آيات مشهورة من الكتاب المقدس منGenèse 1

شارك

Ní Unimbɔti bí yii: «Tí náań unil kí nántíǹ ti-ba, ú nīn náań nì ti, kí nīn cáá mpɔn ijɔm nì inoon pu, kí nīn cáá mpɔn tiwaŋkuti nì ipeel kɔkɔ nì tin kɔkɔ fù ti-biŋŋi pu ki bí kitiŋ puee pu!» Ní Unimbɔti náań unil ki nántiǹ u-ba, u náań-u ki nántiǹ úǹ Unimbɔti u-ba ní. U nìn náań uninja nì unimpu ní.

Ní Unimbɔti bīiǹ bi-boon ki bí-bi yii: «Ní màal̀ kí bùtī, binib ń gbí kitiŋ. Ní nīn cáá mpɔn kitiŋ pu nì ijɔm nì inoon nì tin kɔkɔ pée fù ti-biŋŋi pu ki bí kitiŋ puee pu!»

Unimbɔti nín kíĺ ki náań kutagbɔŋu nì kitiŋee

kitiŋ kaa nìn cáá dikíl ní tiba nì tiba kaa nìn bí ki-pu ní dibɔmbɔndi nìn bīī inyiŋfi pu. Kitiŋ nìn sá nnyim ŋma ní, ní Unimbɔti Fam nìn dàn̄ nnyimee pu.

Ní Unimbɔti bí yii: «Ŋwalifi ń nyā!» Ní ŋwalifi nyáń.

Unimbɔti ká yii tin kɔkɔ u ŋée ŋān̄ tikpil. Ní kunyeeu mɔ́ ní kutaa dūu wúntì, ŋwinluluuti dal dee.

Ní Unimbɔti ká yii ŋwalifi ŋān̄, ní u cúú ŋwalifi nì dibɔmbɔndi ki yākatì tɔbin.

Ní Unimbɔti kútì yii: «M dū tin kɔkɔ lòoǹ ibi ki yú kitiŋ jaŋŋi kɔkɔ puee nì isufi in lòoǹ asubilee ki tīī-ni, án nīn sá ni-jinti.

Ní Unimbɔti yíiń ŋwalifi yii ŋwiimpu ní ki yíiń dibɔmbɔndi yii kunyeeu. Ní kunyeeu mɔ́ ní kutaa dūu wúntì, ŋwimpeepeekaa dal dee.

Ní Unimbɔti bí yii: «Kugbɔŋu kubɔ ń nyā kí dàntī kí yàkatī inyiŋfi mili!»

Míǹ mbaantiim, m dū timool ki tīī tiwaŋkuti tin bí kitiŋ puee kɔkɔ nì inoon kɔkɔ nì tin kɔkɔ pée fù ti-biŋŋi pu, ki bí kitiŋ pu ki cáá kufoouee án nīn sá tì-jinti.» Ní an ŋá míǹ.

Ní Unimbɔti bí yii: «Iwalfi ń nyā kí nīn bí kutagbɔŋu pu kí yàkatī ŋwiimpu nì kunyeeu, bí nīn cáa dāantí iyunti, kí nīn cáa kàaǹ iwiin nì abin nì iwiŋkpaan

Unimbɔti bí yii: «Kumɔsɔŋu ń nyā kitiŋ pu, kumoou kamaa ń lòoǹ ku-boolii ní isufi mun ń nyā, busubu kamaa ń lòoǹ bu-boolii!» Ní an ŋá míǹ.

Ní an ŋá míǹ. Míǹ ní Unimbɔti yāntì kugbɔŋuee nyáń ki dāntì ki cúú inyiŋfi in bí taapuee nì in bí yilpuee ki yākatì.

Ní kumɔsɔŋu nyáń kitiŋ pu, ní timool tin làá lòoǹ ibee lòon̄ tì nín sá dimɔcil diŋyee boolii, ní busubu kamaa mun lòon̄ bu nín sá disucil diŋyee boolii. Ní Unimbɔti ká yii míǹ ŋān̄.

Míǹ ní Unimbɔti ŋá iwalfikpaan ili: ŋkpaŋkpaan di sá ŋwìiń, kutaa yaa wúntèe, ŋú nīn bí ki ŋmíntí. Kiwaai di sá uŋmal, kunyeeuee, ú nīn bí ki ŋmíntí, ní ki ŋá iŋmalbijaa mun.

Ní Unimbɔti bí yii: «Nnyim min dɔ̄ taapuee ń kóoǹ kí kpāfì dijandi diba, dijandi din kíǹee ń nīn sá ŋkulimmi!» Ní an ŋá míǹ. Ní u yíiń dijandi din kūńee yii kitiŋ, ní ki yíiń nnyim min kóoǹ ki kpáfèe yii tiŋku. Ní u ká yii míǹ ŋān̄.

Ní Unimbɔti bīiǹ ti-boon ki bí-tì yii: «Ní bùtī kí gbí tiŋku, inoon mun ń bùtī kí gbí kitiŋ!»

Ní Unimbɔti bí yii: «Tiwan tin fòotēe kɔkɔ kubuluu kubuluu ń nyā kí nīn bí kitiŋ pu, an dàkà yii tiwaŋkuti nì tin fù ti-biŋŋi puee nì ipeel ń nyā!» Ní an ŋá míǹ.

Ní Unimbɔti bí yii: «Tiwan tin cáá kufoouee ń kpátí kí gbí nnyim poon dàaa, inoon mun ń nīn bí kutaa pu ki ŋàaǹ.»

Ní Unimbɔti nyántì kumooun peelii kɔkɔ kubuluu kubuluu nì tiwaŋkuti kɔkɔ kubuluu kubuluu nì tin kɔkɔ fù ti-biŋŋi puee kubuluu kubuluu. Ní Unimbɔti ká yii míǹ ŋān̄.