Borôro: Pao Kurireu Bataru Kurireu; O Novo Testamento (New Testament)

Pao Kurireu Bataru Kurireu; O Novo Testamento

<div class="version vid2518 iso6393bor" data-vid="2518" data-iso6393="bor">
 <div class="book bkLUK">
 <div class="chapter ch20" data-usfm="LUK.20">
 <div class="label">20</div><div class="s">Boe Enarare Jesusji Ioguduba Koiare Ure Turaga Maku Ai</div><div class="p"> 1Ia meri keje Jesus rakojere Pao Kurireu uwai tada tuwo boe erduwado Pao Kurireu bataru pemegareuji tuwo boe emeartorudo pudui. Nou ure Judeu doge enomea maku Pao Kurireu aiwuge eimijerage, nou jorduware Judeu doge eno bakaru jiwuge eimijerage, nouia Judeu doge eimijerage etaregodure Jesus ae. 2Emagore Jesusji. Egore: &#8211; Amagodo &#269;ei. Ioguduba koiare ure turaga maku akai aro rakawo aino?</div><div class="p"> 3-4Jesus akore: &#8211; Imi jamedu inaramode tai. Ioguduba ure Jo&#227;o Batista udo boe etao pegodo? Pao Kurireu koia kana? Ia boe koia kana?</div><div class="p"> 5Mare nou boe eimijerage erduwakare tumagowo Jesus bataru jipagi. Dukodire emagore pui nuba tagomode Jesus bataru jipagi. Egore: &#8211; Pagagomode Pao Kurireu koiaie ure Jo&#227;o Batista udo boe etao pegodo mare pameartorukare nou inoduji. Awu Jesus jorduware pameartorukare nou inodu jituji. Du inodu tabo pagagomode aino dukeje Jesus umode pabogurudo. Akomode: &#8220;Kodiba tameartorukare ji?&#8221; Ainore akomode pai. 6Mare pagagomode boe eigoiaie dukeje awu woewu boe ekorigodumode pai rugadu. Boe eiamedu boe emeartorure Jo&#227;o Batista makore Pao Kurireu bataruji kodi. Egore Pao Kurireu koiaie ure Jo&#227;o Batista udo boe etao pegodo rugadu. Du inodu tabo ekorigodumode pai. Eidomode tori tabo pai tuwo pawido rugadu.</div><div class="p"> 7Dukodire nou boe eimijerage emagore Jesusji. Egore: &#8211; &#268;erduwakare ioguduba ure Jo&#227;o Batista udo boe etao pegodo.</div><div class="p"> 8Nono Jesus makore ei. Akore: &#8211; Tamagokare iwadaru jipagi dukodire imagomodukare ioguduba ure itarego mato jamedu.</div><div class="s">Boe Etu Pemegawo Boepaji</div><div class="p"> 9Nono Jesus makore ia bakaruji nou boe ewiagai tuwo jebato toro Pao Kurireu meardae ka. Akore: &#8211; Ia imedu ure uva tugu to boepato. Nono ure tugeragu ia boei tuwo etudo nou to boepaji emaragoduwo ji. Nono nou ore boepa &#269;ewu uture epiji tugiriaduwo. Boe raire ji nou tugiriadu tabo. 10Nou boepa tadawu uva kurodumode kejewu ari puredugodure pudui dukeje nou ore boepa &#269;ewu ure ia tudugare utudo toro nou jeture to boepa jiwuge etae nou tugiriadure jiwu moto piji. Ure nou tudugare utudo uwo tugeragu nou makudumode pudaiwu boeji. Nou jeture nou boepa jiwuge emode uva rugadu kado dukeje emode ia kado puiato nou ore boepa &#269;ewu imedu ai. &#268;a nou utugare aregodure nou boepa ka. Mare nou jeture boepa jiwuge etaidukare tuwo uva kado puiato pugeje nou ore boepa &#269;ewu ai. Dukodire ere tugeragu nou imedu utugareji. Ere boeto ji. Ere utudo tuibagi tugera kedo tabo. 11Dukeje nou ore boepa &#269;ewu ure ia tudugare utudo etae toro pugeje. Mare nou jeture boepa jiwuge ere boeto ji jamedu. Ere udo tugirimi tugera kedo tabo. 12Dukejere nou ore boepa &#269;ewu ure ia tudugare utudo etae pugeje. Mare ere boeto ji dukeje ere barigu toro tubiji. 13Nono nou ore boepa &#269;ewu makore tudada. Akore: &#8220;Imode imeardu kurire jiwu itonaregedu utudo etae toro. Jire emeartorumode.&#8221;</div><div class="p"> 14&#8211; Mare nou jeture boepa jiwuge erdure nou ore boepa &#269;ewu onaregedu kodure aino pudae duji dukeje emagore pui. Egore: &#8220;Awu ore boepa &#269;ewu onaregedu reo. Emare omode nou tuo oe jamedu boe&#269;e. Pawo bito pagowo awu uo o moto&#269;e.&#8221;</div><div class="p"> 15-16&#8211; Dukeje nou jeture boepa jiwuge ere nou ore boepa &#269;ewu onaregedu barigu boepa piji. Ere bito toro rugadu. Ainore erore. &#268;a. Nuba nou ore boepa &#269;ewu romode nou jeture boepa jiwugei? Aregodumode etae. Umode ewido. Nono umode to boepa maku ia ime etai pugeje etuwo ji.</div><div class="p">Ainore Jesus akore. Mare ia boe etaidukare nou ure tuwie jiwu bakaruji. Egore: &#8211; Boro. Nou ore boepa &#269;ewu romodukare aino.</div><div class="p"> 17-18Nono Jesus aiwore tu nou boei. Dukejere akore: &#8211; Ainore nou padure bapera kejewu Pao Kurireu bataru ure marigudu. Akore: &#8220;Boe emeardae pegare toriji. Egore pegaie tuwo tuwaido ema.#20.17-18 Tori tabore nou Judeu doge ere tuwai towuje. Etaiwore tu tori pemegareuge doge ewagai tuwo tuwai pemegado tabo rugadu. Mare nou tori pemegareu ure turugadu boe ewo tuwaido tabo rugadu.&#8221;#20.17-18 Awu bataru padure Salmo 118.22 keje. Ainore nou batarure. Mare tori ji karega akoino. Umode boe ekinorudowu imedu jire Pao Kurireu akoino. Nou umode boe ekinorudowu romode boei nono ia boe ewudure kejewu tori ro mogadure. Buture tori aogejewuge eiamedu boe emode togorido. Mare tori ji karega inagoino. Nou umode boe ekinorudowu umode meartorukare puduiwuge erugadu boe epegado. Dujire inagoino. Nou umode boe ekinorudowu romode boei nono ia buture boe ewugejewu tori ro mogadure jamedu. Tori butumode boe ewugeje dukeje umode nou boe egugudo. Mare tori ji karega inagoino. Nou umode boe ekinorudowu umode boe pegado nou meartorukare puduiwuge eiamedu boei. Dujire inagoino.</div><div class="p"> 19Nou jorduware Judeu doge eno bakaru jiwuge eimijerage erduware puduie Jesus akoino duji. Nou ure Judeu doge enomea maku Pao Kurireu aiwuge eimijerage erduware puduie Jesus akoino jamedu.#20.19 Akaiwodo Mateus 21.45-46 kejewu anexo tadawu bataruji. Nou Jesus readodure jiwu bakaru jire akoino. Dukodire nou boe eimijerage pegareuge eiamedu boe etaidure tuwo tugeragu Jesusji tuwo tugu bai&#269;oreuto kuri je rugadu. Mare nouia boe etaidure Jesusji. Dukodire nou boe eimijerage epagudure, eroiwakare tuwo tugeragu Jesusji.</div><div class="s">Jorduware Judeu Doge Eno Bakaru Jiwuge Etaidure Tuwo Jesus Jekiripagado</div><div class="p"> 20Nou boe eimijerage etaiwore ia Jesus ro pegareu bagai rugadu. Ere ime etudo taiwo tabo Jesus ae ia Jesus bataru pegareu umode dubagai. Etaidure Jesus ro pegawo mako pegawo tuwo maku boe eimijera governador ai. Dukodire nou ime ere tudo nono ro pemegareuge mogadure mare pagare eroino. 21Nono ia unaragodure Jesusji tuwo barigu boeto dubagai. Akore: &#8211; Boe eimijera nure aki. Boe jokodu jire akagore tu je. Arduware Pao Kurireu bataru remawuji. Are boe eiamedu boe erduwado rugadu Pao Kurireu bataruji rugadu. Ameardaere boei boe remawu tabo. 22&#268;a amagodo &#269;ei. Nuba pago bakaru akomode paromode jiboeji? Pamode pagoe imposto mori maku Roma kejewu boe eimijera kurireu C&#233;sar ai na? Pamode maku kana? Pamodukare maku kana?</div><div class="p"> 23-24Mare Jesus jorduware pagare egoino duji. Emeartorukare tuwadaruji rugadu. Dukodire makore ei. Akore: &#8211; Ia imposto morireu diero tori maku inai.</div><div class="p">Ere ia diero tori maku Jesus ai dukeje Jesus unarare ei. Akore: &#8211; Ioguduba je ba padure awu diero tori keje? Ioguduba ie ba padure awu diero tori keje?</div><div class="p">Nou boe egore: &#8211; Roma kejewu boe eimijera kurireu C&#233;sar iere padure keje.</div><div class="p"> 25Jesus akore: &#8211; Boe rugadu. &#268;are awu C&#233;sar oeboe maku C&#233;sar ai. Mare Pao Kurireu oeboe maku Pao Kurireu ai jamedu.</div><div class="p"> 26Dukodi &#269;are nou boe eimijerage pegareuge ekare Jesus udo tuwarigu boeto tagoino jiboeji. Dukodire eroiwakare tumago pegawo Jesus makore jiboeji boe ewiagai. Erore ta je akoino pudui duji. Dukodire emagokare pugeje.</div><div class="s">Ia Boe Enarare Jesusji Pugeje</div><div class="p"> 27Nono ia saduceu doge etaregodure Jesus ae tuwo Jesus barigu boeto tagoino dutabo jamedu. Nou saduceu doge emeartorukare boe eewodumode pugeje duji. &#268;a emagore Jesusji. 28Egore: &#8211; Jorduwareu imedu nure aki. &#268;a mariguduwu makore Pao Kurireu bataru jiwu Mois&#233;s ure jaoboe ero maku etai pameartoruwo ji jii aino. Mois&#233;s akore imedu bimoduie mare ore bokwaie dukeje nou imedu uwie muguwo nou tumana bireu oreduje apo torewo nou tumana bireu oreduje apo. 29Ainore Mois&#233;s akore marigudu tuwo paro maku pagai. &#268;a ia meri keje ime enodo padure sete. Etumana etuwie mage nure pugi. Etumana mugure ia aredu apo. &#268;are bire. Mare ore bokware. 30Dukodire nou uwie imedu mugure nou aredu apo. Mare nou imedu bire jamedu. 31Nono uwie imedu mugure nou aredu apo jamedu. Mare bire jamedu. Nou uwie ime eiamedu boe emugure nou aredu apo. Mare eiamedu boe ewire. Etore bokware nou aredu apo rugadu. 32Dukeje &#269;are nou aredu bire jamedu. 33Dukodire &#269;edaidure &#269;enarawo ai. Pao Kurireu umode erugadu boe eewodudo dukeje duboba mugumode nou aredu apo? Eiamedu boe emugure apo woe moto keje mare duboba mugumode nou aredu apo baru tada?</div><div class="p"> 34Jesus makore ei. Akore: &#8211; Boe emugumode puapo tu woe moto keje 35-36Meartorure Pao Kurireu jiwuge eewodumode pugeje dukeje emode nono Pao Kurireu utugarege baru tadawuge emogadure. Ewimodukare pugeje. Etuwiremodukare pugeje. Etugogemodukare pugeje. Pao Kurireu ore mode emage eewodure pugeje dukodi. 37Mois&#233;s ure bu bapera kejewu Pao Kurireu bataru ure boe erduwado boe eewodumode pugeje duji. Pao Kurireu ure Mois&#233;s meardudo tuwadaruji ture iaboedo nono joru mogadure enado i piji. Dukejere Pao Kurireu makore Moisesji. Akore: &#8220;Abra&#227;o meartorure jiwu Pao Kurireu nure imi. Isaque meartorure jiwu Pao Kurireu nure imi. Jac&#243; meartorure jiwu Pao Kurireu nure imi.&#8221;#20.37 Awu bataru padure &#202;xodo 3.6 keje. 38Ainore Pao Kurireu akore. Mare nou Pao Kurireu akoino jiwu ime ewire marigudu. Mare Pao Kurireu makore emeartoruie pudui rugadu. Dukodire parduware eewodure pugeje duji. Bireuge emeartorumodukare Pao Kurireuji. Jewodureuge emeartorumode ji. Pao Kurireu umode meartorure puduiwuge eiamedu boe eewodudo pugeje rugadu.</div><div class="p"> 39Nono ia jorduware Judeu doge eno bakaru jiwuge eimijerage egore: &#8211; Boe jokodu jire akagoino.</div><div class="p"> 40Mare pagare egoino. &#268;a boe eraga bokware tunarawo Jesusji pugeje. Eraga bokware tuwo Jesus barigu boeto tagoino jiboe tabo rugadu.</div><div class="s">Jesus Ure Boe Erduwado Umode Boe Ekinorudowuji</div><div class="p"> 41Nono Jesus unarare nou boei. Akore: &#8211; Boere boe erduwado umode boe ekinorudowuji. Egore Davi onaregedu moduie ema. Mare erduwa pemegakare Pao Kurireu bataruji. 42-43Nou mariguduwu boe eimijera Davi ure ia Pao Kurireu bataru bu bapera keje. Akore:</div><div class="q">&#8211; Pao Kurireu makore nou ikimijera umode boe ekinorudowuji. Akore: &#8220;Amugudo woe ikana pemegareu jagwai jii toro imode nou jordu pegare aiwuge etagedudo du ka.&#8221;#20.42-43 Awu bataru padure Salmo 110.1 keje.</div><div class="p"> 44&#8211; Tagoino dutabo Davi akore tugimijera nuie nou umode boe ekinorudowu&#269;e. Mare Davi onaregedu mode ema jamedu. &#268;a nuba nou umode boe ekinorudowu ure?</div><div class="s">Jesus Ure Boe Erduwado Boe Eimijerage Ero Pegare Jiboeji</div><div class="p"> 45Boe emagare nono tuwiapaga tabo Jesus bataruji. Nono Jesus ure ture jorduwadowuge erduwado. 46Akore: &#8211; Taeku jado jorduware Judeu doge eno bakaru jiwugei. Etaidure boe emeartoruwo tu pudui. Ere boe etaiwodo tugudau areia motureu meture pudui duji. Etaidure tuwo boe epogurudo. Etumode ba kurireu ka dukeje etaidure boe emago pemegawo pudui etaidure boe ekimijeragewo pudumi kodi. Dukodire erore aino. Nou jorduware Judeu doge eno bakaru jiwuge etumode Judeu doge ere bato puiwu bai ka dukeje emode tugeragu boe eimijera mugure kejewu iraji tumuguwo keje. Etumode boe ewadae ka dukeje etumode boe eke jeture kejewu ira ka boe etododai togwagewo boetoji. 47Eragojemode boebo dukeje emago raimode baruto boe emearduwo tagoi tuwadaru motureu jituji. Mare pagatu je. Ekiwogure okoge bokwareuge aremei. Ere nou areme okoge bokwareuge ewai aru epiji. Dukodire Pao Kurireu ro pega kuri&#269;igomode ei rugadu nou ero pegareu mori&#269;e.</div>
 </div>
 </div>
</div>

Ia meri keje Jesus rakojere Pao Kurireu uwai tada tuwo boe erduwado Pao Kurireu bataru pemegareuji tuwo boe emeartorudo pudui. Nou ure Judeu doge enomea maku Pao Kurireu aiwuge eimijerage, nou jorduware Judeu doge eno bakaru jiwuge eimijerage, nouia Judeu doge eimijerage etaregodure Jesus ae. Emagore Jesusji. Egore: – Amagodo čei. Ioguduba koiare ure turaga maku akai aro rakawo aino?
Jesus akore: – Imi jamedu inaramode tai. Ioguduba ure João Batista udo boe etao pegodo? Pao Kurireu koia kana? Ia boe koia kana?
Mare nou boe eimijerage erduwakare tumagowo Jesus bataru jipagi. Dukodire emagore pui nuba tagomode Jesus bataru jipagi. Egore: – Pagagomode Pao Kurireu koiaie ure João Batista udo boe etao pegodo mare pameartorukare nou inoduji. Awu Jesus jorduware pameartorukare nou inodu jituji. Du inodu tabo pagagomode aino dukeje Jesus umode pabogurudo. Akomode: “Kodiba tameartorukare ji?” Ainore akomode pai. Mare pagagomode boe eigoiaie dukeje awu woewu boe ekorigodumode pai rugadu. Boe eiamedu boe emeartorure João Batista makore Pao Kurireu bataruji kodi. Egore Pao Kurireu koiaie ure João Batista udo boe etao pegodo rugadu. Du inodu tabo ekorigodumode pai. Eidomode tori tabo pai tuwo pawido rugadu.
Dukodire nou boe eimijerage emagore Jesusji. Egore: – Čerduwakare ioguduba ure João Batista udo boe etao pegodo.
Nono Jesus makore ei. Akore: – Tamagokare iwadaru jipagi dukodire imagomodukare ioguduba ure itarego mato jamedu.

Nono Jesus makore ia bakaruji nou boe ewiagai tuwo jebato toro Pao Kurireu meardae ka. Akore: – Ia imedu ure uva tugu to boepato. Nono ure tugeragu ia boei tuwo etudo nou to boepaji emaragoduwo ji. Nono nou ore boepa čewu uture epiji tugiriaduwo. Boe raire ji nou tugiriadu tabo. Nou boepa tadawu uva kurodumode kejewu ari puredugodure pudui dukeje nou ore boepa čewu ure ia tudugare utudo toro nou jeture to boepa jiwuge etae nou tugiriadure jiwu moto piji. Ure nou tudugare utudo uwo tugeragu nou makudumode pudaiwu boeji. Nou jeture nou boepa jiwuge emode uva rugadu kado dukeje emode ia kado puiato nou ore boepa čewu imedu ai. Ča nou utugare aregodure nou boepa ka. Mare nou jeture boepa jiwuge etaidukare tuwo uva kado puiato pugeje nou ore boepa čewu ai. Dukodire ere tugeragu nou imedu utugareji. Ere boeto ji. Ere utudo tuibagi tugera kedo tabo. Dukeje nou ore boepa čewu ure ia tudugare utudo etae toro pugeje. Mare nou jeture boepa jiwuge ere boeto ji jamedu. Ere udo tugirimi tugera kedo tabo. Dukejere nou ore boepa čewu ure ia tudugare utudo etae pugeje. Mare ere boeto ji dukeje ere barigu toro tubiji. Nono nou ore boepa čewu makore tudada. Akore: “Imode imeardu kurire jiwu itonaregedu utudo etae toro. Jire emeartorumode.”
– Mare nou jeture boepa jiwuge erdure nou ore boepa čewu onaregedu kodure aino pudae duji dukeje emagore pui. Egore: “Awu ore boepa čewu onaregedu reo. Emare omode nou tuo oe jamedu boeče. Pawo bito pagowo awu uo o motoče.”
– Dukeje nou jeture boepa jiwuge ere nou ore boepa čewu onaregedu barigu boepa piji. Ere bito toro rugadu. Ainore erore. Ča. Nuba nou ore boepa čewu romode nou jeture boepa jiwugei? Aregodumode etae. Umode ewido. Nono umode to boepa maku ia ime etai pugeje etuwo ji.
Ainore Jesus akore. Mare ia boe etaidukare nou ure tuwie jiwu bakaruji. Egore: – Boro. Nou ore boepa čewu romodukare aino.
Nono Jesus aiwore tu nou boei. Dukejere akore: – Ainore nou padure bapera kejewu Pao Kurireu bataru ure marigudu. Akore: “Boe emeardae pegare toriji. Egore pegaie tuwo tuwaido ema. Mare nou tori pemegareu ure turugadu boe ewo tuwaido tabo rugadu.” Ainore nou batarure. Mare tori ji karega akoino. Umode boe ekinorudowu imedu jire Pao Kurireu akoino. Nou umode boe ekinorudowu romode boei nono ia boe ewudure kejewu tori ro mogadure. Buture tori aogejewuge eiamedu boe emode togorido. Mare tori ji karega inagoino. Nou umode boe ekinorudowu umode meartorukare puduiwuge erugadu boe epegado. Dujire inagoino. Nou umode boe ekinorudowu romode boei nono ia buture boe ewugejewu tori ro mogadure jamedu. Tori butumode boe ewugeje dukeje umode nou boe egugudo. Mare tori ji karega inagoino. Nou umode boe ekinorudowu umode boe pegado nou meartorukare puduiwuge eiamedu boei. Dujire inagoino.
Nou jorduware Judeu doge eno bakaru jiwuge eimijerage erduware puduie Jesus akoino duji. Nou ure Judeu doge enomea maku Pao Kurireu aiwuge eimijerage erduware puduie Jesus akoino jamedu. Dukodire nou boe eimijerage pegareuge eiamedu boe etaidure tuwo tugeragu Jesusji tuwo tugu baičoreuto kuri je rugadu. Mare nouia boe etaidure Jesusji. Dukodire nou boe eimijerage epagudure, eroiwakare tuwo tugeragu Jesusji.

Nou boe eimijerage etaiwore ia Jesus ro pegareu bagai rugadu. Ere ime etudo taiwo tabo Jesus ae ia Jesus bataru pegareu umode dubagai. Etaidure Jesus ro pegawo mako pegawo tuwo maku boe eimijera governador ai. Dukodire nou ime ere tudo nono ro pemegareuge mogadure mare pagare eroino. Nono ia unaragodure Jesusji tuwo barigu boeto dubagai. Akore: – Boe eimijera nure aki. Boe jokodu jire akagore tu je. Arduware Pao Kurireu bataru remawuji. Are boe eiamedu boe erduwado rugadu Pao Kurireu bataruji rugadu. Ameardaere boei boe remawu tabo. Ča amagodo čei. Nuba pago bakaru akomode paromode jiboeji? Pamode pagoe imposto mori maku Roma kejewu boe eimijera kurireu César ai na? Pamode maku kana? Pamodukare maku kana?
Mare Jesus jorduware pagare egoino duji. Emeartorukare tuwadaruji rugadu. Dukodire makore ei. Akore: – Ia imposto morireu diero tori maku inai.
Ere ia diero tori maku Jesus ai dukeje Jesus unarare ei. Akore: – Ioguduba je ba padure awu diero tori keje? Ioguduba ie ba padure awu diero tori keje?
Nou boe egore: – Roma kejewu boe eimijera kurireu César iere padure keje.
Jesus akore: – Boe rugadu. Čare awu César oeboe maku César ai. Mare Pao Kurireu oeboe maku Pao Kurireu ai jamedu.
Dukodi čare nou boe eimijerage pegareuge ekare Jesus udo tuwarigu boeto tagoino jiboeji. Dukodire eroiwakare tumago pegawo Jesus makore jiboeji boe ewiagai. Erore ta je akoino pudui duji. Dukodire emagokare pugeje.

Nono ia saduceu doge etaregodure Jesus ae tuwo Jesus barigu boeto tagoino dutabo jamedu. Nou saduceu doge emeartorukare boe eewodumode pugeje duji. Ča emagore Jesusji. Egore: – Jorduwareu imedu nure aki. Ča mariguduwu makore Pao Kurireu bataru jiwu Moisés ure jaoboe ero maku etai pameartoruwo ji jii aino. Moisés akore imedu bimoduie mare ore bokwaie dukeje nou imedu uwie muguwo nou tumana bireu oreduje apo torewo nou tumana bireu oreduje apo. Ainore Moisés akore marigudu tuwo paro maku pagai. Ča ia meri keje ime enodo padure sete. Etumana etuwie mage nure pugi. Etumana mugure ia aredu apo. Čare bire. Mare ore bokware. Dukodire nou uwie imedu mugure nou aredu apo. Mare nou imedu bire jamedu. Nono uwie imedu mugure nou aredu apo jamedu. Mare bire jamedu. Nou uwie ime eiamedu boe emugure nou aredu apo. Mare eiamedu boe ewire. Etore bokware nou aredu apo rugadu. Dukeje čare nou aredu bire jamedu. Dukodire čedaidure čenarawo ai. Pao Kurireu umode erugadu boe eewodudo dukeje duboba mugumode nou aredu apo? Eiamedu boe emugure apo woe moto keje mare duboba mugumode nou aredu apo baru tada?
Jesus makore ei. Akore: – Boe emugumode puapo tu woe moto keje Meartorure Pao Kurireu jiwuge eewodumode pugeje dukeje emode nono Pao Kurireu utugarege baru tadawuge emogadure. Ewimodukare pugeje. Etuwiremodukare pugeje. Etugogemodukare pugeje. Pao Kurireu ore mode emage eewodure pugeje dukodi. Moisés ure bu bapera kejewu Pao Kurireu bataru ure boe erduwado boe eewodumode pugeje duji. Pao Kurireu ure Moisés meardudo tuwadaruji ture iaboedo nono joru mogadure enado i piji. Dukejere Pao Kurireu makore Moisesji. Akore: “Abraão meartorure jiwu Pao Kurireu nure imi. Isaque meartorure jiwu Pao Kurireu nure imi. Jacó meartorure jiwu Pao Kurireu nure imi.” Ainore Pao Kurireu akore. Mare nou Pao Kurireu akoino jiwu ime ewire marigudu. Mare Pao Kurireu makore emeartoruie pudui rugadu. Dukodire parduware eewodure pugeje duji. Bireuge emeartorumodukare Pao Kurireuji. Jewodureuge emeartorumode ji. Pao Kurireu umode meartorure puduiwuge eiamedu boe eewodudo pugeje rugadu.
Nono ia jorduware Judeu doge eno bakaru jiwuge eimijerage egore: – Boe jokodu jire akagoino.
Mare pagare egoino. Ča boe eraga bokware tunarawo Jesusji pugeje. Eraga bokware tuwo Jesus barigu boeto tagoino jiboe tabo rugadu.

Nono Jesus unarare nou boei. Akore: – Boere boe erduwado umode boe ekinorudowuji. Egore Davi onaregedu moduie ema. Mare erduwa pemegakare Pao Kurireu bataruji. Nou mariguduwu boe eimijera Davi ure ia Pao Kurireu bataru bu bapera keje. Akore:
– Pao Kurireu makore nou ikimijera umode boe ekinorudowuji. Akore: “Amugudo woe ikana pemegareu jagwai jii toro imode nou jordu pegare aiwuge etagedudo du ka.”
– Tagoino dutabo Davi akore tugimijera nuie nou umode boe ekinorudowuče. Mare Davi onaregedu mode ema jamedu. Ča nuba nou umode boe ekinorudowu ure?

Boe emagare nono tuwiapaga tabo Jesus bataruji. Nono Jesus ure ture jorduwadowuge erduwado. Akore: – Taeku jado jorduware Judeu doge eno bakaru jiwugei. Etaidure boe emeartoruwo tu pudui. Ere boe etaiwodo tugudau areia motureu meture pudui duji. Etaidure tuwo boe epogurudo. Etumode ba kurireu ka dukeje etaidure boe emago pemegawo pudui etaidure boe ekimijeragewo pudumi kodi. Dukodire erore aino. Nou jorduware Judeu doge eno bakaru jiwuge etumode Judeu doge ere bato puiwu bai ka dukeje emode tugeragu boe eimijera mugure kejewu iraji tumuguwo keje. Etumode boe ewadae ka dukeje etumode boe eke jeture kejewu ira ka boe etododai togwagewo boetoji. Eragojemode boebo dukeje emago raimode baruto boe emearduwo tagoi tuwadaru motureu jituji. Mare pagatu je. Ekiwogure okoge bokwareuge aremei. Ere nou areme okoge bokwareuge ewai aru epiji. Dukodire Pao Kurireu ro pega kuričigomode ei rugadu nou ero pegareu moriče.

استمع إلى Lucas 20