آيات مشهورة من الكتاب المقدس منGẹnẹsisi 1

شارك

Jiwheyẹwhe sọ dọmọ, Gbọ mí ni basi gbẹtọ to bosiọ mitọn mẹ, to apajlẹ mítọn mẹ: bo gbọ yé ni duahọlu to owhèvi ohù mẹ tọn ji, podọ to ohẹ́ aga tọn ji, po to whékanlin ji, po to aigba lẹpo ji, po to núlìnlìn he nọ tin to aigba ji lẹ po. Mowẹ Jiwheyẹwhe dá gbẹtọ to boṣio etọn titi mẹ, to bosiọ Jiwheyẹwhe tọn mẹ wẹ é dá ẹ do: asú de asi de wẹ é dá yé.

Jiwheyẹwhe dona yé; Jiwheyẹwhe sọ dọ hlan yé, dọmọ, Mì yín sinsẹ́nnọ, bo sudeji, bo sọ gó aigba ji, bo dugán do e jì: bo duahọlu to owhèvi ohù tọn ji, podọ to ohẹ́ aga tọn ji, po to onú he to ogbẹ́ lẹpo ji he nọ lìn to aigba ji.

TO whéwhẹ́whenu Jiwheyẹwhe dá olọn po aihọn po.

Aihọn tin gbògbé, bo sọ jẹvọ́; zinvlu sọṣinyọn dògbonukunmẹ: gbigbọ Jiwheyẹwhe tọn sọ pàváva to osìn nukunta ji.

Jiwheyẹwhe sọ dọmọ, Gbọ hinhọ́n ni tin: hinhọ́n sọ tin.

Jiwheyẹwhe sọ mo onú he edá lẹpo, bo dayi e go é yọ́n talala. Whèjai wá, afọnnu sọ wá, azán sidopotọ.

Jiwheyẹwhe sọ mọ hinhọ́n lọ dọ é yón: Jiwheyẹwhe sọ klán hinhọ́n po zinvlu po doyòvo.

Jiwheyẹwhe sọ dọmọ, Dayi e go, yẹn yí omá okún sinsẹ́nnọ he tin to aigba lẹpo na mì, po atin lẹpo po ehe mẹ sinsẹ̀n atin tọn he nọ sẹ́n nọnọ̀; mì wẹ é na yín na núdùdù

Jiwheyẹwhe sọ ylọ hinhọ́n dọ okle, bo sọ ylọ zinvlu dọ ozán. Whèjai wá, afọnnu sọ wá, azán dopo.

Jiwheyẹwhe sọ dọmọ, Gbọ dovlomẹ ni tin to ṣẹnṣẹn osìn lẹ tọn, gbọ é ni klán osìn sọn osìn go.

podọ hlan okanlin lepo he to aigba ji, po hlan ohẹ̀ lẹpo he tin to aga, po hlan onu lẹpo he nọ lìn to aigba ji, ehe mẹ gbigbọ te wẹ yẹn yí amà omú lẹpo na na núdùdù; é sọ yín mọ.

Jiwheyẹwhe sọ dọmọ, Gbọ hinhọ́n le ni tin to dovlomẹ olọn tọn mẹ, nado klán okle sọn ozán go: bo gbọ yé ni tin na ohia lẹ, na osã lẹ, na azán lẹ, podọ na owhè lẹ.

Jiwheyẹwhe sọ dọmọ, Gbọ aigba ni wú ogbé wlọwlọ, omá he nọ sén okún, podọ atin sinsẹ́nnọ he nọ sẹ́n sinsẹ́n kẹdẹdi etọn, okún ehe tọn tin to ewlọsu mẹ, to aigba ji: é sọ yín mọ.

Jiwheyẹwhe sọ basi dovlomẹ lọ bo sọ klan osìn he tin to glọ na dovlomẹ lọ sọn osìn he tin to aga dovlomẹ lọ tọn go: é sọ yín mọ.

Aigba sọ wú ogbó jẹgbonu, omá he nọ sén okún kẹdẹdi etọn po atin he sọ nọ sén sinsẹ́n po, okún ehe tọn tin to ewlọsu mẹ kẹdẹdi etọn: Jiwheyẹwhe sọ mọ dọ é yon.

Jiwheyẹwhe sọ dá hinhọ́n daho awe; hinhọ́n he klohú nado dugán to okle, hinhọ́n he whehú nado dugán to ozánmẹ: é sọ dá sunwhlẹvu lẹ ga.

Jiwheyẹwhe sọ dọmọ, Gbọ osìn he to olọn glọ ni hòpli hlan fidopo, bo gbọ aigba kló ni sọawúhia: é so yin mọ. Jiwheyẹwhe sọ ylọ aigba kló dọ Aigba; bo sọ ylọ hòplidopọ osìn tọn dọ Ohù: Jiwheyẹwhe sọ mọ dọ é yón.

Jiwheyẹwhe sọ dona ye, dọmọ, Mì yín sinsẹ́nnọ bo sọ sudeji bo gó osìn lẹ to ohù mẹ, bo gbọ ohẹ́ ni sudeji to aigba ji.

Jiwheyẹwhe sọ dọmọ, Gbọ aigba ni ji nútẹgbẹ́ kẹdẹdi etọn lẹ, owhékanlin po onú he nọ lìn po, podọ whékanlin aigba tọn kẹdẹdi etọn: é sọ yín mọ.

Jiwheyẹwhe sọ dọmọ, Gbọ osìn lẹ ni yí sisawẹ̃n núdidá gbẹ́te lẹ tọn lẹ do to sisawẹ̃n, bo sọ gbọ ohẹ́ lẹ ni nọ to zinzlọn to aigba ta dogodo dovlomẹ olọn tọn lọ.

Jiwheyẹwhe sọ dá gbékanlin aigba tọn kẹdẹdi etọn, po whékanlin lẹ po kẹdẹdi yetọn, po onú he nọ lìn to aigba ji lẹpo po kẹdẹdi etọn: Jiwheyẹwhe sọ mọ dọ é yón.