Salmos 14
14
Salmo 14
Ñayii ndee ini ma chi ñatuu ndánduku i Su'si ma
1Ñayii ñatuu kuiti ndása'a kuenda ma
chi jani ini i ja ñatuu na Su'si ma iyo.
Te ndaka ñayii yukan ma chi ka kuneé ka ku‑uun‑ni i,
te ndimaa ja u'vi ma‑ni ka sa'a i,
tna'a ja masu nde játna ini Su'si ma.
Te ni a in ñayii ñatuu sa'a ja va'a.
2Onde andivi ma nde'ya nde'ya‑ni Iya Tátnuni ma
nuu ka iyo sa'ya tata ñayii a,
sukan‑va'a nú iyo in ñayii ja ndása'a i kuenda
te ndánduku i Su'si ma.
3Kovaa ndi‑in ndi‑in i siin siin ichi ni ka tnii i,
te ka kuneé ka ku‑uun‑nka i.
Ñatuu na in sa'a ja va'a, va ni a in ñayii sa'a ja va'a,
vaa ni ka xndoo i ichi va'a ma.
4Ndaka i, ñatuu na nde ka ndasa'a maa i kuenda
ndaka ja u'vi ka sa'a i ma.
Vaa kuenda tnu'u ja ka jaa i in xtatila ma‑ni,
sukan‑ni kúu ora ka sa'a ndeva'a i ñayii ñuu ya ma,
vaa masu in ja yii‑ni kúu, ka jani ini i,
vaa ñayii masu ka yu'u Su'si o Iya Tátnuni ma ka kuu i.
5Kovaa jin ndayu'u xen‑xeen maa i ja jin kuni i,
vaa Su'si ma chi yika‑ni a
ndaka ñayii ka kandija ya ma‑ni iyo ji'in ya.
6Te ñayii ndákunitnuni ja jiniñu'u i Su'si ma,
ndáka'an‑so'o i nuu ñayii ñatuu ka kandija ya ma,
kovaa ñayii ñatuu kándija Su'si ma
chi jákundee i ñayii ndáka'an‑so'o nuu i ma,
te visi sukan ka sa'a i ma,
kovaa Iya Tátnuni ma chi jito vava'a ya
ñayii kándija ja ká'an ya ma.
7¡Nuna kava va'a ini maa Su'si ma,
te onde ñuu nuu iyo ya ma,
te sa'a ya ja na jin kaku ñayii ñuu Israel ma!
Kivi sa'a Iya Tátnuni ma ja ndaka ñayii ni ka jitenuu
te ni ka yo jinukuechi i in‑ka ñuu ma,
jin ndakokuiñi i ñuu maa i ma,
sani te jin ndusii ini ndaka sa'ya tata Jacob ma,
ja ka kuu i ñayii ñuu Israel ma.
Currently Selected:
Salmos 14: xtm
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2013, Wycliffe Bible Translators, Inc. All rights reserved.
Salmos 14
14
Salmo 14
Ñayii ndee ini ma chi ñatuu ndánduku i Su'si ma
1Ñayii ñatuu kuiti ndása'a kuenda ma
chi jani ini i ja ñatuu na Su'si ma iyo.
Te ndaka ñayii yukan ma chi ka kuneé ka ku‑uun‑ni i,
te ndimaa ja u'vi ma‑ni ka sa'a i,
tna'a ja masu nde játna ini Su'si ma.
Te ni a in ñayii ñatuu sa'a ja va'a.
2Onde andivi ma nde'ya nde'ya‑ni Iya Tátnuni ma
nuu ka iyo sa'ya tata ñayii a,
sukan‑va'a nú iyo in ñayii ja ndása'a i kuenda
te ndánduku i Su'si ma.
3Kovaa ndi‑in ndi‑in i siin siin ichi ni ka tnii i,
te ka kuneé ka ku‑uun‑nka i.
Ñatuu na in sa'a ja va'a, va ni a in ñayii sa'a ja va'a,
vaa ni ka xndoo i ichi va'a ma.
4Ndaka i, ñatuu na nde ka ndasa'a maa i kuenda
ndaka ja u'vi ka sa'a i ma.
Vaa kuenda tnu'u ja ka jaa i in xtatila ma‑ni,
sukan‑ni kúu ora ka sa'a ndeva'a i ñayii ñuu ya ma,
vaa masu in ja yii‑ni kúu, ka jani ini i,
vaa ñayii masu ka yu'u Su'si o Iya Tátnuni ma ka kuu i.
5Kovaa jin ndayu'u xen‑xeen maa i ja jin kuni i,
vaa Su'si ma chi yika‑ni a
ndaka ñayii ka kandija ya ma‑ni iyo ji'in ya.
6Te ñayii ndákunitnuni ja jiniñu'u i Su'si ma,
ndáka'an‑so'o i nuu ñayii ñatuu ka kandija ya ma,
kovaa ñayii ñatuu kándija Su'si ma
chi jákundee i ñayii ndáka'an‑so'o nuu i ma,
te visi sukan ka sa'a i ma,
kovaa Iya Tátnuni ma chi jito vava'a ya
ñayii kándija ja ká'an ya ma.
7¡Nuna kava va'a ini maa Su'si ma,
te onde ñuu nuu iyo ya ma,
te sa'a ya ja na jin kaku ñayii ñuu Israel ma!
Kivi sa'a Iya Tátnuni ma ja ndaka ñayii ni ka jitenuu
te ni ka yo jinukuechi i in‑ka ñuu ma,
jin ndakokuiñi i ñuu maa i ma,
sani te jin ndusii ini ndaka sa'ya tata Jacob ma,
ja ka kuu i ñayii ñuu Israel ma.
© 2013, Wycliffe Bible Translators, Inc. All rights reserved.