መዝሙረ ዳዊት 20

1ለመዘምራን አለቃ፥ የዳዊት መዝሙር።

2በመከራ ቀን ጌታ ይስማህ፥

የያዕቆብ አምላክ ስም ያቁምህ።

3 # መዝ. 128፥5፤ 134፥3። ከመቅደሱ ረድኤትን ይላክልህ፥

ከጽዮንም ይደግፍህ።

4መባዎችህን ሁሉ ያስብልህ፥

የሚቃጠል መሥዋዕትህን ያለምልምልህ።

5እንደ ልብህ ምኞት ይስጥህ

ፈቃድህንም ሁሉ ይፈጽምልህ።

6በማዳንህ ደስ ይለናል፥

በአምላካችን ስም ከፍ ከፍ እንላለን፥

ልመናህን ሁሉ ጌታ ይፈጽምልህ።

7 # መዝ. 18፥51፤ 144፥10፤ 1ሳሙ. 2፥10። ጌታ የቀባውን እንዳዳነው ዛሬ አወቅሁ፥

ከሰማይ መቅደሱ ይመልስለታል፥

በቀኙ ብርታት ማዳን አለና።

8 # መዝ. 147፥10-11፤ 2ዜ.መ. 14፥10፤ ምሳ. 21፥31፤ 1ሳሙ. 17፥45፤ ኢሳ. 31፥1፤ 36፥9። እነኚህ በሠረገላ እነዚያም በፈረስ ይታመናሉ፥

እኛ ግን በአምላካችን በጌታ ስም ከፍ ከፍ እንላለን።

9 # ኢሳ. 40፥30። እነርሱ ተሰነካክለው ወደቁ፥

እኛ ግን ተነሣን፥ ጸንተንም ቆምን።

10አቤቱ፥ ንጉሥን አድነው፥

በጠራንህም ቀን ስማን።

Currently Selected:

መዝሙረ ዳዊት 20: መቅካእኤ

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ስለ መጽሐፍ ቅዱስ - (ካቶሊካዊ እትም - ኤማሁስ) ተጨማሪ ይወቁ