آيات مشهورة من الكتاب المقدس منيَيَ 6

شارك

عِسَ نَشَ عٍ يَابِ، «ﭑ تَن نَن نَ كِسِ تَامِ رَ. نَشَن نَ قَ ﭑ تَن مَ، عَ مُ كَامّ كٌلٌنمَ عَبَدَن. نَشَن نَ دَنشَنِيَ ﭑ تَن مَ، عَ مُ يٍ شْلِ كٌلٌنمَ سْنْن.

عَلَ شَشِلِ سّنِيّنشِ نَن كِسِ قِمَ مِشِ مَ. قَتٍ بّندّ تَن مُ نْمَ سٍسٍ رَ. ﭑ مَسٍنيِ نَشَن تِشِ وٌ بّ، عَ عَلَ شَشِلِ سّنِيّنشِ نُن كِسِ سْتْ كِ نَن مَسٍنمَ.

وٌ نَشَ وَلِ دُنِحَ بَلٌي شَ قٍ رَ، نَشَن بْرْ مَ. وٌ شَ وَلِ بَلٌي نَن مَ قٍ رَ نَشَن بُمَ، عَ عَبَدَن كِسِ قِ وٌ مَ. عَدَ مَ شَ دِ نَن نَ بَلٌي قِمَ وٌ مَ، بَرِ مَ بَبَ عَلَ بَرَ عَ تَن نَن مَتْنشُمَ عَ شَ مِشِ سُفَندِشِ رَ.»

نَ نَن قِندِشِ ﭑ بَبَ سَفٌي رَ، عَ نَشَن يٌ نَ دَنشَنِيَ عَ شَ دِ مَ، نَ كَنيِ شَ عَبَدَن كِسِ سْتْ، ﭑ مَن شَ عَ رَكٍلِ قَشّ مَ لْشْ دْنشْي مَ.»

عِسَ نَشَ عٍ يَابِ، «عَلَ وَ مَ كّوَلِ نَشَن شْن، عَ قِندِشِ يِ نَن نَ؛ وٌ شَ دَنشَنِيَ عَ شَ شّيرَ مَ.»

بَبَ عَلَ مِشِ نَشَن بِرِن قِمَ ﭑ مَ، عَ قَمَ نّ ﭑ مَ، ﭑ مُ مّيمَ عٍ رَ عَبَدَن،

سِمْن ثِيّرِ نَشَ عَ يَابِ، «مَرِفِ، شَ مُشُ فبِلٍن عِ قْشْ رَ، مُشُ قَ سِفَمَ ندٍ شْن مَ؟ عَبَدَن كِسِ مَسٍنيِ نَ عِ تَن نَن يِ.

ﭑ تَن نَن نَ نَ كِسِ تَامِ رَ نَشَن فٌرٌشِ كٍلِ كٌورٍ. نَشَن يٌ نَ يِ تَامِ تَن دٌن، عَ كِسِمَ نّ عَبَدَن. يِ تَامِ قِندِشِ ﭑ قَتٍ نَن نَ، ﭑ نَشَن قِمَ سّرّشّ رَ عَلَكٌ دُنِحَ شَ كِسِ سْتْ.»

مِشِ يٌ مُ نْمَ قَدٍ ﭑ مَ، شَ بَبَ عَلَ، نَشَن ﭑ شّيشِ، مُ عَ كَنيِ مَبّندُن ﭑ مَ. ﭑ قَن قَمَ عَ كَنيِ رَكٍلِدٍ قَشّ مَ لْشْ دْنشْي.

بَرِ مَ تَامِ نَشَن قَتَنشِ عَلَ رَ، عَ تَن نَن فٌرٌ مَ كٍلِ كٌورٍ، عَ كِسِ قِ دُنِحَ مَ.»

ﭑ تَن نَن نَ كِسِ تَامِ رَ.

نَ تّمُي، عِسَ نَشَ نَ تَامِ سُولِ تٌنفٌ، عَ عَلَ تَنتُ، عَ عٍ عِتَشُن حَمَ مَفٌرٌشِ مَ، عَ عَ رَبَ نَ كِ نّ يّشّ قَن نَ. بِرِن نَشَ عَ سْتْ، هَن عٍ بِرِن نَشَ وَ سَ. حَمَ تٌ لُفَ، عِسَ نَشَ عَ قَلَ عَ قْشِرَبِرّيٍ بّ، «وٌ دٌنسٍ دْنشْي شُنتُنيِيٍ مَلَن، عَلَكٌ سٍسٍ نَشَ مَكَنَ.»

عٍ تٌ لَالَ بَ كِلٌ سُولِ شَ نَ مُ سٍننِ حْندْن، عٍ نَشَ عِسَ تٌ حّرّ رَ يٍ قَرِ، عَ قَقٍ عٍ مَبِرِ كُنكُي يِرٍ. عٍ نَشَ فَاشُ. كْنْ عِسَ نَشَ عَ قَلَ عٍ بّ، «ﭑ تَن نَن عَ رَ. وٌ نَشَ فَاشُ.»