آيات مشهورة من الكتاب المقدس منJENESIS 17

شارك

Abrambe kum riaksekui ze sekui chang dege, Tingwang ne Abrambe je liâ ze, pechu, “I â reziechibe Hera de lei; a suage tat lau zai hetiâk ga ze bam lau.

Ning ji ze Abrambe ze kû dai ra mak lei, kane ning ji ze Abrahambe ze kû ra de lei; pezat misonggame peu hang ningchu I ne tew gai ’ndi daseu.

Zai betingbeta I benai nang zai ning chaname rehei lunghangdairame kakge I ne ning Rapeu chang ze bam ra I a gu samhatkaibe tew’ntip kai gu lei.

“Pie le lau, a gu samhetkaibe ning dage la de lei, zai nang ne pezat misonggame peu chang gu lei.

Kane Hera ne, “Mak lei, ning nâu Sarale dagene ning na ’mpeumi lungkeu gu lei, zai pe ji hang Isaakbe ze nang ’ntak kai ra lei. A gu samhatkaibe pe dage benai pe chaname hangge betingbeta bam bam ra I kai gu lei.

Zai nang benai ning chângge ning chaname hang chuna ningnui ’nnaigaibe Kanaan ram leine betingbeta ningnui gu chang ra I ne pei gai gu lei; zai I ne penui Rapeu chang ra de lei,” ze kacheu de lei.

Dadege Abrahambe kâukeu ’ngkum gai lu ka’nnui de lei, zai pe lung gene ’nning ze, “’Mpeumi kum haî chang di hena bamchi duî semei? Zai Sarale kum riaksekui chang di sede hena lung gu rei semei?” kacheu de lei.

Zai Hera ne Abrahambe je, “Ning nâu Saraile ze kû ta ra de lei, kane Sarale ze pe ji hang de lei.

I benai ning kakge samhatkai’ndibe chibam ra ’nchetkaibe hang ningnui rumgeten ra lei.

Kane a gu samhatkaibe â ning na Isaakbe, mâ-kum chuna ting riâ wangchang dezai Sarale dagene lungkeurapeu dage kai gu lei,” ze kacheu de lei.

Ningnui ruage ’mpeumi napoine hezie desatne kau je rumgeten ra lei, ningnui gu rehei wangkeu tâne ’mpeumi leine, ningnui ki gene lungkeube kau mei, nune ningnui chaname makbe kau hesangme ningnui ne rangkâng ne luilube kau mei sede rumgeten ra lei, ning ki gene lungkeume benai ningnui gu rangkâng ne luilume ’nteumena je rumgeten gai ra lei. Chidezai a gu samhatkaibe ze ning gu hemeipum ge betingbeta samhatkaibe chang gu lei.