Zapoteco de Zoogocho - 1987 Edition (NT) Drama

Zapoteco de Zoogocho - 1987 Edition (NT)

<div class="version vid744 iso6393zpq" data-vid="744" data-iso6393="zpq">
   <div class="book bkMAT">
      <div class="chapter ch2" data-usfm="MAT.2">
         <div class="label">2</div><div class="s"><span class="heading">Magos ca' jase&#7753;e'e Jes&#250;sen'</span></div><div class="p"><span class="content">  </span><span class="verse v1" data-usfm="MAT.2.1"><span class="label">1</span><span class="content">Ca tiempen' cate' gwnabia' rey Herodes, golje Jes&#250;sen' Bel&#233;n, to ye&#382; gan' mbane distritw Judea. Na' bese&#382;in to c&#817;hope magos Jerusal&#233;n, za'aque' to naci&#243;n zito' dan' chi' do ga chla' gwbi&#382;. </span></span><span class="verse v2" data-usfm="MAT.2.2"><span class="label">2</span><span class="content">Na' gose&#7753;abde' be&#7753;e' &#7739;o ciudan' gose'ene':</span></span></div><div class="p"><span class="verse v2" data-usfm="MAT.2.2"><span class="content">&#8213;&#191;Ga&#7753; rey c&#817;he be&#7753;e' Israel, ben' ba golje? &#7752;ezeto' ba golje', &#7739;e ba ble'eto' beljw c&#817;hen' cate' blan' la&#382;to' dan' zoa gan' chla' gwbi&#382;. Na' za'to' gonxento'ne'.</span></span></div><div class="p"><span class="verse v2" data-usfm="MAT.2.2"><span class="content">  </span></span><span class="verse v3" data-usfm="MAT.2.3"><span class="label">3</span><span class="content">Cate' gw&#7753;eze rey Herodesen' can' gosenen', gocchg&#252;e' tole, na' &#7739;ecze ca' yogo'&#7739;o&#7739; be&#7753;e' &#7739;o ciuda Jerusal&#233;n&#7753;a'. </span></span><span class="verse v4" data-usfm="MAT.2.4"><span class="label">4</span><span class="content">Nach reyna' btobe' yogo'&#7739;o&#7739; bx&#817;oz gwnabia' c&#817;he chio' be&#7753;e' Israel na' &#7739;ecze yogo' be&#7753;e' ca' chososed chosolo'e dan' bzoj da' Mois&#233;sen'. Na' gw&#7753;abde' &#7739;egaque' gan' naquen galje Criston' ben' gwlej Diosen' cont yede&#7753;abi'e. </span></span><span class="verse v5" data-usfm="MAT.2.5"><span class="label">5</span><span class="content">Nach gose' be&#7753;e' ca' Herodesen':</span></span></div><div class="p"><span class="verse v5" data-usfm="MAT.2.5"><span class="content">&#8213;Galje' Bel&#233;n, gan' mbane distritw Judea, &#7739;e can' &#382;a dan' bzoj to be&#7753;e' be' xti&#382;a' Diosen' cani'. Quinga &#382;an:</span></span></div><div class="q"><span class="verse v5" data-usfm="MAT.2.5"><span class="content">  </span></span><span class="verse v6" data-usfm="MAT.2.6"><span class="label">6</span><span class="content">Ca nac ye&#382; Bel&#233;n gan' &#382;e' dia&#382;a c&#817;he da' Jud&#225;,</span></span></div><div class="q"><span class="verse v6" data-usfm="MAT.2.6"><span class="content">nacczen ye&#382; da' zaca'chgua lao ye&#382; gwnabia' ca' zjachi' Judean'.</span></span></div><div class="q"><span class="verse v6" data-usfm="MAT.2.6"><span class="content">&#7738;e to be&#7753;e' Bel&#233;n gaque' be&#7753;e' gwnabia',</span></span></div><div class="q"><span class="verse v6" data-usfm="MAT.2.6"><span class="content">na' &#7739;e' g&#252;ia &#7753;e'e naci&#243;n Israel c&#817;hian'.</span></span></div><div class="p"><span class="verse v6" data-usfm="MAT.2.6"><span class="content">  </span></span><span class="verse v7" data-usfm="MAT.2.7"><span class="label">7</span><span class="content">Nach Herodesen' goxe' magos ca' baga&#353;e'ze cont ja'aque' lag&#252;en' na' gwnabde' &#7739;egaque' batya&#7753;en' besele'ede' bla' beljon'. </span></span><span class="verse v8" data-usfm="MAT.2.8"><span class="label">8</span><span class="content">Nach gwse&#7739;e' &#7739;egaque' Bel&#233;n&#7753;a', go&#382;e' &#7739;egaque':</span></span></div><div class="p"><span class="verse v8" data-usfm="MAT.2.8"><span class="content">&#8213;&#7738;e &#353;ja'ac na' &#7739;e &#353;jaydiljw bidao'na' tcho'a. Na' cate' ye&#382;elelebe' &#7739;e yeda yedyedix&#817;jue'ele neda' cont &#7739;ecze &#353;a'a &#353;jenxena'be'.</span></span></div><div class="p"><span class="verse v8" data-usfm="MAT.2.8"><span class="content">  </span></span><span class="verse v9" data-usfm="MAT.2.9"><span class="label">9</span><span class="content">Beyo&#382; bosozenag magos ca' can' go&#382; reyna' &#7739;egaque', nach gosa'aque'. Na' beljon' dan' besele'ede' do gan' chla' gwbi&#382;en' cate' bi&#7753;a' yesa'ac la&#382;gaquen', zejen &#7739;e'e yaban' &#382;ialaon laogaque' b&#382;inten yo'o gan' zoa bidao'na', na' gwlezen. </span></span><span class="verse v10" data-usfm="MAT.2.10"><span class="label">10</span><span class="content">Na' magos ca' besyebede' juisyw cate' besele'ede' beljon' da' yoble. </span></span><span class="verse v11" data-usfm="MAT.2.11"><span class="label">11</span><span class="content">Nach cate' bese&#382;ine' yo'o gan' zoa bidaon', goso'e &#7739;o' yo'ona' na' besele'ede' bidao'na' len x&#7753;a'be' Mar&#237;an'. Nach bosozoa xibgaque' gosonxene'be'. Na' gosesaljo caj c&#817;hegaquen' gosebeje' oro, yal na' to nechw da' ch&#7739;a' zix&#817; da' nzi' mirra na' gosoen' c&#817;hebe'. </span></span><span class="verse v12" data-usfm="MAT.2.12"><span class="label">12</span><span class="content">Na' &#353;lac &#7753;e' nita' magos ca' Bel&#233;n&#7753;a', Diosen' gwdix&#817;jue'ede' &#7739;egaque' &#7739;o bi&#353;gal bich yesyedie' gan' zoa rey Herodesen'. Da'nan' besyeque'e yeto nez yoble jaya'ac la&#382;e'.</span></span></div><div class="s"><span class="heading">Bosoxo&#7753;je' ja'aque' Egipto</span></div><div class="p"><span class="verse v12" data-usfm="MAT.2.12"><span class="content">  </span></span><span class="verse v13" data-usfm="MAT.2.13"><span class="label">13</span><span class="content">Na' cate' ba besyeya'ac magos ca', to angl c&#817;he X&#817;ancho Diosen' blo'elag&#252;e' Jos&#233;n' &#7739;o bi&#353;gal, na' go&#382;e'ne':</span></span></div><div class="p"><span class="verse v13" data-usfm="MAT.2.13"><span class="content">&#8213;Gwyas, gwc&#817;he' bidaon' na' x&#7753;a'ben' &#7739;e &#353;ja'ac naci&#243;n Egipto na' soale na'ze, na' cate'ch &#7753;ia' le'e, cana' guaque yeza'le, &#7739;e Herodesen' ba n&#382;ie' bia' yeyiljue' bidao'na' cont gote'be'.</span></span></div><div class="p"><span class="verse v13" data-usfm="MAT.2.13"><span class="content">  </span></span><span class="verse v14" data-usfm="MAT.2.14"><span class="label">14</span><span class="content">Nach &#7753;e' ze bx&#817;in gwyas Jos&#233;n', gwc&#817;he'e bida'ona' len x&#7753;a'ben' zja'aque' Egipton'. </span></span><span class="verse v15" data-usfm="MAT.2.15"><span class="label">15</span><span class="content">Nach gosenite' Egipto na'ze &#353;lac b&#382;in &#382;a got Herodesen'. Na' dan' gosone' ca' goc can' gwna Diosen' dan' bzoj to be&#7753;e' be' xti&#382;e'na' cani', gwne': &#8220;C&#817;hix&#817;jue'eda' Xi'i&#7753;an' yeze'e Egipton'.&#8221;</span></span></div><div class="s"><span class="heading">Herodesen' gwse&#7739;e' soldadw cont gosote' yogo' bi' byo dao'</span></div><div class="p"><span class="verse v15" data-usfm="MAT.2.15"><span class="content">  </span></span><span class="verse v16" data-usfm="MAT.2.16"><span class="label">16</span><span class="content">Na' rey Herodesen', cate' gocbe'ede' goson&#7739;e magos ca' &#7739;e' dan' bich besyedie' gan' zoe'na', &#7739;eca b&#382;e'e. Na' bsaque' con can' gwyejni'ide' cate' gw&#7753;abde' &#7739;egaque' batcan' bla' beljon', na' gwse&#7739;e' soldadw c&#817;he' ca' par jasete' yogo'&#7739;o&#7739; bi' byo che'e&#7753; dao' zelao bi' c&#817;hop ize, bi' ca' gosalje Bel&#233;n&#7753;a' na' yezica'chle ye&#382; ca' zjanyec&#817;hj zjambi'i Bel&#233;n&#7753;a'. </span></span><span class="verse v17" data-usfm="MAT.2.17"><span class="label">17</span><span class="content">Na' lag&#252;e dan' gosote' bi' byo dao' ca', goc can' bzoj da' Jerem&#237;as ben' be' xti&#382;a' Diosen' cani', &#382;an:</span></span></div><div class="q"><span class="verse v17" data-usfm="MAT.2.17"><span class="content">  </span></span><span class="verse v18" data-usfm="MAT.2.18"><span class="label">18</span><span class="content">Nente &#353;i'i be&#7753;e' Ram&#225;,</span></span></div><div class="q"><span class="verse v18" data-usfm="MAT.2.18"><span class="content">chesebe&#382;chg&#252;e' nita'chg&#252;e' ye&#7739;a' g&#252;ine'.</span></span></div><div class="q"><span class="verse v18" data-usfm="MAT.2.18"><span class="content">No'ole ca' zjanaque' xi'i&#7753; dia&#382;a c&#817;he da' Raquel chesyeya&#353;e' chesyeg&#252;ine'de' c&#817;he xi'i&#7753;da'ogaque' ca',</span></span></div><div class="q"><span class="verse v18" data-usfm="MAT.2.18"><span class="content">na' bitw chesacla&#382;e' no yeyoexen&#7739;a&#382;e' &#7739;egaque', &#7739;e ba gosatben'.</span></span></div><div class="p"><span class="verse v18" data-usfm="MAT.2.18"><span class="content">  </span></span><span class="verse v19" data-usfm="MAT.2.19"><span class="label">19</span><span class="content">Cate' got Herodesen', Jos&#233;n' &#7753;e' zoe' Egipton'. Nach to angl c&#817;he X&#817;ancho Diosen' blo'elag&#252;e' Jos&#233;n' &#7739;o bi&#353;gal, na' go&#382;e'ne':</span></span></div><div class="p"><span class="verse v19" data-usfm="MAT.2.19"><span class="content">  </span></span><span class="verse v20" data-usfm="MAT.2.20"><span class="label">20</span><span class="content">&#8213;Gwyas, bec&#817;he' bidaon' len x&#7753;a'be'na' na' &#7739;e &#353;jaya'ac Israel. Ba gosat be&#7753;e' ca' besyeyiljw bidao'na' cont yesote'be'.</span></span></div><div class="p"><span class="verse v20" data-usfm="MAT.2.20"><span class="content">  </span></span><span class="verse v21" data-usfm="MAT.2.21"><span class="label">21</span><span class="content">Nach gwyas Jos&#233;n' bec&#817;he'e bidaon' len x&#7753;a'ben' jaya'ac la&#382;gaque' Israel. </span></span><span class="verse v22" data-usfm="MAT.2.22"><span class="label">22</span><span class="content">Perw Jos&#233;n', cate' bende' Arquelao bezoe' chnabi'e latje c&#817;he da' x&#817;e' Herodesen', b&#382;ebe' yeyeje' gan' mbane distritw Judean'. Na' Diosen' gwdix&#817;jue'ede' &#7739;e' &#7739;o bi&#353;galen' bi cheya&#7739;a' &#353;jaya'aque' distritw Judean', san &#353;jaya'aque' gan' mbane distritw Galilean'. </span></span><span class="verse v23" data-usfm="MAT.2.23"><span class="label">23</span><span class="content">Da'nan' besye&#382;ine' ciuda Nazaret na' jasenite'. Na' dan' jasenite' Nazareten' goc can' bosozoj da' be&#7753;e' goso'e xti&#382;a' Diosen' cani', gosene': &#8220;Yososi'e Jes&#250;sen' be&#7753;e' Nazaret.&#8221;</span></span></div>
      </div>
   </div>
</div>

Ca tiempen' cate' gwnabia' rey Herodes, golje Jesúsen' Belén, to yež gan' mbane distritw Judea. Na' besežin to c̱hope magos Jerusalén, za'aque' to nación zito' dan' chi' do ga chla' gwbiž. Na' goseṉabde' beṉe' ḻo ciudan' gose'ene':
―¿Gaṉ rey c̱he beṉe' Israel, ben' ba golje? Ṉezeto' ba golje', ḻe ba ble'eto' beljw c̱hen' cate' blan' lažto' dan' zoa gan' chla' gwbiž. Na' za'to' gonxento'ne'.
Cate' gwṉeze rey Herodesen' can' gosenen', gocchgüe' tole, na' ḻecze ca' yogo'ḻoḻ beṉe' ḻo ciuda Jerusalénṉa'. Nach reyna' btobe' yogo'ḻoḻ bx̱oz gwnabia' c̱he chio' beṉe' Israel na' ḻecze yogo' beṉe' ca' chososed chosolo'e dan' bzoj da' Moisésen'. Na' gwṉabde' ḻegaque' gan' naquen galje Criston' ben' gwlej Diosen' cont yedeṉabi'e. Nach gose' beṉe' ca' Herodesen':
―Galje' Belén, gan' mbane distritw Judea, ḻe can' ža dan' bzoj to beṉe' be' xtiža' Diosen' cani'. Quinga žan:
Ca nac yež Belén gan' že' diaža c̱he da' Judá,
nacczen yež da' zaca'chgua lao yež gwnabia' ca' zjachi' Judean'.
Ḻe to beṉe' Belén gaque' beṉe' gwnabia',
na' ḻe' güia ṉe'e nación Israel c̱hian'.
Nach Herodesen' goxe' magos ca' bagaše'ze cont ja'aque' lagüen' na' gwnabde' ḻegaque' batyaṉen' besele'ede' bla' beljon'. Nach gwseḻe' ḻegaque' Belénṉa', gože' ḻegaque':
―Ḻe šja'ac na' ḻe šjaydiljw bidao'na' tcho'a. Na' cate' yeželelebe' ḻe yeda yedyedix̱jue'ele neda' cont ḻecze ša'a šjenxena'be'.
Beyož bosozenag magos ca' can' gož reyna' ḻegaque', nach gosa'aque'. Na' beljon' dan' besele'ede' do gan' chla' gwbižen' cate' biṉa' yesa'ac lažgaquen', zejen ḻe'e yaban' žialaon laogaque' bžinten yo'o gan' zoa bidao'na', na' gwlezen. Na' magos ca' besyebede' juisyw cate' besele'ede' beljon' da' yoble. Nach cate' besežine' yo'o gan' zoa bidaon', goso'e ḻo' yo'ona' na' besele'ede' bidao'na' len xṉa'be' Marían'. Nach bosozoa xibgaque' gosonxene'be'. Na' gosesaljo caj c̱hegaquen' gosebeje' oro, yal na' to nechw da' chḻa' zix̱ da' nzi' mirra na' gosoen' c̱hebe'. Na' šlac ṉe' nita' magos ca' Belénṉa', Diosen' gwdix̱jue'ede' ḻegaque' ḻo bišgal bich yesyedie' gan' zoa rey Herodesen'. Da'nan' besyeque'e yeto nez yoble jaya'ac laže'.

Na' cate' ba besyeya'ac magos ca', to angl c̱he X̱ancho Diosen' blo'elagüe' Josén' ḻo bišgal, na' gože'ne':
―Gwyas, gwc̱he' bidaon' na' xṉa'ben' ḻe šja'ac nación Egipto na' soale na'ze, na' cate'ch ṉia' le'e, cana' guaque yeza'le, ḻe Herodesen' ba nžie' bia' yeyiljue' bidao'na' cont gote'be'.
Nach ṉe' ze bx̱in gwyas Josén', gwc̱he'e bida'ona' len xṉa'ben' zja'aque' Egipton'. Nach gosenite' Egipto na'ze šlac bžin ža got Herodesen'. Na' dan' gosone' ca' goc can' gwna Diosen' dan' bzoj to beṉe' be' xtiže'na' cani', gwne': “C̱hix̱jue'eda' Xi'iṉan' yeze'e Egipton'.”

Na' rey Herodesen', cate' gocbe'ede' gosonḻe magos ca' ḻe' dan' bich besyedie' gan' zoe'na', ḻeca bže'e. Na' bsaque' con can' gwyejni'ide' cate' gwṉabde' ḻegaque' batcan' bla' beljon', na' gwseḻe' soldadw c̱he' ca' par jasete' yogo'ḻoḻ bi' byo che'eṉ dao' zelao bi' c̱hop ize, bi' ca' gosalje Belénṉa' na' yezica'chle yež ca' zjanyec̱hj zjambi'i Belénṉa'. Na' lagüe dan' gosote' bi' byo dao' ca', goc can' bzoj da' Jeremías ben' be' xtiža' Diosen' cani', žan:
Nente ši'i beṉe' Ramá,
chesebežchgüe' nita'chgüe' yeḻa' güine'.
No'ole ca' zjanaque' xi'iṉ diaža c̱he da' Raquel chesyeyaše' chesyegüine'de' c̱he xi'iṉda'ogaque' ca',
na' bitw chesaclaže' no yeyoexenḻaže' ḻegaque', ḻe ba gosatben'.
Cate' got Herodesen', Josén' ṉe' zoe' Egipton'. Nach to angl c̱he X̱ancho Diosen' blo'elagüe' Josén' ḻo bišgal, na' gože'ne':
―Gwyas, bec̱he' bidaon' len xṉa'be'na' na' ḻe šjaya'ac Israel. Ba gosat beṉe' ca' besyeyiljw bidao'na' cont yesote'be'.
Nach gwyas Josén' bec̱he'e bidaon' len xṉa'ben' jaya'ac lažgaque' Israel. Perw Josén', cate' bende' Arquelao bezoe' chnabi'e latje c̱he da' x̱e' Herodesen', bžebe' yeyeje' gan' mbane distritw Judean'. Na' Diosen' gwdix̱jue'ede' ḻe' ḻo bišgalen' bi cheyaḻa' šjaya'aque' distritw Judean', san šjaya'aque' gan' mbane distritw Galilean'. Da'nan' besyežine' ciuda Nazaret na' jasenite'. Na' dan' jasenite' Nazareten' goc can' bosozoj da' beṉe' goso'e xtiža' Diosen' cani', gosene': “Yososi'e Jesúsen' beṉe' Nazaret.”

استمع إلى San Mateo 2