آيات مشهورة من الكتاب المقدس منLúka 18

شارك

Yíésu lalille hát hibietká geey, giri gaal Waag aadh lulle vivisat-, ma giinanyká.

Waag íín hé gállé waarate-, hí chúúre ubaa kúlíchle ki bebeenká hé ˈdéé hát ˈdabaanká ma ki iđiminy? Mu hé gáál geer hí ma ˈdú guguan? Yú hí geeye, Waag gálle ál ˈjob ˈdéé hát ˈduwantiká hai ˈdú hogoto. Tá hé kinaal kí hayo, Iny Máádhat ka yiimetká, mu hé gál hí iiy yieká lésallá gaa aargiro? Yíésu hí gáál yie.

Aalé Yíésu kieye, Hé gálaat hí hát gaa mánká, hé Waag hí hát gaa ˈgayyo, muí gáál yie.

Kor máá giri arraká hé min rám guđoká ˈdeenyle hol ma gaa héésen. Aalé mu waaséél tawue, kieye, Har úba káána yú Waag ma kikian-, gálaat úba yú vére múóytaka, min ye hawul ˈgietééllá ˈdéé tágo yú ki kokoo. Har yú hélléél tág ma ki konyka, taalle aadh lulle hai ye ˈgormosicha, máá giri arraká hí hol yie, Yíésu hí yie.

Yú hí hé ˈdúwaká geeye, máá Guch Waaˈgiet hát veel ninniká iiy ma ka yeenká hé Guch Waaˈgiet ma higiliny, Yíésu hí gáál yie.

Aaléka Yíésu um vie, lalille geey, kieye, Um haí môny, um hí ye ˈdu gáá yimet. Guch Waaˈgiet gál hílléká hát umééllá.

Aalé Yíésu mú geey, kieye, In hí ko eiy ˈdie. Iiy yeen kua ye iiy chíéllá hé ko bisiche, yie.

Aalé Yíésu mú yiete, kieye, Háteka ye máá ˈdúwaká chegetóol? Hé máá níínní ˈdúwaká mán, Waag tákáma ˈdúwa.