آيات مشهورة من الكتاب المقدس منJoannostir 6

شارك

Iisusos phendža lenge: Me isom džībnasko māro; jāvibnaskīro ke Me najāla ane bok, te pačaibnaskīro an Mange najāla slāpūšo ņigdi.

Duhos džīdo kērla; masa niso nakērna lačo. Lava, saje rakirava Me tumenge, isi duhos te džīben.

Trādentumen na vaš do haben sav šņikini, ne vaš haben, sav jačela an sajek džīben, savo dela tumen mānušesko Čhāvo; hai pe Leske čhudža peskīri pečaķ. Dād, Dēvel.

Voļa bičaibnaskīreskīri Man isi doja, sobi svako, dikhibnaskīro Čhāves te pačaibnaskīro an Leske, mejāl leske džīben sajek; te Me les opre džangavava ano statno dīves.

Iisusos phendža lenge otpheniben: daja isi Davleskīri butin, sobi tume pačan an Doleske, Sajes Jov bičadža.

Sāro, so dela Dād Mange, ke Me dojāvela; te jāvibnaskīres ke Me navitrādava avri.

Simonos Petris otphendža Leske: Raija! ke kon me džas? Tuke isi lava sajek džībnaskīre.

Me isom džīdo māro, sav javela telle bolibnastir; habnaskīro da māro jāla džīdo sajek; māro, sav Me dava, isi Mīre masa, saje Me otdava vaš svetosko džīben.

Nikon našti dojāvel ke Me, keļi nadotirdela les Dād, bičaibnaskīro Man; te Me opre džandava les ano statno dīves.

Hai Davlesko māro isi dova, savo jāvela bolibnastir te dela džīben svetoske.

Me isom džībnasko māro.

Iisusos, lel māre del porikirben, rozdija sikļaibnangīrenge, ne sikļaibnangīre bešibnangīrenge, te mače nin, ako cik, kon kamdža. Te kedi čhāline, togi phendža Peskīre sikļaibnangīrenge: zakeden otjačīne kuski, sobi niči nanašadžol.

Mukhindoipes žin ko bištepandž vai trijanda staģiji, jone dikhle so javela Iisusos piro moros te paše uže ke laiva, te vistrahandīne. Ne Jov phendža lenge: dava Me; nastrahadžon.