KEJADIAN 10
10
Kenon-cenok Nuh
(1 Taw 1:5-23)
1Sam, Ham, ru Yafet ajeh kekenon Nuh. Telas ju beag entoi ajeh, rimnik liknai ajeh naikep kekenon. Adehloh senarei kenon-cenok enai:
Kenon-cenok Yafet
2Kekenon Yafet ajeh Gomer, Magog, Madai, Yawan, Tubal, Mesekh, ru Tiras. 3Kenon-cenok Gomer ajeh Askenas, Rifat, ru Togarma. 4Kenon-cenok Yawan ajeh Elisa, Tarsis, Kitim, ru Dodanim. 5Enai ajeh jenang rak sengoi-sengoi de gigei ku beg laot ru ku pulau-pulau. Jap-jap suku naigei ku tik liknai memaseg ru mong engrok liknai memaseg juga.
Kenon-cenok Ham
6Kekenon Ham ajeh Kus, Mesir, Put, ru Kanaan. 7Kenon-cenok Kus ajeh Seba, Hawila, Sabta, Raema, ru Sabtekha. Kenon-cenok Raema ajeh Syeba ru Dedan. 8Kus mong numom kenon keral imuh Nimrod. Kek ajeh sengoi petame de kuat ku dunia. 9Nimrod ajeh pemburu de beryas ku ngar Yahweh. Kerana ajehloh, mai naiurok, “Numom pemburu de beryas begei Nimrod.” 10Imemula kerajaan Nimrod temasok Babel, Erekh, Akad, ru Kalne. Dikdij ajeh ku kawasan Sinear. 11Ju kenjeh, Nimrod kiet nu lengrik Asyur lalu kibeh kote Niniwe, kote Rehobot-Ir, ru kote Kalah. 12Kek juga kibeh nanek kote de entoi imuh Resen de ku engkap kote Niniwe ru kote Kalah.
13Kenon-cenok Mesir ajeh mai Lidia, mai Anamim, mai Lehabim, mai Naftuhim, 14mai Patrusim, mai Kasluhim, ru mai Kaftorim. Mai Kasluhim ajeh jenang rak bangse mai Filistin.
15Kekenon Kanaan ajeh Sidon ru Het. Sidon ajeh ikenon sulog. 16Kanaan juga jenang rak nu mai Yebusi, mai Amori, mai Girgasi, 17mai Hewi, mai Arki, mai Sini, 18mai Arwadi, mai Semari, ru mai Hamati.
Kenon-cenok suku-suku mai Kanaan ajeh naiceraklah nyak. 19Sempadan kawasan mai Kanaan ajeh mula ju Sidon lei nu Gerar, Gaza, Sodom, Gomora, Adma, Zeboim, sehingge nu Lasa. 20Enai ajehloh kenon-cenok Ham. Jap-jap suku naigei ku tik liknai memaseg ru mong engrok liknai memaseg juga.
Kenon-cenok Sem
21Sem tenek Yafet juga kikep kekenon. Kek ajehloh jenang rak nu dikdij mai Eber. 22Kekenon Sem ajeh Elam, Asyur, Arpakhsad, Lud, ru Aram. 23Kenon-cenok Aram ajeh Us, Hul, Geter, ru Mas. 24Arpakhsad apak Selah, ru Selah apak Eber. 25Eber mong nar mom kenon keral. De petame imuh Peleg,#10:25 Peleg: Muh adeh imaksod, bebahagi. kerana ku jaman ajeh mai de naigei ku dunia naiceraklah. Kenon kedue imuh Yoktan. 26Kenon-cenok Yoktan ajehloh Almodad, Selef, Hazarmawet, Yerah, 27Hadoram, Uzal, Dikla, 28Obal, Abimael, Syeba, 29Ofir, Hawila, ru Yobab. Enai ajehloh kenon-cenok Yoktan. 30Sempadan kawasan de naigei ajeh mula ju Mesa lei nu Sefar. Sefar ajeh kawasan berlod-lod ku englag timur. 31Enai ajehloh kenon-cenok Sem. Jap-jap suku naigei ku tik liknai memaseg ru mong engrok liknai memaseg juga.
32Dikdij enai ajehloh kenon-cenok Nuh, naijoi suku ru kenon-cenok liknai memaseg. Telas ju beag entoi ajeh, dikdij sengoi ku dunia adeh kenon-cenok ju kekenon Nuh.
Currently Selected:
KEJADIAN 10: AEH
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.