آيات مشهورة من الكتاب المقدس منGENESIS 17

شارك

Sa dihang 99 na ang panuigon ni Abram, ang GINOO, nagpakita kaniya ug miingon, “Ako mao ang Dios nga Labing Gamhanan, pagkinabuhi nga dili masaway sa akong atubangan.

Ug ang imong ngalan dili na Abram, kondili si Abraham na, kay ikaw gihimo nako nga amahan sa daghan nga mga nasod.

Ug himoon nako ang akong kasabotan tali kanako ug kanimo ug sa imong mga kaliwat sunod kanimo sa tanan nilang kaliwatan alang sa usa ka kasabotan nga dayon aron ako mahimong Dios nganha kanimo ug sa imong kaliwatan sunod kanimo.

“Tan-awa, ang akong kasabotan anaa kanimo, mahimo ikaw nga amahan sa daghan nga mga nasod.

Ug ang Dios miingon, “Dili, apan si Sarah nga imong asawa manganak ug usa ka batang lalaki, ug nganlan siya ug Isaac ug lig-onon nako ang akong kasabotan uban kaniya, usa ka kasabotan nga dayon alang sa iyang kaliwatan sunod kaniya.

Ug ihatag nako nganha kanimo ug sa imong kaliwatan nga sunod kanimo ang yuta diin ikaw milangyaw, ang tibuok nga yuta sa Canaan aron mapanag-iya ninyo sa dayon, ug ako mahimo nga ilang Dios.”

Unya si Abraham mihapa sa yuta ug mikatawa, ug miingon sa iyang kaugalingon, “Sa lalaki nga usa na ka gatos ka tuig, matawo pa ba ang usa ka anak? Ug si Sarah nga 90 na ka tuig, manganak pa ba?”

Ang Dios miingon usab kang Abraham, “Mahitungod kang Sarai nga imong asawa, ayaw na siya tawga ug Sarai, kondili Sarah na ang iyang ngalan.

Busa kinahanglan nga tulion ang inyong yamis, ug kini mao ang timaan sa kasabotan tali kanako ug kaninyo.

Apan lig-onon nako ang akong kasabotan uban kang Isaac nga ipanganak ni Sarah kanimo niining panahona sa mosunod nga tuig.”

Ug ang bata nga walo na ka adlaw kinahanglang tulion, ang tanan nga lalaki sa tibuok ninyong kaliwatan nga natawo sa inyong balay o kadtong gipalit gikan kang bisan kinsa nga dumuduong nga dili imong kaliwat. Siya nga natawo sa imong balay ug siya nga inyong pinalit kinahanglang tulion. Ug ang akong kasabotan nga anaa sa inyong unod mahimong usa ka kasabotan nga walay kataposan.