آيات مشهورة من الكتاب المقدس منTongo nda ti aye 3

شارك

Wali ni abaa so ale ti keke ni ayeke nzoni titene zo ate ni; ayeke pendere titene zo abaa ni si ayeke nzoni ti sara si zo ahinga ndo. Lo mu mbeni le ni, lo te, lo mu nga na koli ti lo so ayeke na tere ti lo si lo kue, lo te ni.

Ngbo ayeke na kode ti handango ndo ahon anyama ti ngonda so kue KOTA GBIA Nzapa asara ala. Lo hunda wali ni, lo tene: “Nzapa atene na ala: ‘Ala te ale ti keke so kue ayeke na yaka ni so pepe’ biani?”

Mbi yeke zia kangbi na popo ti mo na wali, na popo ti *ahale ti mo, na ala ti wali. Fade ahale ti wali ayeke zia ka na li ti mo si mo, mo yeke zia ka na ngbonda ti gere ti ala.”

Na pekoni, Nzapa atene na wali: “Mbi yeke sara ande titene na ndembe so mo yeke na ngo, mo yeke baa pasi mingi na ni; na ya ti pasi si mo yeke du amolenge. Fade nzara ti be ti mo kue ayeke gi na mbage ti koli ti mo, me lo yeke sara komandema na ndö ti mo.”

Mo yeke wara kobe ti mo gi na gbiki ti li ti mo, ngbii asi na lango so mo yeke kiri na ya ti sese, ngbanga ti so a mu mo na ya ti sese. Mo yeke fuku ti sese, mo yeke kiri ande na ya ti fuku ti sese.”

Ti hunzi na ni, lo tene na koli, lo tene: “Ndali ti so mo ma yanga ti wali ti mo si mo te le ti keke so mbi mu yanga na mo ti te pepe so, mbi yeke deba sese ndali ti mo. Fade mo yeke baa pasi ti wara kobe ti mo na lege ti sese ni, na lango so kue mo yeke ngba na fini.

Nzapa ahunda lo, atene: “Zo wa laa afa na mo atene, tere ti mo ayeke senge? Mo te le ti keke so mbi mu yanga na mo ti te ni pepe so?”

So KOTA GBIA Nzapa atumba zo na ya ti yaka ni awe, lo zia *asheruben na mbage ti To ti yaka ni. Asheruben ni ayeke na yongoro zeme so le ni ayeke za zango si ayeke turne mbage na mbage ti kanga lege na zo ti gue na tere ti keke so ayeke mu fini na zo.

Koli ni, Adam, adi iri ti wali ti lo Eve, so ti tene “Lo so ayeke na Fini”, ngbanga ti so lo laa lo yeke mama ti azo so kue ayeke na fini.