آيات مشهورة من الكتاب المقدس منZan 2

شارك

Yezu y'a ka kabako fɔlɔ kɛ ten le Kana, Galile mara la. A y'a ka sebagaya yira ten a ka kalandenw na, u lar'a la.

Nga Yezu y'a jaabi ko: «Muso! E ko ne ka mun kɛ? Ne ka waati ma se fɔlɔ.»

Yezu y'a fɔ u ye ko: «Aw ka daga nunu fa jii la.» U y'u fa. Yezu y'a fɔ u ye ko: «Aw ka dɔ bɔ sisan ka taga di ɲamɔgɔ ma.» U ye dɔ bɔ ka taga d'a ma.

Yezu y'u jaabi ko: «Aw ka Alabatosoba nin ci, ne ben'a lɔ tile saba kɔnɔ.»

A ye juru kɛ busan ye k'u bɛɛ gwɛn ka bɔ Alabatosoba kɔnɔ, misiw ni sagaw bɛɛ. A ye warifalenbagaw ka tabaliw ɲɔti k'u benben k'u ka wariw yɛrɛkɛ! A y'a fɔ tuganin feerebagaw ye ko: «Aw ye nunu ta ka bɔ yan! Aw kana n Faa ka soo kɛ jago kɛyɔrɔ ye.»