KEJADIAN 9
9
Jenanji Jenang nu Nuh
1Jenang Kiberkat Nuh ru ikekenon, ru Kiurok nu enai, “Hodloh engkek bekenon-cenok supaye gujengoi enai naigei ku seluroh bumi. 2Dikdij binatag ces, dikdij cep ku langit, dikdij maklok de cekcip ku kemil tik, ru dikdij kak ku laot doh naisengoh ha engkek. Dikdij ajeh ku kateh kuasa engkek. 3Hunen dikdij ajeh doh naijadi caknak nu engkek. Eng Ngog dikdij ajeh nu engkek begei de ya Ngog ceknet-ceknet sebegei caknak. 4Had sej de lekat mong ibehip taleh de pek buleh engkecak kerana nyawe mong ku kateh behip. 5Eng doh Nghukom bok taleh de kekkot nyawe mai kilek. Amen binatag kiperdat sengoi, binatag ajeh hod kidat. Amen sengoi kiperdat ratak sengoi, kek pen hod biperdat juga. 6Eng ya Ngbeh sengoi serupa begei LiEng. Kerana ajeh, bok taleh de kiperdat sengoi, kek juga doh biperdat ya mai kilek.
7Engkek hodloh mong jeoi kenon-cenok supaye gujengoi naigei ku seluroh bumi.”
8Jenang Kiurok nij nu Nuh ru ikekenon, 9“Hunen Eng Ngbeh jenanji Eng ru engkek ru kenon-cenok engkek, 10ru dikdij sinui begei cep ru binatag daknek ru binatag de ces, dikdij de hol ju bahtere besama ru engkek juga. 11Adehloh jenanji Eng ru engkek: Dikdij sinui doh pek Ngpebinasa ya beag entoi nij. Beag entoi doh pek kibinasa bumi nij.” 12-13Jenang Kiurok juga, “Eng ya Ngdek cedau ku engkap sagop sebegei tanda jenanji lei ditehjeh antare Eng ru engkek ru dikdij sinui de besama ru engkek. Cedau ajehloh tanda jenanji Eng ru dunia. 14Jap kali Eng Ngtutop langit ya sagop ru cedau ajeh mong kihol, 15Eng doh Ngingat jenanji Eng nu engkek ru dikdij sinui. Beag entoi doh pek kibinasa dikdij sinui. 16Bile cedau ajeh mong ku langit, Eng doh Ngneng ru Ngteingat ha jenanji de kekal antare Eng ru dikdij sinui ku bumi adeh. 17Ajehloh tanda jenanji de kekal Ngbeh nu dikdij sinui ku kemil bumi.”
Nuh ru Ikekenon
18Kekenon Nuh de naihol ju bahtere ajeh Sem, Ham, ru Yafet. (Ham ajeh apak Kanaan.) 19Nik urag kenon Nuh ajehloh jenang rak dikdij sengoi ku dunia.
20Nuh kikerakjak ku selai ru kekloh sengoi de mula-mula kicet anggor. 21Ku nanek arik Nuh kingut iteu wain lalu kibel. Kek kiteg dij ileknog lalu kidak beres ku kateh ikemah. 22Bile Ham apak Kanaan kineng iapak kigei beres, kek kihol ru kipasal hal ajeh nu nar mom itenek. 23Telas ajeh Sem ru Yafet baicot nuhenglei jubah. Ubai lai jubah ajeh ku gelpal, lalu baicip ceklot ru baimuj nu kateh kemah ru ubai petilop apak liubai ya jubah ajeh. Ubai neng makgat supaye pek baibakek apak ubai ajeh kigei beres. 24Bile Nuh ya kisedar ju ibelnel ru kipanei ma de bibeh ya ikenon iloj ajeh, 25kek kiurok,
“Celakaloh Kanaan!
Kek doh kijadi hambe de paleng hina nu isesedara.
26Patehloh Yahweh Jenang Sem!
Kanaan doh kijadi hambe Sem.
27Semoge Jenang Kitambah berkat nu Yafet ru Kipeluas itempat ginei.
Semoge kenon-cenok Yafet naigei besama ru kenon-cenok Sem.
Kanaan doh kijadi hambe Yafet.”
28Telas ju beag entoi ajeh, Nuh kisui selame 350 tahut nij. 29Nuh kidat mase iumur 950 tahut.
Currently Selected:
KEJADIAN 9: AEH
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
KEJADIAN 9
9
Jenanji Jenang nu Nuh
1Jenang Kiberkat Nuh ru ikekenon, ru Kiurok nu enai, “Hodloh engkek bekenon-cenok supaye gujengoi enai naigei ku seluroh bumi. 2Dikdij binatag ces, dikdij cep ku langit, dikdij maklok de cekcip ku kemil tik, ru dikdij kak ku laot doh naisengoh ha engkek. Dikdij ajeh ku kateh kuasa engkek. 3Hunen dikdij ajeh doh naijadi caknak nu engkek. Eng Ngog dikdij ajeh nu engkek begei de ya Ngog ceknet-ceknet sebegei caknak. 4Had sej de lekat mong ibehip taleh de pek buleh engkecak kerana nyawe mong ku kateh behip. 5Eng doh Nghukom bok taleh de kekkot nyawe mai kilek. Amen binatag kiperdat sengoi, binatag ajeh hod kidat. Amen sengoi kiperdat ratak sengoi, kek pen hod biperdat juga. 6Eng ya Ngbeh sengoi serupa begei LiEng. Kerana ajeh, bok taleh de kiperdat sengoi, kek juga doh biperdat ya mai kilek.
7Engkek hodloh mong jeoi kenon-cenok supaye gujengoi naigei ku seluroh bumi.”
8Jenang Kiurok nij nu Nuh ru ikekenon, 9“Hunen Eng Ngbeh jenanji Eng ru engkek ru kenon-cenok engkek, 10ru dikdij sinui begei cep ru binatag daknek ru binatag de ces, dikdij de hol ju bahtere besama ru engkek juga. 11Adehloh jenanji Eng ru engkek: Dikdij sinui doh pek Ngpebinasa ya beag entoi nij. Beag entoi doh pek kibinasa bumi nij.” 12-13Jenang Kiurok juga, “Eng ya Ngdek cedau ku engkap sagop sebegei tanda jenanji lei ditehjeh antare Eng ru engkek ru dikdij sinui de besama ru engkek. Cedau ajehloh tanda jenanji Eng ru dunia. 14Jap kali Eng Ngtutop langit ya sagop ru cedau ajeh mong kihol, 15Eng doh Ngingat jenanji Eng nu engkek ru dikdij sinui. Beag entoi doh pek kibinasa dikdij sinui. 16Bile cedau ajeh mong ku langit, Eng doh Ngneng ru Ngteingat ha jenanji de kekal antare Eng ru dikdij sinui ku bumi adeh. 17Ajehloh tanda jenanji de kekal Ngbeh nu dikdij sinui ku kemil bumi.”
Nuh ru Ikekenon
18Kekenon Nuh de naihol ju bahtere ajeh Sem, Ham, ru Yafet. (Ham ajeh apak Kanaan.) 19Nik urag kenon Nuh ajehloh jenang rak dikdij sengoi ku dunia.
20Nuh kikerakjak ku selai ru kekloh sengoi de mula-mula kicet anggor. 21Ku nanek arik Nuh kingut iteu wain lalu kibel. Kek kiteg dij ileknog lalu kidak beres ku kateh ikemah. 22Bile Ham apak Kanaan kineng iapak kigei beres, kek kihol ru kipasal hal ajeh nu nar mom itenek. 23Telas ajeh Sem ru Yafet baicot nuhenglei jubah. Ubai lai jubah ajeh ku gelpal, lalu baicip ceklot ru baimuj nu kateh kemah ru ubai petilop apak liubai ya jubah ajeh. Ubai neng makgat supaye pek baibakek apak ubai ajeh kigei beres. 24Bile Nuh ya kisedar ju ibelnel ru kipanei ma de bibeh ya ikenon iloj ajeh, 25kek kiurok,
“Celakaloh Kanaan!
Kek doh kijadi hambe de paleng hina nu isesedara.
26Patehloh Yahweh Jenang Sem!
Kanaan doh kijadi hambe Sem.
27Semoge Jenang Kitambah berkat nu Yafet ru Kipeluas itempat ginei.
Semoge kenon-cenok Yafet naigei besama ru kenon-cenok Sem.
Kanaan doh kijadi hambe Yafet.”
28Telas ju beag entoi ajeh, Nuh kisui selame 350 tahut nij. 29Nuh kidat mase iumur 950 tahut.
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.