آيات مشهورة من الكتاب المقدس منLUKA 8

شارك

Lei hoih a kiate bel thu za a lungtang kizen leh hoihtak a kem kinken a, thuakzoutak a gahsuahte ahi uhi.

Huan loulingnei lak a kiate thuzate ahi ua; himahleh akhosak zelna uah damsung khosak ngaihtuahnate, hauhsaknate, nopsaknate'n adep a, agah piching kei nak uhi.

Huan suang tung a kiate azaktak ua thu kipaktak a pom pahte ahi ua; himahleh zung himhim anei kei ua, sawt louchik kia agingta ua, khemna hun in atawpsan nak uhi.

Huan akiang uah, “Na ginna uh koi a om ahia?” achi hi. Huan alau ua, lamdang asa mahmah uh. “Hiai mi kua ahia le, huih leh tui nangawn thu apiak a, athu aman uh?” akichi uhi.

Lampi sik a kiate thu zasate ahi uh; himahleh diabol ahong pai a, agin louh ua, hotdam ahihtheihlouhna ding un alungtang ua kipan thu alakmangsak zel hi.

Thang lou ding a iim bangmah a-om kei, theih louh ding leh lang lou ding a selguk bangmah a-om sam kei hi.

Huan numei in akisel theih louh atheih in, ling kawm in ahong pai a, ama ah bokkhup in akhoihsan leh thakhat a adam takdan mi tengteng ma ah agenkheta hi. Huan akiang ah, “Tanu, na ginna na dampih hi, khamuangtak in paita in,” achi hi.

Huan akiang ah ava hoh ua, aphawng ua, “Heutupa, heutupa, mangthang ding ka kei uh maw,” achi uhi. Amah akhanglou a huih leh tuikihot ataita a; atawp ua adaita mai uhi.