Johan 2
2
Kana nagraha reakʼ bapla bhoj
1Niạ bar din tayom Gạlil reakʼ Kana nagrahare mitʼṭecʼ bapla hoyena. Ar Jisuren eṅgat hõ onḍeye tahẽkana. 2Ona baplare Jisu ar acʼren celako hõko neota ocoakan tahẽkana. 3Ado darkha rasa cabayentako khan Jisuren eṅgat do Jisui metadea, “Darkha rasa do bạnukʼtakoa.”
4Jisui menkeda, “Henda go noa babotre iń tulucʼ amakʼ do cetʼ? Ińakʼ okte do ńit hõ ạuriyakʼa.”
5Unre Jisuren eṅgattetʼ do sapʼdapʼkoe metatʼkoa, “Uni jãhãnakʼgeye metape onagepe onkaea.”
6Jihudikoakʼ cạli leka ona jaegare apʼ ạbukokʼ lạgitʼ dhiri reakʼ turui goṭecʼ dakʼ hanḍhako doṛomakatʼ tahẽkana. Onako reakʼ mimitʼ goṭecʼre do babar pepe mon leka dakʼ sahobokʼa. 7Jisu do onko sapʼdapʼkoe metatʼkoa, “Noako hanḍhare dakʼ dul perejpe. Unre sapʼdapʼko do dakʼko dul perecʼkeda. 8Ona tayom onkoe metatʼkoa, “Ma ńitokʼ do ona khon thoṛa bhurạgpe ar bhojren mukhiyạ idiaepe.” Khan sapʼdapʼko doko onkakeda.
9Ado ona darkha rasa, one oka do dakʼ khon hoyakan, ona bhoj mukhiyạe cakha ạikạukeda. Menkhan oka khon hecʼena ona do bae baḍaelakʼa; eken okoe dakʼko dul perecʼletʼ onkogeko baḍaekan tahẽkana. Onate bhojren mukhiyạ do Jãwãe beṭa hohoadeteye metadea, 10“Sanam hoṛge pạhilre do bhage darkha rasako calao maṛaṅa. Ar ona tayomko ńũ bhagaolen khan lahatenakʼ khon thoṛa kom bhageakʼko emakoa. Menkhan am do ńit hạbicʼ bhageakʼ darkha rasagem dohoakada.
11Jisu do Gạlil reakʼ Kana nagrahare noage cinhạ lekate pạhil hahaṛa kạmiye kạmiketʼte acʼakʼ ṭhonoke sodorkeda. Onate celako do unireko pạtiạuena.
12 #
Mat 4.13
Ona tayom Jisu do acʼren eṅgattetʼ, boehako ar celako sãote Kapharnạhum nagrahateye calaoena, menkhan onḍe onko do ḍher din bako tahẽlena.
Jisu mundilteye boloyen
(Mathae 21.12,13; Mark 11.15-17; Luk 19.45,46)
13 #
Exo 12.1-27
Jihudikoakʼ bańcaokʼ porob soren khan Jisu do Jerusalemteye rakapʼ calaoena. 14Uni do mundilre ḍaṅgra, bheḍa, parwa ạkhrińko ar ṭaka-poesa bodoletʼkan hoṛko duṛupʼ akane ńamketʼkoa. 15Ado noakoe ńelketʼ khan uni do baber reakʼ mitʼṭecʼ cạbuke benaokeda, ar onate sanam ḍaṅgra, bheḍa ar hoṛko onḍe khone laga oḍokketʼkoa. Ar ṭaka bodolkoakʼ poesakoe chiṭiạuketʼte mạcikoe ulṭạu giḍikatʼtakoa.
16Uni do parwa ạkhrińkoe metatʼkoa “Men nonḍe khon noako idipe. Iń Babawakʼ oṛakʼ do bạnij-beparkoakʼ oṛakʼ alope hoeocoya.” 17#Ser 69.9 Onate celako do sonot sostorre olakan uniyakʼ noa katha disạ hecʼatʼkoa:
Amakʼ oṛakʼ lạgitʼ ińakʼ oka khạndri dulạṛtiń,
ona dulạṛge ińakʼ ontor doe jal jalaotińạ.
18Unre Jihudi mukhiyạko do Jisuko kulikedea, “Noako kạmi reakʼ ektiạriạ je sạrige menakʼtam ona reakʼ cinhạ lekate cetʼ hahaṛa kạmim udukʼ daṛealea?”
19 #
Mat 26.61; 27.40; Mrk 14.58; 15.29 Jisui roṛ ruạṛatʼkoa, “Isorakʼ oṛakʼ dhaṅ dhaserpe, iń do pe mãhãte arhõ onań beretʼ ruạṛa.”
20Noa katha ańjomkate Jihudi mukhiyạkoko metadea, “Noa mundil benaote pongel turui bochor lagaolena, ar am do cetʼ noa pe mãhãtem beretʼ ruạṛa?”
21Jisu do menkhan Isorakʼ oṛakʼ mente acʼakʼ hoṛmo reakʼ kathageye roṛletʼa. 22Onate Jisu gocʼko khone jiwetʼ beretʼenre celakoko disạkeda uni do ona kathageye roṛletʼa mente. Unre celako do sonot sostor reakʼ katha ar Jisu okae roṛletʼ onareko pạtiạuena.
Jisu do manwa gune baḍaea
23Ado bańcaokʼ porobre Jisu Jerusalemre tahẽkate okako hahaṛa kạmiye kạmiketʼ ona ńelte ạḍi utạr hoṛ do unireko pạtiạuena. 24Menkhan Jisu do onko ṭhen bae sodorlena, ente uni do joto hoṛe baḍae akatʼko tahẽkana. 25Ar manwa reaṅ okoeyakʼ goha hõ baṅ jạruṛadea, ente manwakoakʼ monre oka menakʼ ona doe baḍaekan tahẽkana.
Currently Selected:
Johan 2: SBT
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Santali Bible © Bangladesh Bible Society, 2021.
Johan 2
2
Kana nagraha reakʼ bapla bhoj
1Niạ bar din tayom Gạlil reakʼ Kana nagrahare mitʼṭecʼ bapla hoyena. Ar Jisuren eṅgat hõ onḍeye tahẽkana. 2Ona baplare Jisu ar acʼren celako hõko neota ocoakan tahẽkana. 3Ado darkha rasa cabayentako khan Jisuren eṅgat do Jisui metadea, “Darkha rasa do bạnukʼtakoa.”
4Jisui menkeda, “Henda go noa babotre iń tulucʼ amakʼ do cetʼ? Ińakʼ okte do ńit hõ ạuriyakʼa.”
5Unre Jisuren eṅgattetʼ do sapʼdapʼkoe metatʼkoa, “Uni jãhãnakʼgeye metape onagepe onkaea.”
6Jihudikoakʼ cạli leka ona jaegare apʼ ạbukokʼ lạgitʼ dhiri reakʼ turui goṭecʼ dakʼ hanḍhako doṛomakatʼ tahẽkana. Onako reakʼ mimitʼ goṭecʼre do babar pepe mon leka dakʼ sahobokʼa. 7Jisu do onko sapʼdapʼkoe metatʼkoa, “Noako hanḍhare dakʼ dul perejpe. Unre sapʼdapʼko do dakʼko dul perecʼkeda. 8Ona tayom onkoe metatʼkoa, “Ma ńitokʼ do ona khon thoṛa bhurạgpe ar bhojren mukhiyạ idiaepe.” Khan sapʼdapʼko doko onkakeda.
9Ado ona darkha rasa, one oka do dakʼ khon hoyakan, ona bhoj mukhiyạe cakha ạikạukeda. Menkhan oka khon hecʼena ona do bae baḍaelakʼa; eken okoe dakʼko dul perecʼletʼ onkogeko baḍaekan tahẽkana. Onate bhojren mukhiyạ do Jãwãe beṭa hohoadeteye metadea, 10“Sanam hoṛge pạhilre do bhage darkha rasako calao maṛaṅa. Ar ona tayomko ńũ bhagaolen khan lahatenakʼ khon thoṛa kom bhageakʼko emakoa. Menkhan am do ńit hạbicʼ bhageakʼ darkha rasagem dohoakada.
11Jisu do Gạlil reakʼ Kana nagrahare noage cinhạ lekate pạhil hahaṛa kạmiye kạmiketʼte acʼakʼ ṭhonoke sodorkeda. Onate celako do unireko pạtiạuena.
12 #
Mat 4.13
Ona tayom Jisu do acʼren eṅgattetʼ, boehako ar celako sãote Kapharnạhum nagrahateye calaoena, menkhan onḍe onko do ḍher din bako tahẽlena.
Jisu mundilteye boloyen
(Mathae 21.12,13; Mark 11.15-17; Luk 19.45,46)
13 #
Exo 12.1-27
Jihudikoakʼ bańcaokʼ porob soren khan Jisu do Jerusalemteye rakapʼ calaoena. 14Uni do mundilre ḍaṅgra, bheḍa, parwa ạkhrińko ar ṭaka-poesa bodoletʼkan hoṛko duṛupʼ akane ńamketʼkoa. 15Ado noakoe ńelketʼ khan uni do baber reakʼ mitʼṭecʼ cạbuke benaokeda, ar onate sanam ḍaṅgra, bheḍa ar hoṛko onḍe khone laga oḍokketʼkoa. Ar ṭaka bodolkoakʼ poesakoe chiṭiạuketʼte mạcikoe ulṭạu giḍikatʼtakoa.
16Uni do parwa ạkhrińkoe metatʼkoa “Men nonḍe khon noako idipe. Iń Babawakʼ oṛakʼ do bạnij-beparkoakʼ oṛakʼ alope hoeocoya.” 17#Ser 69.9 Onate celako do sonot sostorre olakan uniyakʼ noa katha disạ hecʼatʼkoa:
Amakʼ oṛakʼ lạgitʼ ińakʼ oka khạndri dulạṛtiń,
ona dulạṛge ińakʼ ontor doe jal jalaotińạ.
18Unre Jihudi mukhiyạko do Jisuko kulikedea, “Noako kạmi reakʼ ektiạriạ je sạrige menakʼtam ona reakʼ cinhạ lekate cetʼ hahaṛa kạmim udukʼ daṛealea?”
19 #
Mat 26.61; 27.40; Mrk 14.58; 15.29 Jisui roṛ ruạṛatʼkoa, “Isorakʼ oṛakʼ dhaṅ dhaserpe, iń do pe mãhãte arhõ onań beretʼ ruạṛa.”
20Noa katha ańjomkate Jihudi mukhiyạkoko metadea, “Noa mundil benaote pongel turui bochor lagaolena, ar am do cetʼ noa pe mãhãtem beretʼ ruạṛa?”
21Jisu do menkhan Isorakʼ oṛakʼ mente acʼakʼ hoṛmo reakʼ kathageye roṛletʼa. 22Onate Jisu gocʼko khone jiwetʼ beretʼenre celakoko disạkeda uni do ona kathageye roṛletʼa mente. Unre celako do sonot sostor reakʼ katha ar Jisu okae roṛletʼ onareko pạtiạuena.
Jisu do manwa gune baḍaea
23Ado bańcaokʼ porobre Jisu Jerusalemre tahẽkate okako hahaṛa kạmiye kạmiketʼ ona ńelte ạḍi utạr hoṛ do unireko pạtiạuena. 24Menkhan Jisu do onko ṭhen bae sodorlena, ente uni do joto hoṛe baḍae akatʼko tahẽkana. 25Ar manwa reaṅ okoeyakʼ goha hõ baṅ jạruṛadea, ente manwakoakʼ monre oka menakʼ ona doe baḍaekan tahẽkana.
Santali Bible © Bangladesh Bible Society, 2021.