آيات مشهورة من الكتاب المقدس منLUKE 14

شارك

“Ka kunga ang pei mi poma in a nu le a pa, a zi le a tate, a sanggam pasalte le a sanggam numeite tham lo, ama’ hinna nangawn a muda sih leh keima’ nuazui a suoh thei sih ding hi.

Ama’ singlamte puo-a ei zui lo poma ka nuazui a suoh thei sih ding hi.

Azieh pen a kilamsangtawm mite kiniemkhieh ding a, a kiniemkhiehtawm mite kilamsang ding hi,” a ci hi.

Tua ahi ziehin note lahah a neisa zosie a nuasie lo poma ka nuazui suoh thei lo ding hi.

Bangzieh ahei cile mi khatpo in tausang khat a lam sawm leh tua inn zaw sieng nadingin a sum a kicing diei, a kicing sih diei, ci-in to-in tuot masa phot lo ding amah? Tua bang hi sih mawh leh khuombul suong a phu zaw ciengin a ban zom zo ta sih leh, a mu mi zosie in zako ding a, ‘Tampa inn lam kipan sam napi a zo thei ta sih hi,” a ci ding uhi.

Ahi vangin pawi na bawl ciengin mizawngte, mipoite, khelbaite, le mittawte na hlanzaw in. Tua hileh amate in nang hing thuhkia zo lo ding ahi ziehin thupha na nga ding hi, azieh pen midihte a thawkia ni ciengin nang ang kithuhkia ding hi,” a ci hi.

“Ci pen hoi hi; ahi vangin tua ci in a alna mansuo leh bangci ki-alsah theikia ding ahei? Leitang adingin lah a hoi sih a, ehlei dingin zong a hoi tuom sih hi; amate in tua khu a pulamah a paimang ta uhi. Zah nading bil nei tapo in za taheh!” a ci hi.