Jola Kasa - 2008 Edition (NT)

<div class="version vid1549 iso6393csk" data-vid="1549" data-iso6393="csk">
 <div class="book bkMAT">
 <div class="chapter ch7" data-usfm="MAT.7">
 <div class="label">7</div><div class="s">Jakum jitiib an</div><div class="r">(L&#237;k 6:37-38, 41-42)</div><div class="p"> 1&#8212; Jakum jitiib an, jakum bil Ateemit atiibuul. 2Mata Ateemit fan atiibuul loon jitiibemuu kaabuku. Kaliikumaku kan bukuluul humumuul ji&#331;alemuu min jiliik bukanabuku, ko foof Ateemit ammuu li abil a&#331;a&#8217; min aliikuul. 3Waa wommuu &#250;ji li ujuk kakaawaku kammuu li j&#237;kilaju jata atuyi, ban ujukut kawunkaku kammuu li j&#237;kilaju jooli? 4Mantee foof buu luyilo oon atuyi: &#171;Ukobom min &#237;fulen kakaawaku kammuu li j&#237;kilaju jooli,&#187; ban awu kawunk li koono li j&#237;kilaju jiya? 5B&#250;hoolowabe! Ujand &#250;fulen kawunkaku kammuu li j&#237;kilaju jooli ubanumuu, fan ukit ujuk jak min uyili &#250;fulen kakaawaku kammuu li j&#237;kilaju jata atuyi.</div><div class="p"> 6&#171;Jakum jisen wah wa&#241;awo bukanabuku kajakutumuu, kanokoomuu loon sijangi, jakum bil k&#250;laa&#241;ul kukaanuul majakut. Jakum foof ji&#331;a&#8217; usisawu wooluul jitahen bukanabuku kanokoomuu loon sifulugunasu, jakum bil k&#250;kakul wo.</div><div class="s">Jil&#805;awumuu wah fan jibaj wo</div><div class="r">(L&#237;k 11:9-13)</div><div class="p"> 7&#8212; Jil&#805;awumuu, fan kusenuul. Ji&#331;esumuu, fan jijuk. Jikonkongenumuu, fan k&#250;babuluul. 8Mata an al&#805;awumuu wah, fan abaj wo. An a&#331;esumuu wah, fan ajuk wo, ban an akonkongenumuu fan k&#250;babulool. 9Ayi li bukuluul aate asen a&#241;oolool huyitik, akila bal&#805;awelool h&#250;mbuulu? 10Mantee foof al&#805;awoolumuu jiwol, li asenool enuukayila? 11Fan bukuluul jajakutumuu jihaase kasen wah wajake ku&#241;ooluul, kama h&#225;&#331;um Atuubawuul ammuu haatiya. Fan asen wah wajake bukanabuku kammuu kul&#805;awool wo!</div><div class="p"> 12&#171;Wahoowah feh wan jifa&#241;e min bukanabuku kukaan boot li bukuluul, jikaan wo bukuluul humumuul foof boot li buko. Mata wahawu unwu eluwaayi li kulob mo foof.</div><div class="s">B&#250;tinabu bajakumuu</div><div class="r">(L&#237;k 13:24)</div><div class="p"> 13&#8212; J&#237;nokenum li k&#225;mbiilaku kahogumuu; mata bukanabuku k&#225;nokenummuu li k&#225;mbiilaku kawu&#331;umuu kumbuku li b&#250;tinabu bata eketayi. Bukan kamee&#331;e li bo k&#250;jowume. 14Bale k&#225;mbiilaku kata bulo&#331;abu, kuhohhog. B&#250;tinabu foof bata bulo&#331;abu b&#250;sengisengi &#233;jowum. Bukanabuku kajukumuu b&#250;tinabu umbu bata bulo&#331;abu kumee&#331;ut.</div><div class="s">Bunuunuken li ebukoolumool l&#225;haasumeyi</div><div class="r">(L&#237;k 6:43-44)</div><div class="p"> 15&#8212; J&#237;kaanum bukanabuku kaanemuu efulofet koom ban let mal&#805;egen. K&#250;lohuluulumuu, li kukaan loon buko bukan kajake, ban k&#225;ta l&#225;alayiil, sijangibujal salume. 16Fan j&#237;haasumiil li bakaanelabu booliil. An let &#225;bajul k&#250;ul&#805; li anuunuken ata &#250;jenkuun. An let &#225;bajul foof kul&#805;el&#805;u li b&#250;bilik. 17M&#243; m&#250;jimuu bunuunuken bajake, fan bubaj ebukoolum yajake. Bunuunuken bajakut, fan bubaj ebukoolum yajakut. 18Mata bunuunuken bajake, buyilaat bubaj ebukoolum yajakut. Bunuunuken bajakut foof, buyilaat bubaj ebukoolum yajake. 19Ban foof bunuunuken banooban, b&#225;bukeliit ebukoolum yajake, fan bufaleni beten li sambun. 20M&#243; m&#250;jimuu, fan j&#237;haasum bukanabuku k&#225;malemuu koon efulofet koom li bakaaneliil.</div><div class="s">K&#250;goomaku kata mal&#805;egen kata Y&#233;esu</div><div class="r">(L&#237;k 13:25-27)</div><div class="p"> 21&#8212; Inti bukanabuku feh kaanewommuu: &#171;Amaa&#331;en, Amaa&#331;en&#187;, k&#243;omi li kunoken li J&#225;yiiyaju jata Ateemit. Bale bukanabuku kakaanemuu loon hulimahu hata Atuubawom hulobumuu, buko kommuu li kunoken li J&#225;yiiyaju jata Ateemit. 22Li hunakahu hata batiibabu, bukan kamee&#331;e fan koonom: &#171;Amaa&#331;en, Amaa&#331;en&#187;, kama inti li kajawaku kooli, j&#237;lobummu kulimaku kata Ateemit? Inti li kajawaku kooli, j&#237;kesoolummuu uyinumawu wajakutaawu? Inti foof li kajawaku kooli, j&#237;kaanummuu wah w&#225;jaahaleniye? 23No unnu, fan ilobiil b&#250;joo&#331;oo eeniil: &#171;ihaasutuul maayeet. Jiyinno t&#233;etiwom, bukuluul j&#225;jakaati mu&#241;owu!&#187;</div><div class="s">Siluufasu s&#237;l&#805;ubaasu</div><div class="r">(L&#237;k 6:47-49)</div><div class="p"> 24&#8212; M&#243; m&#250;jimuu, an ajamumuu kulimaku k&#250;mbaam unku, ban li akaan loon ilobumuu, lanokoonokoo li an &#225;jallowe, ateefe eluufayi yoola tin l&#805;aal&#805;e. 25Nan emitayi &#233;laalulumuu mal m&#225;amak, utunkawu li ufaasoo, b&#250;lusabu li b&#250;tekul boot d&#243; li eluufayi, elowut mata, eteefiteef tin l&#805;aal&#805;e. 26Bale an ajamumuu kulimaku k&#250;mbaam, ban akaanut loon ilobumuu, anawu ummu lanokoonokoo li an &#225;baamowe, ateefe eluufayi yoola li mul&#805;uyis. 27Nan emitayi &#233;laalulumuu mal m&#225;amak, utunkawu li ufaasoo, b&#250;lusabu li b&#250;tekul boot d&#243; li eluufayi, li elo ehumo feh.</div><div class="p"> 28Mu&#241;e&#712;e nan Y&#233;esu alobumuu kulimaku unku ajow aban, &#233;sukayi li esego feh, mata kulimaku kan aliikeniilumuu k&#250;ji. 29Mata Y&#233;esu lanaanaak aliikeniil kulimaku unku li kakaa&#241;en d&#243;, b&#250;ti li bukanabuku kaliikenemuu &#233;sukayi eluwaayi yata M&#243;yiis.</div>
 </div>
 </div>
</div>

— Jakum jitiib an, jakum bil Ateemit atiibuul. Mata Ateemit fan atiibuul loon jitiibemuu kaabuku. Kaliikumaku kan bukuluul humumuul jiŋalemuu min jiliik bukanabuku, ko foof Ateemit ammuu li abil aŋa’ min aliikuul. Waa wommuu úji li ujuk kakaawaku kammuu li jíkilaju jata atuyi, ban ujukut kawunkaku kammuu li jíkilaju jooli? Mantee foof buu luyilo oon atuyi: «Ukobom min ífulen kakaawaku kammuu li jíkilaju jooli,» ban awu kawunk li koono li jíkilaju jiya? Búhoolowabe! Ujand úfulen kawunkaku kammuu li jíkilaju jooli ubanumuu, fan ukit ujuk jak min uyili úfulen kakaawaku kammuu li jíkilaju jata atuyi.
«Jakum jisen wah wañawo bukanabuku kajakutumuu, kanokoomuu loon sijangi, jakum bil kúlaañul kukaanuul majakut. Jakum foof jiŋa’ usisawu wooluul jitahen bukanabuku kanokoomuu loon sifulugunasu, jakum bil kúkakul wo.


— Jil̥awumuu, fan kusenuul. Jiŋesumuu, fan jijuk. Jikonkongenumuu, fan kúbabuluul. Mata an al̥awumuu wah, fan abaj wo. An aŋesumuu wah, fan ajuk wo, ban an akonkongenumuu fan kúbabulool. Ayi li bukuluul aate asen añoolool huyitik, akila bal̥awelool húmbuulu? Mantee foof al̥awoolumuu jiwol, li asenool enuukayila? Fan bukuluul jajakutumuu jihaase kasen wah wajake kuñooluul, kama háŋum Atuubawuul ammuu haatiya. Fan asen wah wajake bukanabuku kammuu kul̥awool wo!
«Wahoowah feh wan jifañe min bukanabuku kukaan boot li bukuluul, jikaan wo bukuluul humumuul foof boot li buko. Mata wahawu unwu eluwaayi li kulob mo foof.


— Jínokenum li kámbiilaku kahogumuu; mata bukanabuku kánokenummuu li kámbiilaku kawuŋumuu kumbuku li bútinabu bata eketayi. Bukan kameeŋe li bo kújowume. Bale kámbiilaku kata buloŋabu, kuhohhog. Bútinabu foof bata buloŋabu búsengisengi éjowum. Bukanabuku kajukumuu bútinabu umbu bata buloŋabu kumeeŋut.


— Jíkaanum bukanabuku kaanemuu efulofet koom ban let mal̥egen. Kúlohuluulumuu, li kukaan loon buko bukan kajake, ban káta láalayiil, sijangibujal salume. Fan jíhaasumiil li bakaanelabu booliil. An let ábajul kúul̥ li anuunuken ata újenkuun. An let ábajul foof kul̥el̥u li búbilik. Mó mújimuu bunuunuken bajake, fan bubaj ebukoolum yajake. Bunuunuken bajakut, fan bubaj ebukoolum yajakut. Mata bunuunuken bajake, buyilaat bubaj ebukoolum yajakut. Bunuunuken bajakut foof, buyilaat bubaj ebukoolum yajake. Ban foof bunuunuken banooban, bábukeliit ebukoolum yajake, fan bufaleni beten li sambun. Mó mújimuu, fan jíhaasum bukanabuku kámalemuu koon efulofet koom li bakaaneliil.


— Inti bukanabuku feh kaanewommuu: «Amaaŋen, Amaaŋen», kóomi li kunoken li Jáyiiyaju jata Ateemit. Bale bukanabuku kakaanemuu loon hulimahu hata Atuubawom hulobumuu, buko kommuu li kunoken li Jáyiiyaju jata Ateemit. Li hunakahu hata batiibabu, bukan kameeŋe fan koonom: «Amaaŋen, Amaaŋen», kama inti li kajawaku kooli, jílobummu kulimaku kata Ateemit? Inti li kajawaku kooli, jíkesoolummuu uyinumawu wajakutaawu? Inti foof li kajawaku kooli, jíkaanummuu wah wájaahaleniye? No unnu, fan ilobiil bújooŋoo eeniil: «ihaasutuul maayeet. Jiyinno téetiwom, bukuluul jájakaati muñowu!»


— Mó mújimuu, an ajamumuu kulimaku kúmbaam unku, ban li akaan loon ilobumuu, lanokoonokoo li an ájallowe, ateefe eluufayi yoola tin l̥aal̥e. Nan emitayi élaalulumuu mal máamak, utunkawu li ufaasoo, búlusabu li bútekul boot dó li eluufayi, elowut mata, eteefiteef tin l̥aal̥e. Bale an ajamumuu kulimaku kúmbaam, ban akaanut loon ilobumuu, anawu ummu lanokoonokoo li an ábaamowe, ateefe eluufayi yoola li mul̥uyis. Nan emitayi élaalulumuu mal máamak, utunkawu li ufaasoo, búlusabu li bútekul boot dó li eluufayi, li elo ehumo feh.
Muñeˈe nan Yéesu alobumuu kulimaku unku ajow aban, ésukayi li esego feh, mata kulimaku kan aliikeniilumuu kúji. Mata Yéesu lanaanaak aliikeniil kulimaku unku li kakaañen dó, búti li bukanabuku kaliikenemuu ésukayi eluwaayi yata Móyiis.

استمع إلى Máciya 7