If you would like a copy of this version please contact info@davaraudiobibles.org

Digo Bible © 2019, Bible Translation and Literacy (E.A.). (Text)
Digo Audio Bible ℗ 2025, Davar Partners International. (Audio)

Digo Bible

<div class="version vid2711 iso6393dig" data-vid="2711" data-iso6393="dig">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s1">Kaini na Abeli</div><div class="p"> 1Adamu achikala na mchewe naye achigbwira mimba, achivyala Kaini.#4:1 Kpwa Chieburania sauti ya dzina Kaini yaigana na sauti ya neno kuphaha. Hawa achiamba, &#8220;Nkaphaha mwana mlume kpwa msada wa Mwenyezi Mlungu.&#8221; 2Badaye Hawa wavyala mwana wanjina mlume, achimuiha Abeli.</div><div class="p">Ariphokala avyere, Abeli achikala mfugi wa mbuzi na mang&#700;ondzi na Kaini achikala mkurima.</div><div class="p"> 3Siku mwenga Kaini wamlavira Mwenyezi Mlungu sadaka ya mavuno ga kula mwakpwe mundani. 4#Aeburania 11:4 Abeli naye achilavya sadaka ya ana a kpwandza a kunona a mifugoye. Mwenyezi Mlungu achimkubali Abeli na sadakaye, 5ela kayamkubali Kaini na sadakaye. Gago gachimtsukiza sana Kaini naye achikundza nyusi.</div><div class="p"> 6Halafu Mwenyezi Mlungu achimuamba Kaini, &#8220;Ukatsukizwa nini? Kpwa utu wani ukakundza nyusi? 7Uwe uchihenda manono, undakubaliwa. Ela usiphohenda manono, phahi dambi inakunyapira pho mryangoni. Nayo inalonda ikuvwamiye, ela uwe lazima uiturye.&#8221; 8#Mathayo 23:35; Luka 11:51; 1 Johana 3:12Ndipho Kaini achimuamba nduguye Abeli, &#8220;Huphiye hukawehe hiko weruni.&#8221; Ariphokala hiko weruni, Kaini achimgalukira nduguye, achimuolaga. 9Chisha Mwenyezi Mlungu achimuuza Kaini achimuamba, &#8220;Akuphi mwenenu Abeli?&#8221; Kaini achijibu achiamba, &#8220;Simanya. Kpwani mino ni mrindzi wa mwenehu?&#8221; 10#Aeburania 12:24Mwenyezi Mlungu achimuamba, &#8220;Mbona ukahenda dzambo dzii vino? Mlatso wa mwenenu unaniririra kula ko photsi. 11Sambi uwe ukalaniwa. Kundarima tsona tsi ambayo ikaphokera mlatso wa mwenenu, uriyemuolaga. 12Uchirima munda, kundaphaha rorosi. Undadengereka na kundakala na makalo phapha duniani.&#8221;</div><div class="p"> 13Kaini achimuambira Mwenyezi Mlungu, &#8220;Adabu uchiyonipha ni ngumu, sindaiweza. 14Rero unanizola phangu mundani. Unanizola nisikale phephi na uwe. Nindadengereka na sindakala na mudzi duniani, lola, yeyesi ndiyeniona andaniolaga!&#8221; 15Ela Mwenyezi Mlungu achiamba, &#8220;Si hivyo. Mutu yeyesi ndiyekuolaga, adabuye nindamriphiza kano sabaa.&#8221; Hipho, Mlungu wamtiya mola ili mutu asimuolage. 16Kaini wauka matsoni pha Mwenyezi Mlungu na achendasagala tsi ya Nodi#4:16 Tsi hino manage kala ni tsi ya kudengereka. ambayo i mlairo wa dzuwa wa Edeni.</div><div class="s1">Uvyazi wa Kaini</div><div class="p"> 17Kaini wakala na mchewe na achihenda mimba, achivyala mwana mlume, achimuiha Enoko. Kaini achidzenga mudzi achiuiha na dzina ra mwanawe, Enoko. 18Enoko wavyala mwana mlume, achimuiha Iradi; na Iradi achikala isengbwa wa Mehuyaeli. Mehuyaeli wavyala mwana mlume, achimuiha Metushaeli ambaye naye wakala ni isengbwa wa Lameki.</div><div class="p"> 19Lameki wal&#243;la achetu airi, Ada na Sila. 20Ada wavyala Jabali ambaye wakala wa mwandzo wa afugi akalao mahemani. 21Nduguye kala ni Jubali; hiyu wakala wa mwandzo wa atu a kupiga ngephephe na chivoti. 22Sila naye wavyala mwana mlume aihwaye Tubali-Kaini, yekala wa kpwandza wa kuhenda chanda cha kutengeza miyo yosi ya shaba na chuma. Tubali-Kaini wakala na nduguye mchetu aihwaye Naama. 23Siku mwenga Lameki waambira achee, &#8220;Ada na Sila niphundzani! Niphundzani vinono, akazangu. Naolaga mutu yenilumiza, barobaro yenitiya chironda. 24Mutu yeyesi ndiyemuolaga Kaini andariphizwa kano sabaa, ela ndiyeniolaga mimi Lameki andariphizwa kano mirongo sabaa na sabaa.&#8221;</div><div class="s1">Sethi na Enoshi</div><div class="p"> 25Adamu na Hawa avyala mwana wanjina mlume. Hawa achiamba, &#8220;Mlungu akanipha mwana wanjina badala ya Abeli yeolagbwa ni Kaini,&#8221; achimuiha Sethi.#4:25 Sethi Mana ya dzina hiri ni kuwewa. 26Sethi naye waphaha mwana mlume, achimuiha Enoshi. Hipho ndipho atu phoandza kumvoya Mwenyezi Mlungu.</div>
 </div>
 </div>
</div>

Adamu achikala na mchewe naye achigbwira mimba, achivyala Kaini. Hawa achiamba, “Nkaphaha mwana mlume kpwa msada wa Mwenyezi Mlungu.” Badaye Hawa wavyala mwana wanjina mlume, achimuiha Abeli.
Ariphokala avyere, Abeli achikala mfugi wa mbuzi na mangʼondzi na Kaini achikala mkurima.
Siku mwenga Kaini wamlavira Mwenyezi Mlungu sadaka ya mavuno ga kula mwakpwe mundani. Abeli naye achilavya sadaka ya ana a kpwandza a kunona a mifugoye. Mwenyezi Mlungu achimkubali Abeli na sadakaye, ela kayamkubali Kaini na sadakaye. Gago gachimtsukiza sana Kaini naye achikundza nyusi.
Halafu Mwenyezi Mlungu achimuamba Kaini, “Ukatsukizwa nini? Kpwa utu wani ukakundza nyusi? Uwe uchihenda manono, undakubaliwa. Ela usiphohenda manono, phahi dambi inakunyapira pho mryangoni. Nayo inalonda ikuvwamiye, ela uwe lazima uiturye.” Ndipho Kaini achimuamba nduguye Abeli, “Huphiye hukawehe hiko weruni.” Ariphokala hiko weruni, Kaini achimgalukira nduguye, achimuolaga. Chisha Mwenyezi Mlungu achimuuza Kaini achimuamba, “Akuphi mwenenu Abeli?” Kaini achijibu achiamba, “Simanya. Kpwani mino ni mrindzi wa mwenehu?” Mwenyezi Mlungu achimuamba, “Mbona ukahenda dzambo dzii vino? Mlatso wa mwenenu unaniririra kula ko photsi. Sambi uwe ukalaniwa. Kundarima tsona tsi ambayo ikaphokera mlatso wa mwenenu, uriyemuolaga. Uchirima munda, kundaphaha rorosi. Undadengereka na kundakala na makalo phapha duniani.”
Kaini achimuambira Mwenyezi Mlungu, “Adabu uchiyonipha ni ngumu, sindaiweza. Rero unanizola phangu mundani. Unanizola nisikale phephi na uwe. Nindadengereka na sindakala na mudzi duniani, lola, yeyesi ndiyeniona andaniolaga!” Ela Mwenyezi Mlungu achiamba, “Si hivyo. Mutu yeyesi ndiyekuolaga, adabuye nindamriphiza kano sabaa.” Hipho, Mlungu wamtiya mola ili mutu asimuolage. Kaini wauka matsoni pha Mwenyezi Mlungu na achendasagala tsi ya Nodi ambayo i mlairo wa dzuwa wa Edeni.

Kaini wakala na mchewe na achihenda mimba, achivyala mwana mlume, achimuiha Enoko. Kaini achidzenga mudzi achiuiha na dzina ra mwanawe, Enoko. Enoko wavyala mwana mlume, achimuiha Iradi; na Iradi achikala isengbwa wa Mehuyaeli. Mehuyaeli wavyala mwana mlume, achimuiha Metushaeli ambaye naye wakala ni isengbwa wa Lameki.
Lameki walóla achetu airi, Ada na Sila. Ada wavyala Jabali ambaye wakala wa mwandzo wa afugi akalao mahemani. Nduguye kala ni Jubali; hiyu wakala wa mwandzo wa atu a kupiga ngephephe na chivoti. Sila naye wavyala mwana mlume aihwaye Tubali-Kaini, yekala wa kpwandza wa kuhenda chanda cha kutengeza miyo yosi ya shaba na chuma. Tubali-Kaini wakala na nduguye mchetu aihwaye Naama. Siku mwenga Lameki waambira achee, “Ada na Sila niphundzani! Niphundzani vinono, akazangu. Naolaga mutu yenilumiza, barobaro yenitiya chironda. Mutu yeyesi ndiyemuolaga Kaini andariphizwa kano sabaa, ela ndiyeniolaga mimi Lameki andariphizwa kano mirongo sabaa na sabaa.”

Adamu na Hawa avyala mwana wanjina mlume. Hawa achiamba, “Mlungu akanipha mwana wanjina badala ya Abeli yeolagbwa ni Kaini,” achimuiha Sethi. Sethi naye waphaha mwana mlume, achimuiha Enoshi. Hipho ndipho atu phoandza kumvoya Mwenyezi Mlungu.

استمع إلى Mwandzo 4