آيات مشهورة من الكتاب المقدس منJOHONIN 15

شارك

“Koi hi gerep kung nangni ha abak na ni u zei. Ka koma a om tak chu hanuk koi um akoma kei omna tak chu amara kur sabak inti. Asik chu koi nok anten nangnin ite nei tho thei u om mak.

Nan zompui tit u ro, hatuka Koiin um nan zompui tit u ka ting. Akungpuia abak akop nok ten atheia anra thei ni mak. Hava anga han nangnim ka koma na om u nok ten anra thei u no ta ni.

Nangni ngai ka koma na om u na, ka chong ham na kom u na a om ten nei zot u tak zong u ro hava ha na mansua u zei.

Nangnin neina thang u ni makung haneka koi keng anan thang u ka ni. Asik chu nei van ra thei u na ranga le mara nei don babang thei u na ranga keina phun u ani. Ka raminga Pa koma nei zong u tak aman ei na pek thei u na ranga han.

Min a mal ngai ranga ei damna aphal diai thei khop anditna lian khit chu omlai mak.

Ka baka anra nok chu aman ei pei ani. Hatuka abaka anra tak chu aman ei rathial sa ani atampa mara ei kur sa theina ranga.

Ka chongmak chu hiva hi ani; koiin keina dit u anga, nangni ngai um andit ansiat u ro.

Mara akura nei om u na lehan ka Pa ei anlianna nei manlang thei u na ani. Hatuka havan tin han ka zolai um nei chang u ani.

“Koi hi gerep akung ka ni, ka Pa hi rahuan a thopu ani.

Hatuka koia a om nok tak chu abak anga anvora ei chara ei anpei. Hatuka hava ang thingbak chu min ei rakhoma ei buma moi thonana ei hal ani.

“Ka raisanna na kom u na ei om theina rang le na raisan u na ei kip theina ranga hiva chong ngai hi keina ril u.

Nangnin ka chongmak ngai dora na tel u ten keina madit u na na om un na ti, Koi um ka Pa chongmak ngai dora kei tel tuara aman ei na ditna na kei om anga.

Nangni ngai nei andit ansiat thei u na rang ngala hiva chong keina mak pe u ani.

Nangni ngai hi ramual ata ni u tan la chu ramualin ata anga ei na dit u rang ani na, tenchu nangni ngai chu ramual ata ni u mak che. Haneka Koiin ramual ata keina thang u sika ramualin ei na mumak u na ani.