آيات مشهورة من الكتاب المقدس منMatio' 10

شارك

A :gbee'e:. 'An dbo a-uh 'weh, :eh gweh-a :ka 'blae'⧾ mu-a 'de ji⧾ 'klu-'. Eh-a' dhih, a 'yaa: :ka sehn :ne-a, :yee' a :kpoehn: 'i :ka pabu' :ne-a.

Nyor :or dhe-a or-a' :febeh' dih, :yee' or mu-eh 'ma-dih:. Jorwor: nyor :or 'ma-dih:-a or-a' :febeh' 'do 'an dhih, :yee' eh-a' dih :dhe-eh: 'o or no.

A-a' :ple-' nyor⧾ :yuh-a: 'dba-a nyor-a' yau, 'de :on se-a or-a' :zulu-a' 'dba-a' 'beh-dih:. Jorwor: a ple Nyorsoa, :or 'beh-dih:-a :or 'ye-a' nyor-a' :zulu-: yau-: en-a' klehkpeh gbe :zie-dih: 'de 'ku 'bli.

:Yee' nyor :or se-a or-a'a: 'kle 'ye-eh-a' 'klorse tu ya-' 'duo:, :or 'ye-a' 'o 'on klei' zi, :yee' or se-eh 'i :bleh-dih:, or 'ye 'de 'an 'for bo :ne.

:Yee' nyor-beh: :or 'worn-dih:-a 'an dhih, 'do :gwlor-nyor⧾ ybei', :yee' 'an mu or-a' dhih 'worn-dih: :ke, 'do 'On-ba: :or :ne-a 'de yai' ybei'. Jorwor: nyor-beh: :or dhobo:-a 'an dhih-' 'do :gwlor-nyor⧾ ybei', :yee' 'an mu or-a' dhih-' dhobo: 'do 'On-ba: :or :ne-a 'de yai' ybei' :ke.

A 'puh-dih: puhba-nyor⧾, a :ya 'meheh'-nyor⧾ 'noror 'kmo bo deka, a 'puh-dih: nyor⧾ :yuh yau-zon-weh kpon-a, 'de on 'ye :vlehehn'-' :gweh :ka :Mose'-a' 'tele' no-a mu-a'. :Yee' a :za nyor⧾ 'kwla 'ye-dih-deh⧾ 'de dih. A 'ye 'kpih :daa 'weh yaa'e, :yee' a 'nyi-ih nyor⧾ yaa'e :ke.

:Yee' 'do eh-a' dha, :fano-a' :no-' a-uh. A 'kpa deh ken 'gabaa, :eh :zi 'o 'yalih :dhulu'-'.

:Yee' :Yusu'-a kpa or-a' wlu 'dlu bo, or 'dae:, A-a' :na-dih-eh' :gwluhuh' dih, :eh :mor 'on yi-: 'de, 'on 'ye 'de wlu-' dih 'worn-eh :ya, dha 'bluhba ken. 'Kei o. 'On :se 'de yi, 'on 'ye 'de wlu-' dih 'worn-eh :ya. Jorwor: :bhla 'jlehn :oo', 'on :ya 'de.