ronwatshanisere.
Currently Selected:
Psalms 67: ONE
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Historical text first published in 1837. This was digitsed for the Canadian Bible Society.