آيات مشهورة من الكتاب المقدس منMETIU 5

شارك

Sateichii meikado thaomi maseisii razyii kangkii kailei makle; nlenii thaomi kadung gamkii kaisii kilungto kalei hang go tii mvapyii leile. Teitakumpii gonyiimah tha kabi tei meihangnii ngou wosii sating gamto kalei gonyii pfiigo tam matoi matutang karam jangpii gonyii mah kava tei meihang doito vamatulo.

“Gonyii sazyii pouryii mah kavale. Zang gamto kalei namdi hangniniigo kabaipei wolakle.

“Lung kamateimei tei sadoi bile, kadapokii ahnyiinii Saraago ngoutangle!

“Kasang kamajyii jangpii mazyii saryiisii kaleimei sadoi bile; kadapokii ahnyiigo tiitokryii pyiitangle!

Nlenii Inii gonyii dakii tamleile, gonyiinii sating gamto kalei gonyii Pfiimah nahmei tei tiitang karam jangpii ngoukaroumeigo lung- syiilo, sateichii gonyiigo tiimaset tiimalaksii kaleimei jangpiinii riita pyiilo

“Rangii kasuimei sadoi bile, kadapokii sating gam sazyii tei ahnyii mahle!

“Tiikamajungmei tei sadoi bile, kadapokii ahnyiigo Saraa nah mei lat tangle!

“Lung kamagesii kaleimei tei sadoi bile; kadapokii ahnyiigo tii-nta pyii tangle!

“Kasang kamajyii jangpii kaset kalak dousii kaleimei tei sadoi bile, kadapokii sating gam sazyii tei ahnyii mahle!

“Meigo lungset katimei sadoi bile, kadapokii ahnyiinii lungset kati tei doutangle!

“Gonyiinii gutai kaswimei katii jangpii kalet kalou katii, sateichii kaset kalak pyiisii kalei sateichii gonyii phyiiryiikii kashyii kashyiipii tamkai kapyii tinglang kak gonyii sadoi bile. Ntalo ninado rangalo, kadapokii gonyii jangpii alangh kadi tei sating gamkii kaibam takle, kada- pokii gonyii doito kalei Lungkakaling meihang go aitiisii tiimaset tiimalakle.

“Lungkamanoi meitei sadoi bile; kadapokii sazyii pouryii ai ahnyiinii towtangle!

“Gonyii sazyii pouryii mah thai teile; nlenii thai teinii ahmah kumkabi tei maga aitakleponii, kada takumpii kum matuloi wotangpo? Ainii rat toisii meinii pipii kapiidiit teisupii samah kado kabi tei gatakle.

Teijangpiinii gonyii mah sating gam-pfii teinii bikamatui takumpii gonyiido bimatui tang karamle.

Nlenii gomah sam tei nle leponii, nle sii tamlo, makle leponii maklesii tamlo, sateichii aidoito kakihang teinii sara kashyii datole.”

“Mik hangninii tung mik hangninii, ghii hangninii tung ghii hangninii sii tam kabam tei gonyiinii shiitakle. Nlenii Inii gonyii dakii tamleile, gonyiigo tiikama meigo kum-fii sulo, mei kata hangninanii gonyiigo beeng ajiilam kaphyii leponii, beeng abilam pang teido ahgo kaphyii matulo.

Sateichii gomah mik ajiilam pang teinii n-go kem kikii chyiikaisii leileponii, mik tei lat-mpatsii toi ailo, kadapokii go pumpot hang mibamki liit matu katu sungnii go pumpot mah njai hangninii maga kalei teinii gojangpii bibwile. Sateichii gobah ajiilam pang teinii n-go kem kikii chyiikaisii leileponii, tat-ndangsii rat toi ailo; gopum pot hang mibamki liit tang karam sungnii go pumpot mah njai hangninii maga kalei teinii gojangpii bibwile.