<div class="version vid1014 iso6393gfk" data-vid="1014" data-iso6393="gfk">
 <div class="book bkJHN">
 <div class="chapter ch8" data-usfm="JHN.8">
 <div class="label">8</div><div class="s1">Di ga lamus tar tiga hahin na hagaha tinolen ukatiga ho Jisas.</div><div class="p"> 1Iesen Jisas ga hanut uram tano uladih Olip. 2Ma ra mala bungbung ga hanuat baling uram narako tano tamat na hala na lotu, ma ira matanaiabar diet ga me hung luhutanei. Io, ga kis gaam tur leh bia na hausur diet. 3-4Ma ira tena harausur ta ira harkurai tane Moses ma ira Parisi diet ga lamus halaka tiga hahin di ga nes tupas leh ie ma ga noh tika taar ma tiga mes na tunaan, pai aunoi. Ma diet ga me hatur ie ra matmataan na haruat, diet gaam tange tane Jisas, &#8220;Tena harausur, iakan ra hahin di te haan tupas hakaloi ma i papet sakena ma tiga tunaan. 5Ma narakoman ta ira udahat harkurai Moses ga hartula bia da gulum bing ira mangana hahin hokaiken ma ra haat. Ma augu, nu tange hohe?&#8221; 6Io, diet ga tangtange huo wara hakuni ie waing diet naga haruat bia diet na kilam ie bia i gil tiga nironga.</div><div class="p">Iesen Jisas ga tudu, gaam hatahun pinapakat tano pise ma no kaskas na limana. 7Ing diet ga tirtiri at baak ie, ga kis tutur gaam tange ta diet, &#8220;Bia tikai ta muat taie aun ta magingin sakena, io, aie na lua na gulum iakan ra hahin ma tiga haat.&#8221; 8Ga tudu baling gaam pakpakat tano pise.</div><div class="p"> 9Ing diet ga hadade iakan, diet ga hatahun wara hinaan laah tikatikai. Ma ira nongtamat diet at mon kaik, diet ga huna lua laah ta ira mes tuk bia Jisas sen mon um ma no hahin nong ga tur taar kaia. 10Io, Jisas ga kis tutur gaam tiri ie bia, &#8220;Awai ra hahin, diet tuai um he? Hohe, taie tiga nong pai tibe bingbing ugu?&#8221;</div><div class="p"> 11No hahin ga babalu bia, &#8220;Taie tikai.&#8221;</div><div class="p">Jisas ga tange, &#8220;Iau mah, iau pa ni tule bingbing ugu. Kaia, nu haan, iesen waak baal u gil sakena.&#8221;]</div><div class="s1">No hinhinawas tane Jisas utana at i tutun.</div><div class="p"> 12Ing Jisas ga ianga balin taar ta ira matanaiabar ga tange, &#8220;Iau no lulungo tano ula hanuo. Sige tikai i mur iau pa na haan tano kankado iesen na hatur kawase no lulungo na nilon.&#8221;</div><div class="p"> 13Ing ga tange iakan ira Parisi diet ga tange tana, &#8220;Kaike u te hinhinawas baal at utaam. Iesen pai tur dadas ira num hinhinawas kanong augu sen mon u iangianga.&#8221;</div><div class="p"> 14Io, Jisas ga babalu bia, &#8220;Taie. Sukmaal bia iau hinhinawas balin at utagu, no nugu hinhinawas i tur dadas taar at. I tur dadas kanong iau nunure bia iau ga hanuat meh ma uhe ing iau ni haan ukaia. Iesen muat, muat pai nunure bia iau hananuat meh ma uhe ing iau ni haan ukaia. 15Muat la harharkurai ma ira numuat lilik mon mekai napu, iesen iau pai la kurkure tiga nong. 16Iesen bia nigi harkurai, ira nugu ula nianga gor tutun kanong pai iau sen. Mir tur tika taar ma Mama nong ga tule iau ukai. 17Ma narakoman ta ira numuat harkurai at, Moses ga pakat bia ing airuo dir haut pane tiga hinhinawas, io, iakano hinhinawas i tur dadas taar. 18Iau nong iau hinhinawas balin wara gaiegu, ma Mama nong ga tule iau ukai, aie iakano mes nong i hinhinawas mah wara gaiegu.&#8221;</div><div class="p"> 19Io, diet ga tiri ie bia, &#8220;Ie he no raam Sus?&#8221;</div><div class="p">Jisas ga babalu bia, &#8220;Muat pai nunure iau ma no agu Sus mah. Ing bia muat gor nunure iau, muat gor nunure mah no agu Sus.&#8221; 20Ga tange kaiken ra nianga ing ga harharausur aram narako tano tamat na hala na lotu hutet tano bunbulaan ta ira hartabar. Iesen taie tikai pa ga palim kawasei kanong no uno pakana bung pa ga hanuat baak.</div><div class="s1">Jisas ga palpalas bia aie meram naliu.</div><div class="p"> 21Io, Jisas ga tange habalin ta diet bia, &#8220;Iau ni haan laah ma muat na sisilih tagu. Iesen muat na maat ma ira numuat magingin sakena. Iesen no katon iau ni haan ukaia, pai tale muat bia muat na haan ukaia.&#8221;</div><div class="p"> 22Kaik ira Iudeia diet gaam hartiritiri hoken: &#8220;Hohe, na bing habaling dak at ie? Iakan dak no burena gi tange bia, &#8216;No katona iau ni haan ukaia, pai tale muat bia muat na haan ukaia?&#8217;&#8221;</div><div class="p"> 23Ma ga tange mah bia, &#8220;Muat mekai napu. Iau meram naliu. Muat mekai ta iakan ra ula hanuo. Iau pai mekai ta iakan ra ula hanuo. 24Kaik iau gaam tange ta muat bia muat na maat ma ira numuat magingin sakena. Bia ing muat pa na nurnur bia iau, iau at mon no lilona tunotuno, muat na maat at ma ira numuat magingin sakena.&#8221;</div><div class="p"> 25Diet ga tiri Jisas, &#8220;Sige ugu?&#8221;</div><div class="p">Jisas ga babalu bia, &#8220;Iakanong at mon iau bia tangtange leh um bia iau no lilona tunotuno. 26Iau mon haleng na nianga wara paspase tar ta muat wara kurkure muat. Iesen iau te hadade leh ira linge meram ta nong ga tule iau ukai ma aie i tutun. Ma kaike ra linge iau hinhinawase no ula hanuo ine.&#8221;</div><div class="p"> 27Iesen diet pa ga nunure kilam bia ga hinhinawase diet utano uno Mama. 28Io kaik, Jisas ga tange, &#8220;Muat na raun haut tar Nong a Tunotunoi. Ma ta iakano pakana bung muat na nunure um bia iau, iau at mon no lilona tunotuno, ma bia iau pai la gilgil tiga linge tano nugu lilik at. Taie. Iau la tangtange sen at mon ing ne Mama gate hausur tar iau ine. 29Nong ga tule iau, i kis taar at tagu ma pai haan sukun iau, kanong iau la gilgil haitne ira linge ing i haguama ie.&#8221; 30Ing ga tangtange kaiken, a haleng diet ga nurnur tana.</div><div class="s1">Ira tintalen tiga nong i hapuasne bia aie gar ne God bia aie no natine Sataan.</div><div class="p"> 31Io kaik, Jisas ga tange ta ira Iudeia ing diet gate nurnur tana hoken: &#8220;Bia ing muat palim dit ma muat mur ira nugu nianga, io, muat ira nugu bulu na harausur tutun. 32Ma muat na nunure ira tutun ta Mama, ma kaike ra tutun na palas ise ira winwisaan ke ho muat.&#8221;</div><div class="p"> 33Diet ga balui bia, &#8220;A bulumur tane Abraham mehet. Ma taie tikai pa gale wis kawase baak mehet bia mehet naga papalim menapu tana. Pai tahut bia u tange bia mehet na langalanga sukun ira winwisaan ta mehet. U tange huo warah?&#8221;</div><div class="p"> 34Jisas ga babalu hoken: &#8220;Muat hadade baak! Sige tiga nong i la gilgil ra sakena, ira uno magingin sakena i la wis kawase tar ie. 35No tultulai nong tiga hatatamaan na hagut ie wara gilgil ira dadas na pinapalim pa na kis hatika ma iakano hatatamaan. Iesen no natine no mama ta iakano hatatamaan na kis hatika. 36Kaik, bia ing no Natine nakananam na palas sare muat, io, muat na langalanga sukun tutun ira winwisaan ta muat. 37Iau nunure bia a bulumur tane Abraham muat. Iesen kana balik muat walwalar bia muat na bu bing iau kanong ira nugu nianga pai kis narakoman ta muat. 38Iau hinhinawase muat ta ira linge ing iau gate nes aram ra matmataan tano ragu Sus. Hoing at mon mah muat, muat gilgil ira linge ing muat gate hadade leh tano ramuat sus.&#8221;</div><div class="p"> 39Diet ga babalu, &#8220;Mehet kilam Abraham namehet sus kanong mehet ga tahuat tana.&#8221;</div><div class="p">Ma Jisas ga tange, &#8220;Bia ing a nati Abraham muat, muat gor gil ira linge Abraham git gilgil. 40Iesen kana balik, muat walwalar at baak bia muat na bu bing iau, iau no tunotuno nong i te hinawase muat uta ira tutun ta God iau ga hadade leh meram ho God. Iakan ra mangana linge Abraham pa ga gil ie. 41Iesen muat gilgil no pinapalim tano ramuat Sus at.&#8221;</div><div class="p">Diet ga tange tana bia, &#8220;Pai nat na ngaas mehet. No ramehet sus sen at mon ne God.&#8221;</div><div class="p"> 42Jisas ga tange ta diet, &#8220;Ing bia amuat Sus ne God, muat gor sip iau kanong iau ga hanuat meram ho God ma kaiken iau ken. Iau pa ga hanuat tano nugu lilik mon. Taie. Aie ga tule iau. 43Wara bih bia muat pai palai ta ing iau tangtange? No burena hoken. Muat pai tale bia muat na hadade no ingana hagu. 44Muat ira natine no amuat sus, Sataan, ma muat sip bia muat na gil haruatne ira sinisip tano ramuat sus. Menalua laah at tano hakhakisi a ut na harubu bingibing biai. Ma pai nunure ira tutun ta God kanong taie ta tutun tana. Ing i la harharabota uta God i la iangianga haruat ma no magirana at kanong a ut na harabota ie ma aie mah no matana ira hinarabota. 45Iesen iau balik, iau hinhinawas uta ira tutun ta God. Ma iakano no burena bia muat pai nurnur ta ira nugu nianga. 46Sige ta muat i haruat bia na kilam iau bia iau gil ra sakena ma na tale mah bia na hatutun iakano uno hartung? Pai tale muat! Gor tahut bia muat na nurnur ta ira nugu nianga kanong ira tutun ta God kaiken iau tangtange. 47Sige nong gar ta God ie, i hanhadade ira nianga tane God. Ma no burena bia muat pai hadade kaike ira nianga i hoken. Pai tunotuno tane God muat.&#8221;</div><div class="s1">Jisas ga palas bia ga lon menalua ta Abraham, kaik i haruat ma God.</div><div class="p"> 48Ira Iudeia diet ga balu ie, &#8220;Aha! I nanaas bia a tutun at ing mehet tangtange bia augu tikai ta ira sakana Samaria ma bia a sakana tanuo i te sasoha taar taam.&#8221;</div><div class="p"> 49Ma Jisas ga babalu hoken: &#8220;Taie tiga sakana tanuo i sasoha taar tagu. Iesen iau hatamat no agu Sus, ma muat, muat nes hasur iau. 50Iau pai wara rauraun habalin at no hinsagu. Iesen tikai nong i wara gilgil huo ma aie no ut na harkurai. 51Muat hadade baak! Ing bia tikai i palim dit ma i mur ira nugu harausur, pa na maat.&#8221;</div><div class="p"> 52Ma bia ira Iudeia diet ga hadade kaas tar iakan, diet ga tange hoken: &#8220;Kaiken tun balik um mehet te nunure bia tiga sakana tanuo i sasoha taar taam. Abraham ga maat, ma diet mah ira tangesot. Iesen kana balik u tangtange bia sige tikai i palim dit ma i mur no num harausur, pa na maat. 53Taie tun at! Pau tamat tano hintubu dahat Abraham! Aie ga maat ma ira tangesot mah. U lik bia sige ugu kaik gu tange huo?&#8221;</div><div class="p"> 54Jisas ga babalu bia, &#8220;Bia iau ni raun habalin at no hinsagu, a linge bia mon ie. No ragu Sus nong muat tange bia anumuat God ie, aie nong i raun no hinsagu. 55Muat pai hanunure ie iesen iau nunure tar ie. Bia ing iau ni tange bia iau pai nunure ie, io, iau tiga ut na harabota hoing muat. Iesen iau nunure tar at ie ma iau palim dit leh ma iau murmur ira uno nianga. 56No ramuat sus Abraham ga laro kanong ga nunure bia na nes no nugu pakana bung. Io, ga nes ie ma ga kanakana.&#8221;</div><div class="p"> 57Ma diet ira Iudeia diet ga tange tana, &#8220;Hohe bia u tange bia u te nes Abraham? Ma pai liman na sangahul baak ira num tinahon!&#8221;</div><div class="p"> 58Ma Jisas ga babalu bia, &#8220;Muat hadade baak! Pa di ga kaha baak Abraham, ma iau no lilona tunotuno, iau at mon kana.&#8221;</div><div class="p"> 59Ma bia diet ga hadade huo diet ga ru haat laah wara gulgulum ie iesen Jisas ga mun ta diet gaam haan laah mekaia tano tamat na hala na lotu.</div>
 </div>
 </div>
</div>

Iesen Jisas ga hanut uram tano uladih Olip. Ma ra mala bungbung ga hanuat baling uram narako tano tamat na hala na lotu, ma ira matanaiabar diet ga me hung luhutanei. Io, ga kis gaam tur leh bia na hausur diet. Ma ira tena harausur ta ira harkurai tane Moses ma ira Parisi diet ga lamus halaka tiga hahin di ga nes tupas leh ie ma ga noh tika taar ma tiga mes na tunaan, pai aunoi. Ma diet ga me hatur ie ra matmataan na haruat, diet gaam tange tane Jisas, “Tena harausur, iakan ra hahin di te haan tupas hakaloi ma i papet sakena ma tiga tunaan. Ma narakoman ta ira udahat harkurai Moses ga hartula bia da gulum bing ira mangana hahin hokaiken ma ra haat. Ma augu, nu tange hohe?” Io, diet ga tangtange huo wara hakuni ie waing diet naga haruat bia diet na kilam ie bia i gil tiga nironga.
Iesen Jisas ga tudu, gaam hatahun pinapakat tano pise ma no kaskas na limana. Ing diet ga tirtiri at baak ie, ga kis tutur gaam tange ta diet, “Bia tikai ta muat taie aun ta magingin sakena, io, aie na lua na gulum iakan ra hahin ma tiga haat.” Ga tudu baling gaam pakpakat tano pise.
Ing diet ga hadade iakan, diet ga hatahun wara hinaan laah tikatikai. Ma ira nongtamat diet at mon kaik, diet ga huna lua laah ta ira mes tuk bia Jisas sen mon um ma no hahin nong ga tur taar kaia. Io, Jisas ga kis tutur gaam tiri ie bia, “Awai ra hahin, diet tuai um he? Hohe, taie tiga nong pai tibe bingbing ugu?”
No hahin ga babalu bia, “Taie tikai.”
Jisas ga tange, “Iau mah, iau pa ni tule bingbing ugu. Kaia, nu haan, iesen waak baal u gil sakena.”]

Ing Jisas ga ianga balin taar ta ira matanaiabar ga tange, “Iau no lulungo tano ula hanuo. Sige tikai i mur iau pa na haan tano kankado iesen na hatur kawase no lulungo na nilon.”
Ing ga tange iakan ira Parisi diet ga tange tana, “Kaike u te hinhinawas baal at utaam. Iesen pai tur dadas ira num hinhinawas kanong augu sen mon u iangianga.”
Io, Jisas ga babalu bia, “Taie. Sukmaal bia iau hinhinawas balin at utagu, no nugu hinhinawas i tur dadas taar at. I tur dadas kanong iau nunure bia iau ga hanuat meh ma uhe ing iau ni haan ukaia. Iesen muat, muat pai nunure bia iau hananuat meh ma uhe ing iau ni haan ukaia. Muat la harharkurai ma ira numuat lilik mon mekai napu, iesen iau pai la kurkure tiga nong. Iesen bia nigi harkurai, ira nugu ula nianga gor tutun kanong pai iau sen. Mir tur tika taar ma Mama nong ga tule iau ukai. Ma narakoman ta ira numuat harkurai at, Moses ga pakat bia ing airuo dir haut pane tiga hinhinawas, io, iakano hinhinawas i tur dadas taar. Iau nong iau hinhinawas balin wara gaiegu, ma Mama nong ga tule iau ukai, aie iakano mes nong i hinhinawas mah wara gaiegu.”
Io, diet ga tiri ie bia, “Ie he no raam Sus?”
Jisas ga babalu bia, “Muat pai nunure iau ma no agu Sus mah. Ing bia muat gor nunure iau, muat gor nunure mah no agu Sus.” Ga tange kaiken ra nianga ing ga harharausur aram narako tano tamat na hala na lotu hutet tano bunbulaan ta ira hartabar. Iesen taie tikai pa ga palim kawasei kanong no uno pakana bung pa ga hanuat baak.

Io, Jisas ga tange habalin ta diet bia, “Iau ni haan laah ma muat na sisilih tagu. Iesen muat na maat ma ira numuat magingin sakena. Iesen no katon iau ni haan ukaia, pai tale muat bia muat na haan ukaia.”
Kaik ira Iudeia diet gaam hartiritiri hoken: “Hohe, na bing habaling dak at ie? Iakan dak no burena gi tange bia, ‘No katona iau ni haan ukaia, pai tale muat bia muat na haan ukaia?’”
Ma ga tange mah bia, “Muat mekai napu. Iau meram naliu. Muat mekai ta iakan ra ula hanuo. Iau pai mekai ta iakan ra ula hanuo. Kaik iau gaam tange ta muat bia muat na maat ma ira numuat magingin sakena. Bia ing muat pa na nurnur bia iau, iau at mon no lilona tunotuno, muat na maat at ma ira numuat magingin sakena.”
Diet ga tiri Jisas, “Sige ugu?”
Jisas ga babalu bia, “Iakanong at mon iau bia tangtange leh um bia iau no lilona tunotuno. Iau mon haleng na nianga wara paspase tar ta muat wara kurkure muat. Iesen iau te hadade leh ira linge meram ta nong ga tule iau ukai ma aie i tutun. Ma kaike ra linge iau hinhinawase no ula hanuo ine.”
Iesen diet pa ga nunure kilam bia ga hinhinawase diet utano uno Mama. Io kaik, Jisas ga tange, “Muat na raun haut tar Nong a Tunotunoi. Ma ta iakano pakana bung muat na nunure um bia iau, iau at mon no lilona tunotuno, ma bia iau pai la gilgil tiga linge tano nugu lilik at. Taie. Iau la tangtange sen at mon ing ne Mama gate hausur tar iau ine. Nong ga tule iau, i kis taar at tagu ma pai haan sukun iau, kanong iau la gilgil haitne ira linge ing i haguama ie.” Ing ga tangtange kaiken, a haleng diet ga nurnur tana.

Io kaik, Jisas ga tange ta ira Iudeia ing diet gate nurnur tana hoken: “Bia ing muat palim dit ma muat mur ira nugu nianga, io, muat ira nugu bulu na harausur tutun. Ma muat na nunure ira tutun ta Mama, ma kaike ra tutun na palas ise ira winwisaan ke ho muat.”
Diet ga balui bia, “A bulumur tane Abraham mehet. Ma taie tikai pa gale wis kawase baak mehet bia mehet naga papalim menapu tana. Pai tahut bia u tange bia mehet na langalanga sukun ira winwisaan ta mehet. U tange huo warah?”
Jisas ga babalu hoken: “Muat hadade baak! Sige tiga nong i la gilgil ra sakena, ira uno magingin sakena i la wis kawase tar ie. No tultulai nong tiga hatatamaan na hagut ie wara gilgil ira dadas na pinapalim pa na kis hatika ma iakano hatatamaan. Iesen no natine no mama ta iakano hatatamaan na kis hatika. Kaik, bia ing no Natine nakananam na palas sare muat, io, muat na langalanga sukun tutun ira winwisaan ta muat. Iau nunure bia a bulumur tane Abraham muat. Iesen kana balik muat walwalar bia muat na bu bing iau kanong ira nugu nianga pai kis narakoman ta muat. Iau hinhinawase muat ta ira linge ing iau gate nes aram ra matmataan tano ragu Sus. Hoing at mon mah muat, muat gilgil ira linge ing muat gate hadade leh tano ramuat sus.”
Diet ga babalu, “Mehet kilam Abraham namehet sus kanong mehet ga tahuat tana.”
Ma Jisas ga tange, “Bia ing a nati Abraham muat, muat gor gil ira linge Abraham git gilgil. Iesen kana balik, muat walwalar at baak bia muat na bu bing iau, iau no tunotuno nong i te hinawase muat uta ira tutun ta God iau ga hadade leh meram ho God. Iakan ra mangana linge Abraham pa ga gil ie. Iesen muat gilgil no pinapalim tano ramuat Sus at.”
Diet ga tange tana bia, “Pai nat na ngaas mehet. No ramehet sus sen at mon ne God.”
Jisas ga tange ta diet, “Ing bia amuat Sus ne God, muat gor sip iau kanong iau ga hanuat meram ho God ma kaiken iau ken. Iau pa ga hanuat tano nugu lilik mon. Taie. Aie ga tule iau. Wara bih bia muat pai palai ta ing iau tangtange? No burena hoken. Muat pai tale bia muat na hadade no ingana hagu. Muat ira natine no amuat sus, Sataan, ma muat sip bia muat na gil haruatne ira sinisip tano ramuat sus. Menalua laah at tano hakhakisi a ut na harubu bingibing biai. Ma pai nunure ira tutun ta God kanong taie ta tutun tana. Ing i la harharabota uta God i la iangianga haruat ma no magirana at kanong a ut na harabota ie ma aie mah no matana ira hinarabota. Iesen iau balik, iau hinhinawas uta ira tutun ta God. Ma iakano no burena bia muat pai nurnur ta ira nugu nianga. Sige ta muat i haruat bia na kilam iau bia iau gil ra sakena ma na tale mah bia na hatutun iakano uno hartung? Pai tale muat! Gor tahut bia muat na nurnur ta ira nugu nianga kanong ira tutun ta God kaiken iau tangtange. Sige nong gar ta God ie, i hanhadade ira nianga tane God. Ma no burena bia muat pai hadade kaike ira nianga i hoken. Pai tunotuno tane God muat.”

Ira Iudeia diet ga balu ie, “Aha! I nanaas bia a tutun at ing mehet tangtange bia augu tikai ta ira sakana Samaria ma bia a sakana tanuo i te sasoha taar taam.”
Ma Jisas ga babalu hoken: “Taie tiga sakana tanuo i sasoha taar tagu. Iesen iau hatamat no agu Sus, ma muat, muat nes hasur iau. Iau pai wara rauraun habalin at no hinsagu. Iesen tikai nong i wara gilgil huo ma aie no ut na harkurai. Muat hadade baak! Ing bia tikai i palim dit ma i mur ira nugu harausur, pa na maat.”
Ma bia ira Iudeia diet ga hadade kaas tar iakan, diet ga tange hoken: “Kaiken tun balik um mehet te nunure bia tiga sakana tanuo i sasoha taar taam. Abraham ga maat, ma diet mah ira tangesot. Iesen kana balik u tangtange bia sige tikai i palim dit ma i mur no num harausur, pa na maat. Taie tun at! Pau tamat tano hintubu dahat Abraham! Aie ga maat ma ira tangesot mah. U lik bia sige ugu kaik gu tange huo?”
Jisas ga babalu bia, “Bia iau ni raun habalin at no hinsagu, a linge bia mon ie. No ragu Sus nong muat tange bia anumuat God ie, aie nong i raun no hinsagu. Muat pai hanunure ie iesen iau nunure tar ie. Bia ing iau ni tange bia iau pai nunure ie, io, iau tiga ut na harabota hoing muat. Iesen iau nunure tar at ie ma iau palim dit leh ma iau murmur ira uno nianga. No ramuat sus Abraham ga laro kanong ga nunure bia na nes no nugu pakana bung. Io, ga nes ie ma ga kanakana.”
Ma diet ira Iudeia diet ga tange tana, “Hohe bia u tange bia u te nes Abraham? Ma pai liman na sangahul baak ira num tinahon!”
Ma Jisas ga babalu bia, “Muat hadade baak! Pa di ga kaha baak Abraham, ma iau no lilona tunotuno, iau at mon kana.”
Ma bia diet ga hadade huo diet ga ru haat laah wara gulgulum ie iesen Jisas ga mun ta diet gaam haan laah mekaia tano tamat na hala na lotu.

استمع إلى Jon 8