Luuk 20
20
A'mwo pworo Jisasollu, “Gumoro jurogudo tov adadokwe dukomolladokuuno,” kuudoganopo tovinokwono
(Matyuu 21:23-27; Mak 11:27-33)
1Iruko pullugwoji Jisasol Jeruusalemda'ai Gooti toollu ilomoropiyo'moneyokwe ago tovi kuula'no a'mwo abolo tonyu kuuguudo sugudo tovino sodubwasokaikono. Toro yodubwasoduke toga pris mido mollomwalokwe toorogai'aro loowo tovino pi'mwo kuudokwe toorogai'aro Juu tooravuro mido mollomwalokwe pworogai'aro tooro Jisasollomno bino sumaveyokwe 2aro kuudoganoporogano. “Gumoro jurogudo su tov adadokwe dukomolladokuuno? Aki ala'mwol, “Nokwo mollumwalbinokwono,” agudokakwe dukomolladokuuno?” Kuudoganoporogano. 3Toro kuudoganopo toorai Jisasol kuudokaikono. “Nuu yamuugojo puru'mono ikudoganmo'monyugono. Aga kevu kuu'maiyo toru'no donyujulo. 4Joonolluro wonyo agaluvollajuko tov muunyu kai'muuda'aiyo'mdukono oo a'mwo tooraida'aiyo'mdukono?” Samuugojokaikono.
5Toro samuugojoka tovi kevnokwe tooro aro sajunoporogano. “Joonolluro wonyo agaluvollajuko su tovino nevu, “Muunyu kai'muuda'aiyokwono,” kuuda'ji tov aro nekudonekono. “Kevu buro'nyo'mo kuudo muubweyajuporekuldeyo?” Nekudonekono. 6Toro kuvi kuruv, “A'mwo tooraida'aiyokwono,” kuuda'ji tov a'mwo abolo ton sulo togai noluvoromiyanekubwepiyo.” Su toro sajunoporogano. Toro yajunyuno sumaveyokwe luko soporogano. Luko sopo su tov aro tovinokwono. Yiuwi'nokai a'mwo abolo ton Joonolluno kuudo saullajupogano. Oo proofet kuunodo pwoldeyo. Su toro kuudo saullajupo tonyuno tov luko soporogano. 7Toro tooro Jisasolluro yamuugojo kwiyoka su tovino aro kuudoporogano. “Nevu kuudo miyau'mwakuuwono.” 8Toro kuudopo toorai Jisasol kuudokaikono. “Kevu manyudumapo tovino tov nuu kwonyu kuruv moro jurogudo mollodumdo ajanubweyoka toolluno maikudumonyugono.” Kuudokaikono.
Wain womdo tovida'ai a'mwo womdokwe kirovanyuvanyu kuumwiyo tooraino yovekurajokwono
(Matyuu 21:33-46; Mak 12:1-12)
9Toruda'ai Jisasol yovekurajo kuuguudo puruv aro sodubwasokaikono. “A'mwo pwol wain ikulsulo womdo puruv audokaikono. Me'no kuudosuno sumaiyokwe a'mwo su tool kantri manyu pumuuno plaiyo'mo tool gamoro womdo su tovi mollomwalmwalpino'moneyokwe a'mwo pworai ajesokaikono. Toro ajesoka su toorai aro kuudokaikono. “Wain ikulsulo ton domju'bworanekubweyogaulo. Lukomgu gekwono gekwono maranokwono.” Toro wuujuno sumaiyokwe wain ikulsulo womdo tovi jukwo tool kantri pumuuno avlavokaikono. Toro plaino sumaiyokwe manyu toga amwallajukekono. 10Toro tool kantri manyu avlavoka tomuu mwalno sumaiyokwe ikulsulo tonyu nomuujo'moneyokwe toga gamiyo'mo tekwo anumokabwoneyokwe gami a'mwo ki'nato womdokwe pwollu aikomgu amoropiyabokaikono. Toro amoropiyaboka kuvi kuruv a'mwo ki'nato womdokwe su tool womdo toru abai'movoka toollu a'mwo amollomwallajupo tooro galomworaro'mno iwago aromiyopekono. Toro toollu ikulsulo nonagutokwe toollu amodovomjapiyopekono. 11Aki womdo su tovi jukwo tool gami a'mwo ki'nato womdokwe pwollu aki aiko te amoropiyabokaikono. Toro amoropiyaboka toollu a'mwo womdo su tovi mollomwalokwe tooro iwago romiyo'mno kaiya'no yogalo wuujuno sumaveyokwe wogulo amodowo'galapiyopekono. Aki ikulsulo nonagutokwe toollu amodovomjapiyopekono. 12Aki a'mwo jukwo tool aki aiko te pwollu amoropiyabokaikono. Toro amoropiyaboka toollu kwa'dalo moluvomaro'mno amovomjapiyoporogano.
13Toro te womdo tovi jukwo tool nomodapiyo'mo tov aro sajunokaikono. “Oo nuu adado imonyudukono? Nuu aro neya imonyugono. Moro kwolaiyo kalo buuropino nyunodowodo toollu morapimonyugono. Moro kwolaiyo kuunodo amorapimi akalluno'gwowi a'mwo su tooro kwako tomuu'aro neya wiyopi gamoro yogalo tovi neya wuu'nupinekono.” Wain womdo tovi jukwo tool su toro sajunokaikono. Toro yajunyuno sumaiyokwe gami kwolaiyo su toollu amoropiyabokaikono. 14Toro kuvi kuruv kwolaiyo amoropiyaboka su tool womdo toru bai'mo'mduke toollu womdo tovi amollomwallajupo tooro wono'mno aro sajunoporogano. “Oo kwolaiyo akal ganumiyago toolluro tonyu aiko toru marono'mo tookono. Toro toollu aromiyosa'ji tov ganumiyago toolluro su ton yiuno nevno maranokwono. Toro toollu aromiyosano.” Sajunoporogano. 15Toro yajunyuno sumaveyokwe kwolaiyo toollu galomworaro'mno wain womdo tovida'ai kwa'mgu tomuu abilomodukwopiyopekono. Toro bilomodukwopiyo'mno yiuno'no aromiyosopekono. Toruda'ai wain womdo tovi jukwo tool abwo'ji toga adado yonoldukono? 16Aro yonekono. A'mwo mollomwallo'mo ajesoka su toorai noboromiyosonekono. Romiyosowo'ji gami wain womdo tovi mollomwalmwalpino'moneyokwe a'mwo muuduko pworai jesonekono.” Kuudokaikono.
Toro kuudoka tovi a'mwo abolo ton wuu'nyuno sumaveyokwe aro kuudopogano. “Su toro tov kuvinono nyumo'no'jo.” Kuudoporogano. 17#Mt. 21:42; Mk. 12:10; Krt. 4:11; Ef. 2:20; 1Pt. 2:4-7Toro kuudopo kuvi kuruv Jisasol a'mwo abolo su tonyu yomuugona'no sumaiyokwe aro kuudokaikono. “Su tov kuvinono nyumo'nonokwono. Su toro imo'nono tovino Gooti toolluro yogalo puruv aro sakwollungikokwono.
“Sulo pwollu a'mwo sulago mojokwe tooro biyolsumdo ino sumaveyokwe amodukwopiyopekono. Toro amodukwopiyopo kwollu kuruv Gooti tool sulo su toollu ma'dowo ago tov kwollu muunyu toru amodumokaikono.”
Toro sakwollungikokwono. Kevu Gooti toolluro yogalo su toro sakwollungiko tovi mwonodupudorekuldeyo?”
18Jisasol toro wuujuno sumaiyokwe aki aro kuudokaikono. “A'mwo pwol sulo su toollu yello se'namowo'ji tov kwollu muunyu toru nowiye'naronekono. Aki sulo su tool a'mwo pwollu muunyu toru kwolaro'ji tov a'mwo su toollu yiuno'no nogurojosonekono.” Jisasol toro kuudokaikono. 19Toro kuudoka tovi loowo tovino pi'mwo kuudokwe toorogai'aro pris mido mollomwalokwe toorogai'aro tooro Jisasolluro yovekurajo kuuguudo su tovi wuu'nyuno sumaveyokwe aro kuudo sauroporogano. Oo kuuguudo su tov nemino to'mdeyo, nevu womdo mollomwalokwe kirovanyuvanyu su toorobusukonoldeyo, adoporogano. Toro juno sumaveyokwe kuga'gwo kuuno Jisasollu galomworallo'mo kuudo sauroporogano. Toro kworo kuruv a'mwo abolo tonyuno luko sopo tovino tov Jisasollu yere magalomworaroporogano.
“Nevu Sisa toollu takis nuugwiyo uubiyo'mo tov nokwo'mo'mdukono?” Samuugojopo tovinokwono
(Matyuu 22:15-22; Mak 12:13-17)
20Toro te a'mwo mido mollomwalokwe su tooro Jisasollu amuugonallajuporogano. Toro tooro a'mwo domokwe pworai Jisasollomno amoropiyaboporogano. A'mwo amoropiyabopo su tooro Jisasollu kuunano youkuu'nuujo'mo gamoro sumdo tovi a'mwo nebalo pworobusuko kwimo'nyajuporogano. Toro tooro Jisasol gamoro yogalo tov kaiya'no ado'ji tovi'aro galomworaropi a'mwo aguto gavona toolluro ato tovi morubweyo'mo kwinoporogano. A'mwo aguto gavona su tool womdo aguto mujumovlaiyo'moneyokwe yovo aguto kurukwekono. 21Toro toollu morubweyo'mo kwinopo su tooro Jisasollu aro abuudoporogano. “Ibwasokweyoloo, guvu yogalo idopto'nodo to'no dodumdekugono. Aki toro tooku kuuguudo idopto'nodo tomgu'aro yodubwasodumdekugono. Aki yiuwi'nokai a'mwo abolo tonyu avalousuno mollokweyekugono. A'mwo abolo yovokweyodeyo oo yovomaiyokweyodeyo kunyu kuruv Gooti toolluro tomgu'aro tonyuno yiuno nebal'no yodubwasodumdekugono. 22Toro tooku donekudono. Roomda'ai a'mwo aguto bomwallo Sisa toollu takis nuugwiyo tov nevu nuubiyano'mdukono oo muubiyano'mdukono?”
23Toro kuudoganopo toorai Jisasol kemoro poowokalago youkuu'nuujo'mo kuuluuwo'duke su tovi me'no youroonyuno sumaiyokwe aro kuudokaikono. 24“Kevu silva nuugwiyo sulo pullu donumokabilo.” Kuudokaikono. Toro kuudoka tooro silva nuugwiyo pullu kuumokaboporogano. Toro mokabino sumaveyokwe toga Jisasol aro kuudoganokaikono. “Nuugwiyo akavi ala'mwolluro sumdomago tokwe'aro yovo tokwe'aro tovallu doonadokwovo?” Toro kuudoganoka tooro kuudoporogano. “Sisa toollu kwonmwakuuwono.” 25Toro kuudopo toorai Jisasol kuudokaikono. “Sisa toolluro tonyu Sisa toollu neya duuwiyogaulo. Aki Gooti toolluro tonyuno'gwowi Gooti toollu neya duuwiyogaulo.” Kuudokaikono. 26Toro te a'mwo domokwe su tooro a'mwo abolo tonyuro muugona'dopure toru Jisasolluro yogalo tovi'aro gami ku'nono miyourowabworoporogano. Toro kuvi kuruv gamoro yogalo kuudoka su tovi wuu'nyuno sumaveyokwe luko morumoukuropiyo'mno mago puru'monodo kuruv maravoporogano.
Sajuusi tooro a'mwo abollungopo aiyo aiko te nodukapino tooraino samuugojopo tovinokwono
(Matyuu 22:23-33; Mak 12:18-27)
27 #
Krt. 23:8
Toruda'ai Juu a'mwo pworo Sajuusiyoravo dodupudo su tooro Jisasollomno aboporogano. Sajuusi tooro aro kuudo yau'dupudorogano. A'mwo me'no abollungopo tooro aiyo aiko te ku'nono madukapinorogano. Su toro kuudo yau'dupudo tooro Jisasollomno bino sumaveyokwe 28aro kuudoporogano. “Ibwasokweyoloo, Moosesolluro loowo sakwollungiko puruv arokwono. “A'mwo pwol kwolaiyo miyawosunowo'ji abolo'ji kuvi kuruv gami gagwai'yago pwol gamoro abolo kanyu su tovi neya amarono. Gagwai'yago su tool marowo'ji kwolaiyo sawosuno'ji tooro gadai'yago toolluro aiko toru'no mapinorogano.” Toro sakwollungikokwono.”
29Sajuusi tooro toro wuujuno sumaveyokwe aki aro kuudoporogano. “Puga a'mwo atobuul ato pworal todoroto amwallajuporogano. Toro todorotavuro sumdomguda'ai tool abolo puvi malluno sumaiyokwe kwoloraiyo miyawosuno'no abolokaikono. 30Aki kwolloruda'ai kwol kuruv abolo kanyu su tovi malluno sumaiyokwe kwolaiyo miyawosuno'no abolokaikono. 31Aki kwolluroda'ai kwol kuruv aval'no tono sokaikono. Tono tono yo'mno abolo avalo su tovi kwolaiyo pwolnodo kwol kuruv mamollawosuno'mno yiuwi'nokai atobuul ato pworal todoroto abolopiyoporogano. 32Toro bolopiyo'mno aiyowo'mo toga abolo kurukwe'aro abolokakwono.” Kuudoporogano. 33Toro wuujuno sumaveyokwe aro samuugojoporogano. “Yiuwi'nokai abollungopo atobuul ato pworal su todoroto abolo su tovi me'no amaropo tooraino tov lukomgu aiyo aiko te adukapi toga gadoolluro abolo kuunodo wimo'nono'mdukono?” Samuugojoporogano.
34Toro samuugojopo toorai Jisasol aro kuudokaikono. “Agasuro a'mwo abolo ton kwolabolo yoma'nodupudogano. 35Toro kuvi kuruv a'mwo abolo Gooti toolluro ilaiyo winodowodo tobuuro bolopi lukomgu aiyo aiko te adukapi toga'no'gwowi kwolabolo miyoma'numwalpinogano. A'mwo tooro abolo tonyu mamaropi aki abolo ton a'mwo toorai muuma'nupinogano. 36Su tov aro tovinokwono. A'mwo abolo su tobuuro aiko te mabolmovla'mwalpinobuurogano. Toro tovino tov aiyo aiko te dukapino su ton ensel toorobusuko to'no imo'nupinogano. Aki toro ton Gooti toolluro kwoloraiyo wimo'numwalpinogano.
37 #
Moll. 3:6
Kevu me'no abollungopo tooraino aiyo aiko te duka'mdupudo tovino Moosesolluro yogalo sakwollungiko puvi mwonodupudorekuldeyo? Gooti Aguto tool Moosesollu i'jurako widuko bomjonugeloduke tovi anakuuto tomuuda'ai aro kuudokaikono. “Nuvu Eburaiyameke'aro Aisakeke'aro Jekoopeke'aro tooravuro Gooti toonyugono.” Kuudokaikono. Moosesolluro yogalo su toro sakwollungiko tovi mwonodupudorekuldeyo? 38Kevu Gooti toolluno aro kuudo nyaupiyo. Oo a'mwo me'no abollungopo toorai Gootekono. Kuudo nyau'mwalpiyo. Toro kuvi kuruv Gooti su toolno'gwowi aiyo mwallokwe tooravuro Gootekono. A'mwo abolo aiyo mwallokwe ton Gooti toolluro sumdo tovi aiyo kuuno mujomwekovla'mdupudogano.” Jisasol Sajuusi toorai toro kuudokaikono.
39Toro kuudoka toga loowo tovino pi'mwo kuudokwe pworo Jisasollu aro kuudoporogano. “Ibwasokweyoloo, guu pi'mwono anekudumwakuno.” 40Su toro kuudopo tov aro tovinokwono. A'mwo su tooro Jisasollu aiko te wuudoganyo'moneyokwe luko sopo tovinokwono.
Devitolluro jukweyago kwolaiyo Krais toolluno kuuguudo tovinokwono
(Matyuu 22:41-46; Mak 12:35-37)
41Toruda'ai Jisasol aro kuudokaikono. “A'mwo abolo pun yogalo puruv aro dodupudogano. “Krais tool Devitolluro jukweyago kwolaiyo tooraida'ai imo'nonekono.” Su toro dodupudo tov adado imo'nono tovino'mdukono? 42Devitol Da'buukiyo tovi yogalo puruv aro ajakwollokaikono.
“Gooti tool numoro Aguto toollu aro kuudokaikono. “Guu moro anato toru bomwalo'bi nuuge mwalbinekugono. 43Toro mwalodo'bure toga nuu gumi ikomago toorai maro'mi gumi dolago tomuu bomagubwemorogano.” Kuudokaikono.”
Gooti toolluro yogalo su toro kuudoka tovino Devitol toro ajakwollokaikono.” 44Jisasol toro kuudokaikono. Toro wuujuno sumaiyokwe loowo tovino pi'mwo kuudokwe toorai aro kuudokaikono. “Devitol Krais toolluno, Agutoloo, adoka tov Aguto su tool Devitolluro jukweyago kwolaiyo tekwobusuko adadomgu'aro imo'nonoldukono?” Jisasol a'mwo su toorai duullukullo'moneyokwe yogalo su tov toro kuudokaikono.
Loowo tovino pi'mwo kuudokwe tooravuro youkuu'nuudodupudo tovinokwono
(Matyuu 23:1-36; Mak 12:38-40; Luuk 11:37-54)
45Aki yiuwi'nokai a'mwo abolo ton Jisasolluro yogalo tovi wuu'nodopure su toru Jisasol gami uumjunyokwe toorai aro kuudokaikono. 46“Kevu a'mwo loowo tovino pi'mwo kuudokwe tooravuro ibwaso tonyuno wako neya dou'nogaulo. A'mwo su tooro aro yokwerogano. Ilaiyo amollonekumapureyokweyo'mo tooro youro kumi'yago touso mollosopi maket tomuu yomollokwerogano. Aki toro tooro i'bwo'nyago toruke'aro lubullu doto yanodupudo toruke'aro toru yiuwi'nokai a'mwo abolo ton anekwonpureyokweyo'mo tooro yiuno sumdollu toru'no kuulomwallo'mo winyokwerogano. 47Aki toro tooro kanyu abolo tonyuro kuto ivito ton kuuko mallo'moneyokwe jokuuromallokwerogano. Aki toro tooro a'mwo abolo ton anekwonpureyokweyo'mo subusu'nyogalo tov bwotonyo kumi'yago mujodumovlaiyokwerogano. Su toro tooravuro kooti yogalo abwo'ji toga jul'nyo kuunodo tov nomapinorogano. Su toro tooravuro ibwaso tonyuno kevu wako neya dou'nogaulo.” Kuudokaikono.
Currently Selected:
Luuk 20: SMB
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2022: Ethnos360 Sanford, Florida
Luuk 20
20
A'mwo pworo Jisasollu, “Gumoro jurogudo tov adadokwe dukomolladokuuno,” kuudoganopo tovinokwono
(Matyuu 21:23-27; Mak 11:27-33)
1Iruko pullugwoji Jisasol Jeruusalemda'ai Gooti toollu ilomoropiyo'moneyokwe ago tovi kuula'no a'mwo abolo tonyu kuuguudo sugudo tovino sodubwasokaikono. Toro yodubwasoduke toga pris mido mollomwalokwe toorogai'aro loowo tovino pi'mwo kuudokwe toorogai'aro Juu tooravuro mido mollomwalokwe pworogai'aro tooro Jisasollomno bino sumaveyokwe 2aro kuudoganoporogano. “Gumoro jurogudo su tov adadokwe dukomolladokuuno? Aki ala'mwol, “Nokwo mollumwalbinokwono,” agudokakwe dukomolladokuuno?” Kuudoganoporogano. 3Toro kuudoganopo toorai Jisasol kuudokaikono. “Nuu yamuugojo puru'mono ikudoganmo'monyugono. Aga kevu kuu'maiyo toru'no donyujulo. 4Joonolluro wonyo agaluvollajuko tov muunyu kai'muuda'aiyo'mdukono oo a'mwo tooraida'aiyo'mdukono?” Samuugojokaikono.
5Toro samuugojoka tovi kevnokwe tooro aro sajunoporogano. “Joonolluro wonyo agaluvollajuko su tovino nevu, “Muunyu kai'muuda'aiyokwono,” kuuda'ji tov aro nekudonekono. “Kevu buro'nyo'mo kuudo muubweyajuporekuldeyo?” Nekudonekono. 6Toro kuvi kuruv, “A'mwo tooraida'aiyokwono,” kuuda'ji tov a'mwo abolo ton sulo togai noluvoromiyanekubwepiyo.” Su toro sajunoporogano. Toro yajunyuno sumaveyokwe luko soporogano. Luko sopo su tov aro tovinokwono. Yiuwi'nokai a'mwo abolo ton Joonolluno kuudo saullajupogano. Oo proofet kuunodo pwoldeyo. Su toro kuudo saullajupo tonyuno tov luko soporogano. 7Toro tooro Jisasolluro yamuugojo kwiyoka su tovino aro kuudoporogano. “Nevu kuudo miyau'mwakuuwono.” 8Toro kuudopo toorai Jisasol kuudokaikono. “Kevu manyudumapo tovino tov nuu kwonyu kuruv moro jurogudo mollodumdo ajanubweyoka toolluno maikudumonyugono.” Kuudokaikono.
Wain womdo tovida'ai a'mwo womdokwe kirovanyuvanyu kuumwiyo tooraino yovekurajokwono
(Matyuu 21:33-46; Mak 12:1-12)
9Toruda'ai Jisasol yovekurajo kuuguudo puruv aro sodubwasokaikono. “A'mwo pwol wain ikulsulo womdo puruv audokaikono. Me'no kuudosuno sumaiyokwe a'mwo su tool kantri manyu pumuuno plaiyo'mo tool gamoro womdo su tovi mollomwalmwalpino'moneyokwe a'mwo pworai ajesokaikono. Toro ajesoka su toorai aro kuudokaikono. “Wain ikulsulo ton domju'bworanekubweyogaulo. Lukomgu gekwono gekwono maranokwono.” Toro wuujuno sumaiyokwe wain ikulsulo womdo tovi jukwo tool kantri pumuuno avlavokaikono. Toro plaino sumaiyokwe manyu toga amwallajukekono. 10Toro tool kantri manyu avlavoka tomuu mwalno sumaiyokwe ikulsulo tonyu nomuujo'moneyokwe toga gamiyo'mo tekwo anumokabwoneyokwe gami a'mwo ki'nato womdokwe pwollu aikomgu amoropiyabokaikono. Toro amoropiyaboka kuvi kuruv a'mwo ki'nato womdokwe su tool womdo toru abai'movoka toollu a'mwo amollomwallajupo tooro galomworaro'mno iwago aromiyopekono. Toro toollu ikulsulo nonagutokwe toollu amodovomjapiyopekono. 11Aki womdo su tovi jukwo tool gami a'mwo ki'nato womdokwe pwollu aki aiko te amoropiyabokaikono. Toro amoropiyaboka toollu a'mwo womdo su tovi mollomwalokwe tooro iwago romiyo'mno kaiya'no yogalo wuujuno sumaveyokwe wogulo amodowo'galapiyopekono. Aki ikulsulo nonagutokwe toollu amodovomjapiyopekono. 12Aki a'mwo jukwo tool aki aiko te pwollu amoropiyabokaikono. Toro amoropiyaboka toollu kwa'dalo moluvomaro'mno amovomjapiyoporogano.
13Toro te womdo tovi jukwo tool nomodapiyo'mo tov aro sajunokaikono. “Oo nuu adado imonyudukono? Nuu aro neya imonyugono. Moro kwolaiyo kalo buuropino nyunodowodo toollu morapimonyugono. Moro kwolaiyo kuunodo amorapimi akalluno'gwowi a'mwo su tooro kwako tomuu'aro neya wiyopi gamoro yogalo tovi neya wuu'nupinekono.” Wain womdo tovi jukwo tool su toro sajunokaikono. Toro yajunyuno sumaiyokwe gami kwolaiyo su toollu amoropiyabokaikono. 14Toro kuvi kuruv kwolaiyo amoropiyaboka su tool womdo toru bai'mo'mduke toollu womdo tovi amollomwallajupo tooro wono'mno aro sajunoporogano. “Oo kwolaiyo akal ganumiyago toolluro tonyu aiko toru marono'mo tookono. Toro toollu aromiyosa'ji tov ganumiyago toolluro su ton yiuno nevno maranokwono. Toro toollu aromiyosano.” Sajunoporogano. 15Toro yajunyuno sumaveyokwe kwolaiyo toollu galomworaro'mno wain womdo tovida'ai kwa'mgu tomuu abilomodukwopiyopekono. Toro bilomodukwopiyo'mno yiuno'no aromiyosopekono. Toruda'ai wain womdo tovi jukwo tool abwo'ji toga adado yonoldukono? 16Aro yonekono. A'mwo mollomwallo'mo ajesoka su toorai noboromiyosonekono. Romiyosowo'ji gami wain womdo tovi mollomwalmwalpino'moneyokwe a'mwo muuduko pworai jesonekono.” Kuudokaikono.
Toro kuudoka tovi a'mwo abolo ton wuu'nyuno sumaveyokwe aro kuudopogano. “Su toro tov kuvinono nyumo'no'jo.” Kuudoporogano. 17#Mt. 21:42; Mk. 12:10; Krt. 4:11; Ef. 2:20; 1Pt. 2:4-7Toro kuudopo kuvi kuruv Jisasol a'mwo abolo su tonyu yomuugona'no sumaiyokwe aro kuudokaikono. “Su tov kuvinono nyumo'nonokwono. Su toro imo'nono tovino Gooti toolluro yogalo puruv aro sakwollungikokwono.
“Sulo pwollu a'mwo sulago mojokwe tooro biyolsumdo ino sumaveyokwe amodukwopiyopekono. Toro amodukwopiyopo kwollu kuruv Gooti tool sulo su toollu ma'dowo ago tov kwollu muunyu toru amodumokaikono.”
Toro sakwollungikokwono. Kevu Gooti toolluro yogalo su toro sakwollungiko tovi mwonodupudorekuldeyo?”
18Jisasol toro wuujuno sumaiyokwe aki aro kuudokaikono. “A'mwo pwol sulo su toollu yello se'namowo'ji tov kwollu muunyu toru nowiye'naronekono. Aki sulo su tool a'mwo pwollu muunyu toru kwolaro'ji tov a'mwo su toollu yiuno'no nogurojosonekono.” Jisasol toro kuudokaikono. 19Toro kuudoka tovi loowo tovino pi'mwo kuudokwe toorogai'aro pris mido mollomwalokwe toorogai'aro tooro Jisasolluro yovekurajo kuuguudo su tovi wuu'nyuno sumaveyokwe aro kuudo sauroporogano. Oo kuuguudo su tov nemino to'mdeyo, nevu womdo mollomwalokwe kirovanyuvanyu su toorobusukonoldeyo, adoporogano. Toro juno sumaveyokwe kuga'gwo kuuno Jisasollu galomworallo'mo kuudo sauroporogano. Toro kworo kuruv a'mwo abolo tonyuno luko sopo tovino tov Jisasollu yere magalomworaroporogano.
“Nevu Sisa toollu takis nuugwiyo uubiyo'mo tov nokwo'mo'mdukono?” Samuugojopo tovinokwono
(Matyuu 22:15-22; Mak 12:13-17)
20Toro te a'mwo mido mollomwalokwe su tooro Jisasollu amuugonallajuporogano. Toro tooro a'mwo domokwe pworai Jisasollomno amoropiyaboporogano. A'mwo amoropiyabopo su tooro Jisasollu kuunano youkuu'nuujo'mo gamoro sumdo tovi a'mwo nebalo pworobusuko kwimo'nyajuporogano. Toro tooro Jisasol gamoro yogalo tov kaiya'no ado'ji tovi'aro galomworaropi a'mwo aguto gavona toolluro ato tovi morubweyo'mo kwinoporogano. A'mwo aguto gavona su tool womdo aguto mujumovlaiyo'moneyokwe yovo aguto kurukwekono. 21Toro toollu morubweyo'mo kwinopo su tooro Jisasollu aro abuudoporogano. “Ibwasokweyoloo, guvu yogalo idopto'nodo to'no dodumdekugono. Aki toro tooku kuuguudo idopto'nodo tomgu'aro yodubwasodumdekugono. Aki yiuwi'nokai a'mwo abolo tonyu avalousuno mollokweyekugono. A'mwo abolo yovokweyodeyo oo yovomaiyokweyodeyo kunyu kuruv Gooti toolluro tomgu'aro tonyuno yiuno nebal'no yodubwasodumdekugono. 22Toro tooku donekudono. Roomda'ai a'mwo aguto bomwallo Sisa toollu takis nuugwiyo tov nevu nuubiyano'mdukono oo muubiyano'mdukono?”
23Toro kuudoganopo toorai Jisasol kemoro poowokalago youkuu'nuujo'mo kuuluuwo'duke su tovi me'no youroonyuno sumaiyokwe aro kuudokaikono. 24“Kevu silva nuugwiyo sulo pullu donumokabilo.” Kuudokaikono. Toro kuudoka tooro silva nuugwiyo pullu kuumokaboporogano. Toro mokabino sumaveyokwe toga Jisasol aro kuudoganokaikono. “Nuugwiyo akavi ala'mwolluro sumdomago tokwe'aro yovo tokwe'aro tovallu doonadokwovo?” Toro kuudoganoka tooro kuudoporogano. “Sisa toollu kwonmwakuuwono.” 25Toro kuudopo toorai Jisasol kuudokaikono. “Sisa toolluro tonyu Sisa toollu neya duuwiyogaulo. Aki Gooti toolluro tonyuno'gwowi Gooti toollu neya duuwiyogaulo.” Kuudokaikono. 26Toro te a'mwo domokwe su tooro a'mwo abolo tonyuro muugona'dopure toru Jisasolluro yogalo tovi'aro gami ku'nono miyourowabworoporogano. Toro kuvi kuruv gamoro yogalo kuudoka su tovi wuu'nyuno sumaveyokwe luko morumoukuropiyo'mno mago puru'monodo kuruv maravoporogano.
Sajuusi tooro a'mwo abollungopo aiyo aiko te nodukapino tooraino samuugojopo tovinokwono
(Matyuu 22:23-33; Mak 12:18-27)
27 #
Krt. 23:8
Toruda'ai Juu a'mwo pworo Sajuusiyoravo dodupudo su tooro Jisasollomno aboporogano. Sajuusi tooro aro kuudo yau'dupudorogano. A'mwo me'no abollungopo tooro aiyo aiko te ku'nono madukapinorogano. Su toro kuudo yau'dupudo tooro Jisasollomno bino sumaveyokwe 28aro kuudoporogano. “Ibwasokweyoloo, Moosesolluro loowo sakwollungiko puruv arokwono. “A'mwo pwol kwolaiyo miyawosunowo'ji abolo'ji kuvi kuruv gami gagwai'yago pwol gamoro abolo kanyu su tovi neya amarono. Gagwai'yago su tool marowo'ji kwolaiyo sawosuno'ji tooro gadai'yago toolluro aiko toru'no mapinorogano.” Toro sakwollungikokwono.”
29Sajuusi tooro toro wuujuno sumaveyokwe aki aro kuudoporogano. “Puga a'mwo atobuul ato pworal todoroto amwallajuporogano. Toro todorotavuro sumdomguda'ai tool abolo puvi malluno sumaiyokwe kwoloraiyo miyawosuno'no abolokaikono. 30Aki kwolloruda'ai kwol kuruv abolo kanyu su tovi malluno sumaiyokwe kwolaiyo miyawosuno'no abolokaikono. 31Aki kwolluroda'ai kwol kuruv aval'no tono sokaikono. Tono tono yo'mno abolo avalo su tovi kwolaiyo pwolnodo kwol kuruv mamollawosuno'mno yiuwi'nokai atobuul ato pworal todoroto abolopiyoporogano. 32Toro bolopiyo'mno aiyowo'mo toga abolo kurukwe'aro abolokakwono.” Kuudoporogano. 33Toro wuujuno sumaveyokwe aro samuugojoporogano. “Yiuwi'nokai abollungopo atobuul ato pworal su todoroto abolo su tovi me'no amaropo tooraino tov lukomgu aiyo aiko te adukapi toga gadoolluro abolo kuunodo wimo'nono'mdukono?” Samuugojoporogano.
34Toro samuugojopo toorai Jisasol aro kuudokaikono. “Agasuro a'mwo abolo ton kwolabolo yoma'nodupudogano. 35Toro kuvi kuruv a'mwo abolo Gooti toolluro ilaiyo winodowodo tobuuro bolopi lukomgu aiyo aiko te adukapi toga'no'gwowi kwolabolo miyoma'numwalpinogano. A'mwo tooro abolo tonyu mamaropi aki abolo ton a'mwo toorai muuma'nupinogano. 36Su tov aro tovinokwono. A'mwo abolo su tobuuro aiko te mabolmovla'mwalpinobuurogano. Toro tovino tov aiyo aiko te dukapino su ton ensel toorobusuko to'no imo'nupinogano. Aki toro ton Gooti toolluro kwoloraiyo wimo'numwalpinogano.
37 #
Moll. 3:6
Kevu me'no abollungopo tooraino aiyo aiko te duka'mdupudo tovino Moosesolluro yogalo sakwollungiko puvi mwonodupudorekuldeyo? Gooti Aguto tool Moosesollu i'jurako widuko bomjonugeloduke tovi anakuuto tomuuda'ai aro kuudokaikono. “Nuvu Eburaiyameke'aro Aisakeke'aro Jekoopeke'aro tooravuro Gooti toonyugono.” Kuudokaikono. Moosesolluro yogalo su toro sakwollungiko tovi mwonodupudorekuldeyo? 38Kevu Gooti toolluno aro kuudo nyaupiyo. Oo a'mwo me'no abollungopo toorai Gootekono. Kuudo nyau'mwalpiyo. Toro kuvi kuruv Gooti su toolno'gwowi aiyo mwallokwe tooravuro Gootekono. A'mwo abolo aiyo mwallokwe ton Gooti toolluro sumdo tovi aiyo kuuno mujomwekovla'mdupudogano.” Jisasol Sajuusi toorai toro kuudokaikono.
39Toro kuudoka toga loowo tovino pi'mwo kuudokwe pworo Jisasollu aro kuudoporogano. “Ibwasokweyoloo, guu pi'mwono anekudumwakuno.” 40Su toro kuudopo tov aro tovinokwono. A'mwo su tooro Jisasollu aiko te wuudoganyo'moneyokwe luko sopo tovinokwono.
Devitolluro jukweyago kwolaiyo Krais toolluno kuuguudo tovinokwono
(Matyuu 22:41-46; Mak 12:35-37)
41Toruda'ai Jisasol aro kuudokaikono. “A'mwo abolo pun yogalo puruv aro dodupudogano. “Krais tool Devitolluro jukweyago kwolaiyo tooraida'ai imo'nonekono.” Su toro dodupudo tov adado imo'nono tovino'mdukono? 42Devitol Da'buukiyo tovi yogalo puruv aro ajakwollokaikono.
“Gooti tool numoro Aguto toollu aro kuudokaikono. “Guu moro anato toru bomwalo'bi nuuge mwalbinekugono. 43Toro mwalodo'bure toga nuu gumi ikomago toorai maro'mi gumi dolago tomuu bomagubwemorogano.” Kuudokaikono.”
Gooti toolluro yogalo su toro kuudoka tovino Devitol toro ajakwollokaikono.” 44Jisasol toro kuudokaikono. Toro wuujuno sumaiyokwe loowo tovino pi'mwo kuudokwe toorai aro kuudokaikono. “Devitol Krais toolluno, Agutoloo, adoka tov Aguto su tool Devitolluro jukweyago kwolaiyo tekwobusuko adadomgu'aro imo'nonoldukono?” Jisasol a'mwo su toorai duullukullo'moneyokwe yogalo su tov toro kuudokaikono.
Loowo tovino pi'mwo kuudokwe tooravuro youkuu'nuudodupudo tovinokwono
(Matyuu 23:1-36; Mak 12:38-40; Luuk 11:37-54)
45Aki yiuwi'nokai a'mwo abolo ton Jisasolluro yogalo tovi wuu'nodopure su toru Jisasol gami uumjunyokwe toorai aro kuudokaikono. 46“Kevu a'mwo loowo tovino pi'mwo kuudokwe tooravuro ibwaso tonyuno wako neya dou'nogaulo. A'mwo su tooro aro yokwerogano. Ilaiyo amollonekumapureyokweyo'mo tooro youro kumi'yago touso mollosopi maket tomuu yomollokwerogano. Aki toro tooro i'bwo'nyago toruke'aro lubullu doto yanodupudo toruke'aro toru yiuwi'nokai a'mwo abolo ton anekwonpureyokweyo'mo tooro yiuno sumdollu toru'no kuulomwallo'mo winyokwerogano. 47Aki toro tooro kanyu abolo tonyuro kuto ivito ton kuuko mallo'moneyokwe jokuuromallokwerogano. Aki toro tooro a'mwo abolo ton anekwonpureyokweyo'mo subusu'nyogalo tov bwotonyo kumi'yago mujodumovlaiyokwerogano. Su toro tooravuro kooti yogalo abwo'ji toga jul'nyo kuunodo tov nomapinorogano. Su toro tooravuro ibwaso tonyuno kevu wako neya dou'nogaulo.” Kuudokaikono.
© 2022: Ethnos360 Sanford, Florida