Luk 19
19
Sakhaeyakʼ mon ạcur
1Jisu do Jerikho nagraha talateye parom calakʼkan tahẽkana. 2Ar ńelpe, Sakhae ńutuman mitʼṭen hoṛ onḍeye tahẽkana. Uni do maraṅ mạsul-uṭhạuicʼ ar mitʼṭen kisạ̃ṛ hoṛgeye tahẽkana. 3Ar Jisu okoeṭakʼ kanae mente ńele lạgitʼe kurumuṭukan tahẽkana, menkhan geḍrageye tahẽkante bhiṛ iạte uni do bae ńel ńam daṛeaekan tahẽkana. 4Onate uni do Jisu ńele lạgitʼ samaṅ secʼe ńir lahayente mitʼṭecʼ loa darereye decʼena, ente Jisu do ona hortegeye parom calakʼkan tahẽkana.
5Ado Jisu ona loa dare ṭhene seṭeren khan cetan secʼe beṅgetʼ rakapʼkeda ar Sakhaeye metadea, “E Sakhae, ma usạra pheḍ hijukʼme, ente teheń do amakʼ oṛakʼre tahen hoyokʼtińạ.”
6Unre Sakhae do usạrateye pheḍena ar rạskạ salakʼ Jisui ataṅ aderkedea. 7Ar ona ńelte sanamkoge karacʼ kurujokʼko ehopʼena arko menkeda, “Uni do mitʼṭen kại hoṛ ṭhen peṛakʼ lạgitʼe calakʼ kana.”
8Ar Sakhae do onḍege teṅgokate Probhui metadea, “E Probhu, ińakʼ dhon-durib reakʼ adha do reṅgecʼ orecʼkoń emakokana ar jãhãegeń ṭhoka akatʼko khan enḍekhan ona reakʼ pon dobṛań ruạṛkatakokana.”
9Unre Jisui menkeda, “Teheń do noa gharońjre bańcao hoyakana, ente nui hõ Abraham bõsren hoṛ kanae.” 10#Mat 18.11 Ente atʼakan ńamko ar bańcaoko lạgitʼge Manwa Hopon doe hecʼakana.”
Jimạ ṭaka reaṅ phen
(Mathae 25.14-30)
11 #
Mat 25.14-30
Jisu okareye tahẽkan onḍe khon Jerusalem do ḍher sạṅgiń baṅ tahẽkana, ar okoe uniyakʼ kathako ańjometʼkan tahekan onko doko hudisetʼkan tahẽkana Isorakʼ raj do ne nahakʼ sodorokʼ kana. Onate Jisu do cetʼako lạgitʼ noae lạiyatʼkoa: 12“Mitʼṭen maraṅ bõsren hoṛ do raj hudạwanteye ruạṛ hijukʼa mente sạṅgiń disạmteye calaoena. 13Ado calakʼ lahare acʼren gel goṭen gutikoe hohowatʼkoa ar mimitʼ hoṛ mitʼ sae Dinarkate ematʼkoteye metatʼkoa, ‘iń ạuriń ruạṛ hijukʼ hạbicʼ noate bạnij bepar hataṛpe.’
14“Menkhan acʼakʼ disạmren hoṛko do uniko kurudaekan tahẽkana. Onate onko do uni tayomte hoṛ kolkateko roṛgotʼkada, ‘nui hoṛ ale cetanreye rajokʼ do bale khojkana.’
15“Enrehõ uni do raj hoekateye ruạṛ hecʼena ar okoeko ṭakae ematʼko tahẽkan onko gel goṭen guti do hoho ạguko lạgitʼe hukumkeda. Ar okoe tinạkʼko lab akada mente baḍae sanakedea. 16Ado pạhilicʼ hecʼkateye menkeda, ‘E Probhu, amakʼ ṭakate iń do arhõ gel doboṛiń lab akada.’
17“Raj do uniye metadea, ‘bes akadam. Am do bhage guti kanam. Ar thoṛawakʼkore pạtiạrem tahẽkante gel goṭecʼ nagraha reakʼ bhariń emamkana.’
18“Dosaricʼ hõ hecʼkateye menkeda, ‘E Probhu, amakʼ ṭakate iń do arhõ mõṛẽ doboṛiń lab akada.’
19“Uni gutiye metadea, ‘am hõ mõṛẽ goṭecʼ ato reakʼ bharem ńama.’
20Ado ona tayom ar mitʼṭen guti hecʼkateye menkeda, ‘E Probhu, amakʼ ṭaka do gamchareń moṭra dohoakatʼ tahẽkana. 21Am babotre botor tahẽkantińạ ente am do ạḍi kuṭhin hoṛ kanam; ente oka bam dohoakatʼ onam hataoeda ar oka bam erletʼ onam iretʼa.’
22“Unre raje menkeda, ‘Eya bạṛicʼ golam! Amakʼ moca reakʼ kathatege am doń bicạrmea. Am mam baḍaekan tahẽkange, iń doń kuṭhin hoṛ kana; okaṭakʼ bạń dohoakatʼ onań hataoeda ar okaṭakʼ bạń erletʼ onań ireda. 23Enḍekhan ińakʼ ṭaka do mahajon ṭhen cedakʼ bam bạisạuleda? Enḍekhan iń do hecʼkate ṭaka hõń ńamkea ar soṅgete sud hõń ńamkea.’
24“Khange raj do acʼ ṭhen teṅgo akan hoṛkoe metatʼkoa, ‘uni ṭhen khon ona mitʼ sae Dinar hataope ar okoeyakʼ mitʼ hajar Dinar menakʼtae uni emaepe.’
25“Unre onko hoṛ do rajko metadea, ‘E Probhu, uniyakʼ ma coṅ mitʼ hajar Dinar menakʼtaege.’
26 #
Mat 13.12; Mrk 4.25; Luk 8.18 Raje menkeda, ‘ińiń metapekana, okoeyakʼ menakʼtae uni do arhõe em ocokʼa, menkhan okoeyakʼ bạnukʼtae uni do oka menakʼtae ona hõe recʼocokʼa. 27Ińren bạiriko one okoe ińakʼ raj reakʼ bako khojkan, onko do nonḍe ạgukope ar iń samaṅre gocʼ giḍikakope.’ ”
Jisu Jerusalemteye bolokʼkan
(Mathae 21.1-17; Mark 11.1-19; Johan 2.13-22; 12.12-19)
28Ado noako menkate Jisu do onko laha lahate Jerusalemteye calao idiyena. 29Ar Jạitun buru ṭhenakʼ Bethaphage ar Bethaniạ nagraha sore hecʼen khan acʼren barea cela noa menkateye kolketʼkinạ, 30“Samaṅ senakʼ atote calakʼben. Ar onḍe bolokʼ jokhecʼ mitʼṭen gadha hopon tol akade ben ńamea. Uni cetanre okoe hoṛ hõ tisge bako decʼakana. Aben do raṛakate nonḍe ben ạguiyea. 31Ar jãhãeye kuliben khan, ‘cedakʼ ben raṛayedea?’ Enḍekhan men ben, ‘Probhu do nui reakʼ jạruṛ menakʼtaea.’ ”
32Ado okoe celakin kol ocolen unkin do senkate Jisuakʼ katha lekagekin ńamkedea. 33Arkin raṛayedekan tahẽkanre kisạ̃ṛ do unkine kuliketʼkinạ, “Gadha hopon do cedakʼben raṛayedekana?”
34Unkin kin menkeda, “Probhu do nui reakʼ jạruṛ menakʼtaea.”
35Ona tayom unkin cela do gadha hopon Jisu ṭhenkin ạgukedea ar unire ạkinakʼ oyonakʼ kin palanketʼte onare Jisukin decʼkedea. 36Ar uniye calakʼkan tahẽkan jokhecʼ gadel hoṛko do akoakʼ kicricʼko hor horteko aṭetʼ idikeda. 37Ado Jerusalem sor reakʼ okaṭakʼ hor do Jạitun buru khon pheḍ hecʼakan ona soṛokreye seṭerena. Ar uni sãote uniren ạḍi utạr cela hõko tahẽkana. Onko do uniyakʼ hahaṛa kạmiko ńelletʼte rạskạte ãṭ aṛaṅte Isor sarhaoete memenko ehopʼena,
38 #
Ser 118.26
“Bhorangeae Probhu Isor ńutumte
daraekanicʼ raj do;
sermare suluk ar
coṭ utạrkore ṭhonok.”
39Unre gadelko modren adom Phạrusiko do Jisuko metadea, “E Guru, amren celako thirokʼ metakom.”
40Jisu do onkoe metatʼkoa, “Ińiń metapekana, noko thirko tahen khan enḍekhan dhiriko hõko hohoea.”
Jisu do Jerusalem nagrahae rakʼ akʼkan
41Ado Jerusalem ṭhenko hecʼen khan Jisu do nagraha ńelteye rakʼkeda. 42Uniye menkeda, “Hae, am do suluk ńam lạgitʼ oka jạruṛ ona baṛe teheńem baḍae daṛele khan! Menkhan ńitokʼ ona do amakʼ mẽtʼãhã khon danaṅ akana. 43Nonkan okte hijukʼkana amren bạiri do am upạrteko teṅgona arko gherao ạcurmea ar sanam secʼ khonko cipạmea. 44Onko do am ar amre menakʼko sanam hoṛ sapʼkate otreko tawakʼkoa ar amre do dhiri cetan dhiri hõ baṅ tahena, ente Isore hiriletʼme okte do bam baḍae oromlakʼa.”
Jisu Jerusalem mundilteye boloyen
(Mathae 21.12-17; Mark 11.15-19; Johan 2.13-22)
45Ona tayom Jisu do mundilre bolokate kiriń-ạkhrińkoe laga oḍokketʼkoa. 46#Jes 56.7; Jir 7.11 Uni do beparikoe metatʼkoa, “Sonot sostorre ol menakʼa, ‘ińakʼ oṛakʼ do koejoṅ oṛakʼ hoyokʼa,’ menkhan ape do ḍạkukoakʼ danderpe hoyocoakada.”
47 #
Luk 21.37
Jisu do dinạm hilokʼ mundilre senkate cetʼakoe ehopʼena. Ar Maraṅ naekeko, sostor baḍaeko ar disạm hoṛkoren mukhiyạko do goje lạgitʼ ạtko ńam baṛayetʼ tahẽkana, 48menkhan cetʼ lekateko cekaea ona reakʼ jãhãn upạige bako ńam totʼ daṛeada, ente hoṛko do mon lagaokate uniyakʼ kathako ańjometʼ tahẽkana.
Santali Bible © Bangladesh Bible Society, 2021.
Luk 19
19
Sakhaeyakʼ mon ạcur
1Jisu do Jerikho nagraha talateye parom calakʼkan tahẽkana. 2Ar ńelpe, Sakhae ńutuman mitʼṭen hoṛ onḍeye tahẽkana. Uni do maraṅ mạsul-uṭhạuicʼ ar mitʼṭen kisạ̃ṛ hoṛgeye tahẽkana. 3Ar Jisu okoeṭakʼ kanae mente ńele lạgitʼe kurumuṭukan tahẽkana, menkhan geḍrageye tahẽkante bhiṛ iạte uni do bae ńel ńam daṛeaekan tahẽkana. 4Onate uni do Jisu ńele lạgitʼ samaṅ secʼe ńir lahayente mitʼṭecʼ loa darereye decʼena, ente Jisu do ona hortegeye parom calakʼkan tahẽkana.
5Ado Jisu ona loa dare ṭhene seṭeren khan cetan secʼe beṅgetʼ rakapʼkeda ar Sakhaeye metadea, “E Sakhae, ma usạra pheḍ hijukʼme, ente teheń do amakʼ oṛakʼre tahen hoyokʼtińạ.”
6Unre Sakhae do usạrateye pheḍena ar rạskạ salakʼ Jisui ataṅ aderkedea. 7Ar ona ńelte sanamkoge karacʼ kurujokʼko ehopʼena arko menkeda, “Uni do mitʼṭen kại hoṛ ṭhen peṛakʼ lạgitʼe calakʼ kana.”
8Ar Sakhae do onḍege teṅgokate Probhui metadea, “E Probhu, ińakʼ dhon-durib reakʼ adha do reṅgecʼ orecʼkoń emakokana ar jãhãegeń ṭhoka akatʼko khan enḍekhan ona reakʼ pon dobṛań ruạṛkatakokana.”
9Unre Jisui menkeda, “Teheń do noa gharońjre bańcao hoyakana, ente nui hõ Abraham bõsren hoṛ kanae.” 10#Mat 18.11 Ente atʼakan ńamko ar bańcaoko lạgitʼge Manwa Hopon doe hecʼakana.”
Jimạ ṭaka reaṅ phen
(Mathae 25.14-30)
11 #
Mat 25.14-30
Jisu okareye tahẽkan onḍe khon Jerusalem do ḍher sạṅgiń baṅ tahẽkana, ar okoe uniyakʼ kathako ańjometʼkan tahekan onko doko hudisetʼkan tahẽkana Isorakʼ raj do ne nahakʼ sodorokʼ kana. Onate Jisu do cetʼako lạgitʼ noae lạiyatʼkoa: 12“Mitʼṭen maraṅ bõsren hoṛ do raj hudạwanteye ruạṛ hijukʼa mente sạṅgiń disạmteye calaoena. 13Ado calakʼ lahare acʼren gel goṭen gutikoe hohowatʼkoa ar mimitʼ hoṛ mitʼ sae Dinarkate ematʼkoteye metatʼkoa, ‘iń ạuriń ruạṛ hijukʼ hạbicʼ noate bạnij bepar hataṛpe.’
14“Menkhan acʼakʼ disạmren hoṛko do uniko kurudaekan tahẽkana. Onate onko do uni tayomte hoṛ kolkateko roṛgotʼkada, ‘nui hoṛ ale cetanreye rajokʼ do bale khojkana.’
15“Enrehõ uni do raj hoekateye ruạṛ hecʼena ar okoeko ṭakae ematʼko tahẽkan onko gel goṭen guti do hoho ạguko lạgitʼe hukumkeda. Ar okoe tinạkʼko lab akada mente baḍae sanakedea. 16Ado pạhilicʼ hecʼkateye menkeda, ‘E Probhu, amakʼ ṭakate iń do arhõ gel doboṛiń lab akada.’
17“Raj do uniye metadea, ‘bes akadam. Am do bhage guti kanam. Ar thoṛawakʼkore pạtiạrem tahẽkante gel goṭecʼ nagraha reakʼ bhariń emamkana.’
18“Dosaricʼ hõ hecʼkateye menkeda, ‘E Probhu, amakʼ ṭakate iń do arhõ mõṛẽ doboṛiń lab akada.’
19“Uni gutiye metadea, ‘am hõ mõṛẽ goṭecʼ ato reakʼ bharem ńama.’
20Ado ona tayom ar mitʼṭen guti hecʼkateye menkeda, ‘E Probhu, amakʼ ṭaka do gamchareń moṭra dohoakatʼ tahẽkana. 21Am babotre botor tahẽkantińạ ente am do ạḍi kuṭhin hoṛ kanam; ente oka bam dohoakatʼ onam hataoeda ar oka bam erletʼ onam iretʼa.’
22“Unre raje menkeda, ‘Eya bạṛicʼ golam! Amakʼ moca reakʼ kathatege am doń bicạrmea. Am mam baḍaekan tahẽkange, iń doń kuṭhin hoṛ kana; okaṭakʼ bạń dohoakatʼ onań hataoeda ar okaṭakʼ bạń erletʼ onań ireda. 23Enḍekhan ińakʼ ṭaka do mahajon ṭhen cedakʼ bam bạisạuleda? Enḍekhan iń do hecʼkate ṭaka hõń ńamkea ar soṅgete sud hõń ńamkea.’
24“Khange raj do acʼ ṭhen teṅgo akan hoṛkoe metatʼkoa, ‘uni ṭhen khon ona mitʼ sae Dinar hataope ar okoeyakʼ mitʼ hajar Dinar menakʼtae uni emaepe.’
25“Unre onko hoṛ do rajko metadea, ‘E Probhu, uniyakʼ ma coṅ mitʼ hajar Dinar menakʼtaege.’
26 #
Mat 13.12; Mrk 4.25; Luk 8.18 Raje menkeda, ‘ińiń metapekana, okoeyakʼ menakʼtae uni do arhõe em ocokʼa, menkhan okoeyakʼ bạnukʼtae uni do oka menakʼtae ona hõe recʼocokʼa. 27Ińren bạiriko one okoe ińakʼ raj reakʼ bako khojkan, onko do nonḍe ạgukope ar iń samaṅre gocʼ giḍikakope.’ ”
Jisu Jerusalemteye bolokʼkan
(Mathae 21.1-17; Mark 11.1-19; Johan 2.13-22; 12.12-19)
28Ado noako menkate Jisu do onko laha lahate Jerusalemteye calao idiyena. 29Ar Jạitun buru ṭhenakʼ Bethaphage ar Bethaniạ nagraha sore hecʼen khan acʼren barea cela noa menkateye kolketʼkinạ, 30“Samaṅ senakʼ atote calakʼben. Ar onḍe bolokʼ jokhecʼ mitʼṭen gadha hopon tol akade ben ńamea. Uni cetanre okoe hoṛ hõ tisge bako decʼakana. Aben do raṛakate nonḍe ben ạguiyea. 31Ar jãhãeye kuliben khan, ‘cedakʼ ben raṛayedea?’ Enḍekhan men ben, ‘Probhu do nui reakʼ jạruṛ menakʼtaea.’ ”
32Ado okoe celakin kol ocolen unkin do senkate Jisuakʼ katha lekagekin ńamkedea. 33Arkin raṛayedekan tahẽkanre kisạ̃ṛ do unkine kuliketʼkinạ, “Gadha hopon do cedakʼben raṛayedekana?”
34Unkin kin menkeda, “Probhu do nui reakʼ jạruṛ menakʼtaea.”
35Ona tayom unkin cela do gadha hopon Jisu ṭhenkin ạgukedea ar unire ạkinakʼ oyonakʼ kin palanketʼte onare Jisukin decʼkedea. 36Ar uniye calakʼkan tahẽkan jokhecʼ gadel hoṛko do akoakʼ kicricʼko hor horteko aṭetʼ idikeda. 37Ado Jerusalem sor reakʼ okaṭakʼ hor do Jạitun buru khon pheḍ hecʼakan ona soṛokreye seṭerena. Ar uni sãote uniren ạḍi utạr cela hõko tahẽkana. Onko do uniyakʼ hahaṛa kạmiko ńelletʼte rạskạte ãṭ aṛaṅte Isor sarhaoete memenko ehopʼena,
38 #
Ser 118.26
“Bhorangeae Probhu Isor ńutumte
daraekanicʼ raj do;
sermare suluk ar
coṭ utạrkore ṭhonok.”
39Unre gadelko modren adom Phạrusiko do Jisuko metadea, “E Guru, amren celako thirokʼ metakom.”
40Jisu do onkoe metatʼkoa, “Ińiń metapekana, noko thirko tahen khan enḍekhan dhiriko hõko hohoea.”
Jisu do Jerusalem nagrahae rakʼ akʼkan
41Ado Jerusalem ṭhenko hecʼen khan Jisu do nagraha ńelteye rakʼkeda. 42Uniye menkeda, “Hae, am do suluk ńam lạgitʼ oka jạruṛ ona baṛe teheńem baḍae daṛele khan! Menkhan ńitokʼ ona do amakʼ mẽtʼãhã khon danaṅ akana. 43Nonkan okte hijukʼkana amren bạiri do am upạrteko teṅgona arko gherao ạcurmea ar sanam secʼ khonko cipạmea. 44Onko do am ar amre menakʼko sanam hoṛ sapʼkate otreko tawakʼkoa ar amre do dhiri cetan dhiri hõ baṅ tahena, ente Isore hiriletʼme okte do bam baḍae oromlakʼa.”
Jisu Jerusalem mundilteye boloyen
(Mathae 21.12-17; Mark 11.15-19; Johan 2.13-22)
45Ona tayom Jisu do mundilre bolokate kiriń-ạkhrińkoe laga oḍokketʼkoa. 46#Jes 56.7; Jir 7.11 Uni do beparikoe metatʼkoa, “Sonot sostorre ol menakʼa, ‘ińakʼ oṛakʼ do koejoṅ oṛakʼ hoyokʼa,’ menkhan ape do ḍạkukoakʼ danderpe hoyocoakada.”
47 #
Luk 21.37
Jisu do dinạm hilokʼ mundilre senkate cetʼakoe ehopʼena. Ar Maraṅ naekeko, sostor baḍaeko ar disạm hoṛkoren mukhiyạko do goje lạgitʼ ạtko ńam baṛayetʼ tahẽkana, 48menkhan cetʼ lekateko cekaea ona reakʼ jãhãn upạige bako ńam totʼ daṛeada, ente hoṛko do mon lagaokate uniyakʼ kathako ańjometʼ tahẽkana.
Santali Bible © Bangladesh Bible Society, 2021.