Luuk 16
16
A'mwo kuto ivito mollomwalokwe pwol a'mwo abolo punyu kwiyo'mwojajuko toolluno yovekurajokwono
1Aki Jisasol gami uumjunyokwe toorai yovekurajo puruv aro kuudokaikono. “A'mwo nuugwiyo bwotonyokwe pwol amwallajukekono. Toro tool gamoro kuto ivito tonyu mollomwallo'moneyokwe womdo tov a'mwo pwolluro ato tovi kuubweyokaikono. Toro te a'mwo pworo a'mwo nuugwiyo bwotonyokwe toollomno bino sumaveyokwe gamoro a'mwo kuto ivito mollomwalokwe toolluno aro abuudoporogano. “Gumoro kuto ivito tonyu mollomwallo'moneyokwe a'mwo ajesodo su tool gumoro kuto ivito pun yasuwa'no dukwopiyodowodekono.” 2Toro abuudopo toga a'mwo nuugwiyo bwotonyokwe tool a'mwo kuto ivito mollomwallo'moneyokwe ajesoka toollu domaro'no aro kuudokaikono. “Gumino yogalo banyudodopure tovi wuu'nodumdo su tov buro'nyo'mo'mdeyo? Gumoro pasudo yodumdo su tov ilaiyo'maiyo. Guu moro womdo tovi po'dogalo mamollomwalodumdo tovino kuu'maiyo toru neya dodowiyoku'bworosubinekugono. Toro kuvi kuruv aga'no'gwowi guu moro mollomwallo'moneyokwe womdo tovi aki aiko te mimwalbinekugono.” Kuudokaikono.
3Toro wuujuno sumaiyokwe a'mwo kuto ivito mollomwalokwe tekwo gavnokwe tool aro sajunokaikono. “Oo mi a'mwo aguto tool gamoro kuto ivito mollomwallo'moneyokwe womdo tovi amanyudukwopimoka tekwonyu buro'nyo womdo tov imwalmonyudukono? Nuvu kwako tovi illusumovlaiyo'moneyokwe tov jurogudo maiyonyugono. Aki a'mwo abolo punyuro nuugwiyo tonyuno domdo ajugonmi tov nuu wogulo bwotonyo nyumiyokwe tovino tov ku'nono muudumwalmonyugono. 4Toro te aro kuudo sau'mono. Mi a'mwo aguto tool gamoro womdo tovida'ai mi yere mamanyudukwopiyodowo'jure toga nuu a'mwo abolo tonyu ilaiyo neya igolmonyugono. Toro sugolmi tovi lukomgu a'mwo abolo su tonyuro ago tomuu avla'mi toga ilaiyo nokwo mollonumapinonyugono.” Sajunokaikono.
5Sumdomgu a'mwo aguto tool a'mwo pworai dinau pun me'no kwiyajukekono. Toro te a'mwo kuto ivito mollomwalokwe su tool a'mwo dinau kwiyajuko pwolno pwolnodo toorai adomarokaikono. Toro doma'no sumaiyokwe a'mwo muudu'nodo toollu aro kuudokaikono. “Moro a'mwo aguto tool gumi dinau me'no agujaboka tov adado'mdeyo?” Kuudokaikono. 6Toro kuudoka tovi a'mwo muudu'nodo su tool aro kuudokaikono. “100-pela dram pun oolip munyupto tokwe surosungiko puuwoso anyabokaikono.” Toro kuudoka tovi a'mwo kuto ivito mollomwalokwe tool kuudokaikono. “Nuvu gumoro dinau su tovi amodovomokwolamono. Toro te gumoro dinau pepa tovi maro'bi yere wolomwalo'bi yiuno 50-pela to'no neya jakwollono.” Kuudokaikono. 7Aki a'mwo pwollu kuudokaikono. “Moro a'mwo aguto tool gumi dinau me'no agujaboka tov adado'mdeyo?” Toro kuudoka tovi kuudokaikono. “100-pela beg pun wit tokwe amullosungiko towoso anyabokaikono.” Toro kuudoka su to kwollu kuruv a'mwo kuto ivito mollomwalokwe tool kuudokaikono. “Nuu gumoro dinau su tovi amodovomokwolamono. Toro te gumoro dinau pepa tovi maro'bi yere wolomwalo'bi yiuno 80-pela to'no neya jakwollono.” Kuudokaikono.
8A'mwo kuto ivito mollomwalokwe su tool womdo tovi po'dogalo miyajukekono. Toro kuvi kuruv a'mwo aguto tool gamoro pasudo sajuko su tovi wonyuno sumaiyokwe aro adokaikono. “Oo a'mwo kuto ivito mollomwalokwe toolluro pasudo sajuko su tov kuudo do'mopto tokwe sajukoldeyo.” Toro juno sumaiyokwe a'mwo aguto tool a'mwo mollomwalokwe su toolluno yovo tov sulomodomoropiyokaikono.” Jisasol yovekurajo su tov toro kuudokaikono. Toro wuujuno sumaiyokwe gami uumjunyokwe toorai kuudokaikono. “Neya duu'nyulo. Kwako akavida'ai kwoloraiyo tooro kemi womdo ton kevnokweravuro pi'mwo kuudo tokwe yodupudorogano. Aki kemoro pi'mwo kuudo su tov bako tovida'ai kwoloraiyo tonyuro pi'mwo kuudo tovi uuwolo'mdowodokwono.
9Aki nuu aro ikudumo'mokwono. Kevu kwako akavida'ai nuugwiyo kaiya'nodo togai a'mwo abolo punyu duuwiyo'mwojogaulo. Toro kwiyo'mwojupi su ton kemi ibwoto'nyo ikullumo'numwalpinogano. Kevu su toro kwiyo'mwojupi tov kemoro kwako akavida'ai nuugwiyo ton nyounopipinogano. Toro kuvi kuruv kevu aiyo yiunokuudo mujomwekovlaiyo'moneyokwe ago tonyu aulapi toga a'mwo abolo me'no wiyo'mwojodupudo su ton ilaiyo nomollekumapinogano.
10A'mwo pweku womdo kula'nyo tovi po'dogalo amollomwalbi tov womdo aguto kunyu kuruv po'dogalo nokwo mollomwalbinekugono. Aki a'mwo pweku womdo kula'nyo tovi po'dogalo mamollomwalbi tov womdo aguto kunyu kuruv po'dogalo mamollomwalbinekugono. 11Kevu kwako akavida'ai nuugwiyo tonyu po'dogalo mamworapi tov Gooti tool muunyu kai'muuda'ai sugudo kuunodo touso kemoro ato tovi nokwo ikubweyonoldukono? Awiyo, ku'nono maikubweyonekono. 12Aki kevu a'mwo abolo punyuro kuto ivito tonyu po'dogalo mamollomwalpi tov a'mwo pwol noonyumwonyu pun kemiyo'mo yiunokuudo nokwo ikubweyonoldukono? Awiyo, ku'nono maikubweyonekono.
13 #
Mt. 6:24
A'mwo ki'nato womdokwe pwol a'mwo mido mollomwalokwe pworallu ku'nono muumjunonekono. Su toro tovino kuudo neya jaullulo. A'mwo su tool a'mwo mido mollomwalokwe pwolluno biyolo uu'mwojowo'ji avalo toga a'mwo mido mollomwalokwe pwolluno'gwowi kalo buuropino winonekono. Oo gami mido mollomwalokwe pwollu uumjunyo'moneyokwe kuulolukumowopiyowo'ji avalo toga a'mwo mido mollomwalokwe pwolluno'gwowi buulo to'no uuguunyumopiyonekono. Su toro to'busuko kubalno kevu Gooti tooke'aro nuugwiyo tokwe'aro yiuwi'nokai su tovallu uumjunyo'moneyokwe avalo toga ku'nono maulolukumowopipinogaikikono.”
Moosesolluro loowo tokwe'aro aguto kig Gooti toolluro mido mollomwalo tokwe'aro tovallunokwono
14Jisasolluro yiuwi'nokai kuuguudo moruudoduke su tonyu Farasi tooro wuu'no'mno Jisasolluno burolpakuto amollovakuroporogano. Su tov aro tovinokwono. Farasi su tooro nuugwiyo bwotonyo ki'nomallo'moneyokwe guureji kwinyajuporogano. 15Toro toorai Jisasol aro kuudokaikono. “Kevu a'mwo abolo tonyuro sumdo tovi sugudo wimo'nyo'mo to'no ikullunodowodorekikono. Toro kuvi kuruv kemoro poowokalago tonyu kuulaikwo'dowodo su tonyuno'gwowi Gooti tool kuudo me'no yourekuma'dowodekono. Neya duu'nyulo. Yiuwi'nokai kwako akavida'ai a'mwo tooro kwa'mguda'ai pasudo tonyu wonopi, Oo ilaiyo'mdeyo, kuudo yau'dupudorogano. Toro kuvi kuruv pasudo su ton Gooti toolluro sumdo tovino'gwowi kaiya'no kuumwiyo to'no wimo'nodupudogano. 16#Mt. 11:12,13Moosesolluro loowo tokwe'aro Proofet yogalo tokwe'aro su toval mujo'melabino mujo'melabino sumaleyokwe yiuno Joonol abillumo'noka toga'no sumwogapiyolovakono. Su toro sumwogapiyolo togada'ai aguto kig Gooti toolluro mido mollomwalo tovino kuuguudo sugudo tov moruudomollodupudokwono. Aki yiuwi'nokai tomuuda'ai a'mwo abolo ton aguto kig Gooti toolluro mido mollomwalo su tovi kuullo'moneyokwe guureji pwo'dolomokaullo'mo winodupudogano. 17#Mt. 5:18Sulugumdo tokwe kwako tokwe toval nyounopibullunovakono. Toro kuvi kuruv loowo to'gwowi yiuno puukwollo puru'monodo kuruv ku'nono miyounopiyonokwono.”
Jisasol a'mwo kwolabolo yeru'mdeyapinodupudo tonyuno adoka tovinokwono
(Matyuu 5:31-32, 19:9; Mak 10:11-12)
18 #
Mt. 5:32; 1Krn. 7:10,11 Toruda'ai Jisasol kuudokaikono. “A'mwo pwol gami abolo tovi ru'mdowapiyowo'ji abolo puvi amaro'ji tov kwonyalo yonekono. Aki a'mwo pwol abolo me'no aru'mdowapingiko puvi amaro'ji tov kwonyalo imwalonekono.” Kuudokaikono.
A'mwo nuugwiyo bwotonyagokwe tooke'aro Lasaroseke'aro toorallunokwono
19Jisasol toro wuujuno sumaiyokwe aki aro kuudokaikono. “A'mwo kuto ivito bwotonyagokwe pwol yiuwi'nokai toga youro kwallujo sugumaluko tousogai yesodowo ilaiyo to'no anomwekovlaiyajukekono. 20Aki a'mwo kuto ivito maiyo kuunodo pwekwojuno yovo tov Lasarosolekono. A'mwo su tekwo nogrojo kuumwiyo to'no yo'mowopiyodowodo tekwoji a'mwo nuugwiyo bwotonyokwe toolluro noullo wobo toru kuumwallajupekono. 21Toro tekwo a'mwo kuto ivito bwotonyagokwe su toolluro noluuleyo toruda'ai wosamujuko yiuno sulmiyo to'no bwolo'dopure tobuurai molle'bworanyo'mo kwinyajukekono. Aki juluko kworogai'aro bodupu gamoro nogrojo tonyu abiyoduulanyajupekwogano.
22Su toro yomjomwekovla'mno sumaiyokwe lukomgu Lasarosol abolokaikono. Toro aboloka tekwoji ensel tooro momwora'no sumaveyokwe Eburaiyamollomno amokavlavopekono. Lukomgu a'mwo kuto ivito bwotonyagokwe kwol kuruv abolokaikono. Toro toollu amolsosopekono. 23Toro amolsosopo su tool a'mwo me'no bolodupudo tooravuro tomuu mwalo'no danyu'nyuwuulo bwotonyo kuunyajukekono. Toro te a'mwo kuto ivito bwotonyagokwe su tool Eburaiyamollu manyu toruda'ai wonyuno sumaiyokwe Lasarosol kweke mwaloduke toorallu kwonokaikono. 24Toro wonyuno sumaiyokwe toga deko aro kuudokaikono. “Mi nyukweyago Eburaiyamoloo, guu mi nuwonyapino nyubiyokwe kalo neya agujunono. Duko tov mi numgu'mo'noduke tovino tov Lasarosollu modopiyabo'bi gamoro pollo tokwe wonyo te juulomarowo'ji moro kwavlolo tovi lukuuto pwekwo wuudoneyokweyo'mo neya abanubweyono.” Kuudokaikono.
25Deko toro kuudoka kuvi kuruv Eburaiyamol kuudokaikono. “Mi nyukwo kwolaiyoloo, guvu aiyo kuuno mwalodore toga gumi noonyumwonyu sugudo togai amomjomwekovlaiyajudekugono. Su toro mujomwekovla'mdore toga Lasarosolno'gwowi kaiya'nodo to'no amwallajukekono. Toro kwol kuruv aga toga yiuno kavo to'no amwallo. Guu tekwoguno'gwowi danyu'nyuwuulo bwotonyokwe tomuu amwakuno. 26Aki puruv kevuge'aro nevuge'aro akuuto toru dovaguuruko bwotonyo tov su'naso. Toro su'nasuko tovino tov nemiyomda'ai pworo kemiyomno ga'mokabiyo'mo tov ku'nono mabupinorogano. Aki kemiyomda'ai pworo nemiyomno ga'mokabiyo'mo tov ku'nono mabupinorogano.” Kuudokaikono.
27Toro kuudoka tovi a'mwo kuto ivito bwotonyagokwe tool kuudokaikono. “Mi nyukwo tookuji aro gudoganmo'mokwono. Guu su toro tov ku'nono miyonoldeyokwe aro neya jono. Guvu mi nyunumiyago toolluro avalo tooraiyomno Lasarosollu neya domodapiyono. 28Nuuge avalo atobuul todoroto nuvu amwako danyu'nyuwuulokwe akamuuno nobupiyokwe duudapi yogalo domodapiyono.” 29Toro kuudoka kuvi kuruv Eburaiyamol kuudokaikono. “Gumi judai'yago tooro Moosesolluro loowo tokwe'aro proofet tooravuro puukwollo tokwe'aro su toval kurukwerogano. Su toro tovalluda'ai kuudo nokwo youromapinorogano.” Kuudokaikono. 30Toro kuudoka kuvi kuruv a'mwo kuto ivito bwotonyagokwe tool aro kuudokaikono. “Awiyo, atowe Eburaiyamoloo, a'mwo me'no abollungiko pwol dukavowo'ji su tooraiyomno avlawo'ji tov gamoro yogalo tovi nokwo wuu'nupinekono. Toro wuu'nopi Gooti toollomno kuudo nokwo youragunyumo'nupinorogano.” Kuudokaikono. 31Toro kuudoka kuvi kuruv Eburaiyamol kuudokaikono. “Moosesolluro yogalo tokwe'aro proofet tooravuro yogalo tokwe'aro su tonyu muu'nupi tov a'mwo bwiyo adukawo'ji toolluro wuudodowo'jure kuvida'ai kuruv muu'nupinorogano.” Kuudokaikono.”
Currently Selected:
Luuk 16: SMB
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2022: Ethnos360 Sanford, Florida
Luuk 16
16
A'mwo kuto ivito mollomwalokwe pwol a'mwo abolo punyu kwiyo'mwojajuko toolluno yovekurajokwono
1Aki Jisasol gami uumjunyokwe toorai yovekurajo puruv aro kuudokaikono. “A'mwo nuugwiyo bwotonyokwe pwol amwallajukekono. Toro tool gamoro kuto ivito tonyu mollomwallo'moneyokwe womdo tov a'mwo pwolluro ato tovi kuubweyokaikono. Toro te a'mwo pworo a'mwo nuugwiyo bwotonyokwe toollomno bino sumaveyokwe gamoro a'mwo kuto ivito mollomwalokwe toolluno aro abuudoporogano. “Gumoro kuto ivito tonyu mollomwallo'moneyokwe a'mwo ajesodo su tool gumoro kuto ivito pun yasuwa'no dukwopiyodowodekono.” 2Toro abuudopo toga a'mwo nuugwiyo bwotonyokwe tool a'mwo kuto ivito mollomwallo'moneyokwe ajesoka toollu domaro'no aro kuudokaikono. “Gumino yogalo banyudodopure tovi wuu'nodumdo su tov buro'nyo'mo'mdeyo? Gumoro pasudo yodumdo su tov ilaiyo'maiyo. Guu moro womdo tovi po'dogalo mamollomwalodumdo tovino kuu'maiyo toru neya dodowiyoku'bworosubinekugono. Toro kuvi kuruv aga'no'gwowi guu moro mollomwallo'moneyokwe womdo tovi aki aiko te mimwalbinekugono.” Kuudokaikono.
3Toro wuujuno sumaiyokwe a'mwo kuto ivito mollomwalokwe tekwo gavnokwe tool aro sajunokaikono. “Oo mi a'mwo aguto tool gamoro kuto ivito mollomwallo'moneyokwe womdo tovi amanyudukwopimoka tekwonyu buro'nyo womdo tov imwalmonyudukono? Nuvu kwako tovi illusumovlaiyo'moneyokwe tov jurogudo maiyonyugono. Aki a'mwo abolo punyuro nuugwiyo tonyuno domdo ajugonmi tov nuu wogulo bwotonyo nyumiyokwe tovino tov ku'nono muudumwalmonyugono. 4Toro te aro kuudo sau'mono. Mi a'mwo aguto tool gamoro womdo tovida'ai mi yere mamanyudukwopiyodowo'jure toga nuu a'mwo abolo tonyu ilaiyo neya igolmonyugono. Toro sugolmi tovi lukomgu a'mwo abolo su tonyuro ago tomuu avla'mi toga ilaiyo nokwo mollonumapinonyugono.” Sajunokaikono.
5Sumdomgu a'mwo aguto tool a'mwo pworai dinau pun me'no kwiyajukekono. Toro te a'mwo kuto ivito mollomwalokwe su tool a'mwo dinau kwiyajuko pwolno pwolnodo toorai adomarokaikono. Toro doma'no sumaiyokwe a'mwo muudu'nodo toollu aro kuudokaikono. “Moro a'mwo aguto tool gumi dinau me'no agujaboka tov adado'mdeyo?” Kuudokaikono. 6Toro kuudoka tovi a'mwo muudu'nodo su tool aro kuudokaikono. “100-pela dram pun oolip munyupto tokwe surosungiko puuwoso anyabokaikono.” Toro kuudoka tovi a'mwo kuto ivito mollomwalokwe tool kuudokaikono. “Nuvu gumoro dinau su tovi amodovomokwolamono. Toro te gumoro dinau pepa tovi maro'bi yere wolomwalo'bi yiuno 50-pela to'no neya jakwollono.” Kuudokaikono. 7Aki a'mwo pwollu kuudokaikono. “Moro a'mwo aguto tool gumi dinau me'no agujaboka tov adado'mdeyo?” Toro kuudoka tovi kuudokaikono. “100-pela beg pun wit tokwe amullosungiko towoso anyabokaikono.” Toro kuudoka su to kwollu kuruv a'mwo kuto ivito mollomwalokwe tool kuudokaikono. “Nuu gumoro dinau su tovi amodovomokwolamono. Toro te gumoro dinau pepa tovi maro'bi yere wolomwalo'bi yiuno 80-pela to'no neya jakwollono.” Kuudokaikono.
8A'mwo kuto ivito mollomwalokwe su tool womdo tovi po'dogalo miyajukekono. Toro kuvi kuruv a'mwo aguto tool gamoro pasudo sajuko su tovi wonyuno sumaiyokwe aro adokaikono. “Oo a'mwo kuto ivito mollomwalokwe toolluro pasudo sajuko su tov kuudo do'mopto tokwe sajukoldeyo.” Toro juno sumaiyokwe a'mwo aguto tool a'mwo mollomwalokwe su toolluno yovo tov sulomodomoropiyokaikono.” Jisasol yovekurajo su tov toro kuudokaikono. Toro wuujuno sumaiyokwe gami uumjunyokwe toorai kuudokaikono. “Neya duu'nyulo. Kwako akavida'ai kwoloraiyo tooro kemi womdo ton kevnokweravuro pi'mwo kuudo tokwe yodupudorogano. Aki kemoro pi'mwo kuudo su tov bako tovida'ai kwoloraiyo tonyuro pi'mwo kuudo tovi uuwolo'mdowodokwono.
9Aki nuu aro ikudumo'mokwono. Kevu kwako akavida'ai nuugwiyo kaiya'nodo togai a'mwo abolo punyu duuwiyo'mwojogaulo. Toro kwiyo'mwojupi su ton kemi ibwoto'nyo ikullumo'numwalpinogano. Kevu su toro kwiyo'mwojupi tov kemoro kwako akavida'ai nuugwiyo ton nyounopipinogano. Toro kuvi kuruv kevu aiyo yiunokuudo mujomwekovlaiyo'moneyokwe ago tonyu aulapi toga a'mwo abolo me'no wiyo'mwojodupudo su ton ilaiyo nomollekumapinogano.
10A'mwo pweku womdo kula'nyo tovi po'dogalo amollomwalbi tov womdo aguto kunyu kuruv po'dogalo nokwo mollomwalbinekugono. Aki a'mwo pweku womdo kula'nyo tovi po'dogalo mamollomwalbi tov womdo aguto kunyu kuruv po'dogalo mamollomwalbinekugono. 11Kevu kwako akavida'ai nuugwiyo tonyu po'dogalo mamworapi tov Gooti tool muunyu kai'muuda'ai sugudo kuunodo touso kemoro ato tovi nokwo ikubweyonoldukono? Awiyo, ku'nono maikubweyonekono. 12Aki kevu a'mwo abolo punyuro kuto ivito tonyu po'dogalo mamollomwalpi tov a'mwo pwol noonyumwonyu pun kemiyo'mo yiunokuudo nokwo ikubweyonoldukono? Awiyo, ku'nono maikubweyonekono.
13 #
Mt. 6:24
A'mwo ki'nato womdokwe pwol a'mwo mido mollomwalokwe pworallu ku'nono muumjunonekono. Su toro tovino kuudo neya jaullulo. A'mwo su tool a'mwo mido mollomwalokwe pwolluno biyolo uu'mwojowo'ji avalo toga a'mwo mido mollomwalokwe pwolluno'gwowi kalo buuropino winonekono. Oo gami mido mollomwalokwe pwollu uumjunyo'moneyokwe kuulolukumowopiyowo'ji avalo toga a'mwo mido mollomwalokwe pwolluno'gwowi buulo to'no uuguunyumopiyonekono. Su toro to'busuko kubalno kevu Gooti tooke'aro nuugwiyo tokwe'aro yiuwi'nokai su tovallu uumjunyo'moneyokwe avalo toga ku'nono maulolukumowopipinogaikikono.”
Moosesolluro loowo tokwe'aro aguto kig Gooti toolluro mido mollomwalo tokwe'aro tovallunokwono
14Jisasolluro yiuwi'nokai kuuguudo moruudoduke su tonyu Farasi tooro wuu'no'mno Jisasolluno burolpakuto amollovakuroporogano. Su tov aro tovinokwono. Farasi su tooro nuugwiyo bwotonyo ki'nomallo'moneyokwe guureji kwinyajuporogano. 15Toro toorai Jisasol aro kuudokaikono. “Kevu a'mwo abolo tonyuro sumdo tovi sugudo wimo'nyo'mo to'no ikullunodowodorekikono. Toro kuvi kuruv kemoro poowokalago tonyu kuulaikwo'dowodo su tonyuno'gwowi Gooti tool kuudo me'no yourekuma'dowodekono. Neya duu'nyulo. Yiuwi'nokai kwako akavida'ai a'mwo tooro kwa'mguda'ai pasudo tonyu wonopi, Oo ilaiyo'mdeyo, kuudo yau'dupudorogano. Toro kuvi kuruv pasudo su ton Gooti toolluro sumdo tovino'gwowi kaiya'no kuumwiyo to'no wimo'nodupudogano. 16#Mt. 11:12,13Moosesolluro loowo tokwe'aro Proofet yogalo tokwe'aro su toval mujo'melabino mujo'melabino sumaleyokwe yiuno Joonol abillumo'noka toga'no sumwogapiyolovakono. Su toro sumwogapiyolo togada'ai aguto kig Gooti toolluro mido mollomwalo tovino kuuguudo sugudo tov moruudomollodupudokwono. Aki yiuwi'nokai tomuuda'ai a'mwo abolo ton aguto kig Gooti toolluro mido mollomwalo su tovi kuullo'moneyokwe guureji pwo'dolomokaullo'mo winodupudogano. 17#Mt. 5:18Sulugumdo tokwe kwako tokwe toval nyounopibullunovakono. Toro kuvi kuruv loowo to'gwowi yiuno puukwollo puru'monodo kuruv ku'nono miyounopiyonokwono.”
Jisasol a'mwo kwolabolo yeru'mdeyapinodupudo tonyuno adoka tovinokwono
(Matyuu 5:31-32, 19:9; Mak 10:11-12)
18 #
Mt. 5:32; 1Krn. 7:10,11 Toruda'ai Jisasol kuudokaikono. “A'mwo pwol gami abolo tovi ru'mdowapiyowo'ji abolo puvi amaro'ji tov kwonyalo yonekono. Aki a'mwo pwol abolo me'no aru'mdowapingiko puvi amaro'ji tov kwonyalo imwalonekono.” Kuudokaikono.
A'mwo nuugwiyo bwotonyagokwe tooke'aro Lasaroseke'aro toorallunokwono
19Jisasol toro wuujuno sumaiyokwe aki aro kuudokaikono. “A'mwo kuto ivito bwotonyagokwe pwol yiuwi'nokai toga youro kwallujo sugumaluko tousogai yesodowo ilaiyo to'no anomwekovlaiyajukekono. 20Aki a'mwo kuto ivito maiyo kuunodo pwekwojuno yovo tov Lasarosolekono. A'mwo su tekwo nogrojo kuumwiyo to'no yo'mowopiyodowodo tekwoji a'mwo nuugwiyo bwotonyokwe toolluro noullo wobo toru kuumwallajupekono. 21Toro tekwo a'mwo kuto ivito bwotonyagokwe su toolluro noluuleyo toruda'ai wosamujuko yiuno sulmiyo to'no bwolo'dopure tobuurai molle'bworanyo'mo kwinyajukekono. Aki juluko kworogai'aro bodupu gamoro nogrojo tonyu abiyoduulanyajupekwogano.
22Su toro yomjomwekovla'mno sumaiyokwe lukomgu Lasarosol abolokaikono. Toro aboloka tekwoji ensel tooro momwora'no sumaveyokwe Eburaiyamollomno amokavlavopekono. Lukomgu a'mwo kuto ivito bwotonyagokwe kwol kuruv abolokaikono. Toro toollu amolsosopekono. 23Toro amolsosopo su tool a'mwo me'no bolodupudo tooravuro tomuu mwalo'no danyu'nyuwuulo bwotonyo kuunyajukekono. Toro te a'mwo kuto ivito bwotonyagokwe su tool Eburaiyamollu manyu toruda'ai wonyuno sumaiyokwe Lasarosol kweke mwaloduke toorallu kwonokaikono. 24Toro wonyuno sumaiyokwe toga deko aro kuudokaikono. “Mi nyukweyago Eburaiyamoloo, guu mi nuwonyapino nyubiyokwe kalo neya agujunono. Duko tov mi numgu'mo'noduke tovino tov Lasarosollu modopiyabo'bi gamoro pollo tokwe wonyo te juulomarowo'ji moro kwavlolo tovi lukuuto pwekwo wuudoneyokweyo'mo neya abanubweyono.” Kuudokaikono.
25Deko toro kuudoka kuvi kuruv Eburaiyamol kuudokaikono. “Mi nyukwo kwolaiyoloo, guvu aiyo kuuno mwalodore toga gumi noonyumwonyu sugudo togai amomjomwekovlaiyajudekugono. Su toro mujomwekovla'mdore toga Lasarosolno'gwowi kaiya'nodo to'no amwallajukekono. Toro kwol kuruv aga toga yiuno kavo to'no amwallo. Guu tekwoguno'gwowi danyu'nyuwuulo bwotonyokwe tomuu amwakuno. 26Aki puruv kevuge'aro nevuge'aro akuuto toru dovaguuruko bwotonyo tov su'naso. Toro su'nasuko tovino tov nemiyomda'ai pworo kemiyomno ga'mokabiyo'mo tov ku'nono mabupinorogano. Aki kemiyomda'ai pworo nemiyomno ga'mokabiyo'mo tov ku'nono mabupinorogano.” Kuudokaikono.
27Toro kuudoka tovi a'mwo kuto ivito bwotonyagokwe tool kuudokaikono. “Mi nyukwo tookuji aro gudoganmo'mokwono. Guu su toro tov ku'nono miyonoldeyokwe aro neya jono. Guvu mi nyunumiyago toolluro avalo tooraiyomno Lasarosollu neya domodapiyono. 28Nuuge avalo atobuul todoroto nuvu amwako danyu'nyuwuulokwe akamuuno nobupiyokwe duudapi yogalo domodapiyono.” 29Toro kuudoka kuvi kuruv Eburaiyamol kuudokaikono. “Gumi judai'yago tooro Moosesolluro loowo tokwe'aro proofet tooravuro puukwollo tokwe'aro su toval kurukwerogano. Su toro tovalluda'ai kuudo nokwo youromapinorogano.” Kuudokaikono. 30Toro kuudoka kuvi kuruv a'mwo kuto ivito bwotonyagokwe tool aro kuudokaikono. “Awiyo, atowe Eburaiyamoloo, a'mwo me'no abollungiko pwol dukavowo'ji su tooraiyomno avlawo'ji tov gamoro yogalo tovi nokwo wuu'nupinekono. Toro wuu'nopi Gooti toollomno kuudo nokwo youragunyumo'nupinorogano.” Kuudokaikono. 31Toro kuudoka kuvi kuruv Eburaiyamol kuudokaikono. “Moosesolluro yogalo tokwe'aro proofet tooravuro yogalo tokwe'aro su tonyu muu'nupi tov a'mwo bwiyo adukawo'ji toolluro wuudodowo'jure kuvida'ai kuruv muu'nupinorogano.” Kuudokaikono.”
© 2022: Ethnos360 Sanford, Florida