آيات مشهورة من الكتاب المقدس منIruuku 14

شارك

“Ọza ana àa vẹ ịdị amị, di ò yi hí ayị ada anị ọnịrị ọnyị anị beri ose anị ọnịrị ozi anị ọnịrị ẹyịnyara anị ọnẹẹ ọnịrị ọnọrụ, dị ọ̀ yị rẹ hyakụ hí ayị ẹngụ anị ụvọta nị, ọza ọnọọ ọ yị zụ vị ozirẹma amị.

Ọza ẹnẹ ẹ̀ yị rẹ za apavahị anị dị ọ̀ọ dụ mịị zị, ọ yị zụ vị ozirẹma amị.

Ọza ana àa kà ẹngụ anị hịrẹ, a vaa kà a chí; ama ọza ana àa kà ẹngụ anị chí, ọnị a vaa kà a hịrẹ nị.”

Dị Ijeesu ka, “Avọọ gẹdẹ-gẹdẹ ọ mẹ̀ rẹ yà nị; ọza tụra ọza ịnị ẹngụ awụ nịnị ene è yi yi avaba ịsa ọnị ọ nyị tịtẹ, ọ yị zụ vị ozirẹma amị.”

Àa nyị ọza ịnị awụ nịnị ene ee sì ka ọnị ọ̀ dà irehi ọgọdọ, vị ọ vịdị aa yaayịtẹ da, di o ro o, ẹkẹhị yà ọ vaa rị ọnị nị. Dị ọ sị yẹ, ọ̀ọ nyị ẹkẹhị ana hụ ọọ dà a ta. Ọ̀ yị vavọọ mẹ, ọ̀ọ sị irehi anị ká ẹtẹ, dị ọ yị zụ dà a ta. Dị aza ene èe re ịsị ọ mẹ kụkụ aa sị ọọ mẹ̀ isiya. Dị ẹ ka: ‘Ọnọrụ ọnọnị ô nyima irehi, ama ọ yị zụ dà a ta.’

Wàa vavọọ aa mẹ̀ ịsa, hị́ onosiye nịnị ọnịrị oswẹngụ nịnị ọnịrị oswahụ beri ogweyi nịnị. Ịjọnọọ Ohomorihi vaa mẹ ka waa jẹ, agụvị ka aza ẹnẹẹ e yi zụ sí wu atọ. Ịhị ọnịrẹyịzẹyịza nịnị ẹ̀ẹ ha hụụnị isu, Ohomorihi vee sí wu atọ.”

“Anọ ô hine, ama ọ̀ọ sị uhine anị ne ta, sị a kụkụ zụ sị vara a ka ò hine? Ọ yị nyị ịsị ọ kụkụ wụra mẹ ini eteesu, ọza ọ yị rẹ zụ sị mẹ ịsị ẹẹ̄ sị ẹtẹẹ zoza, vi e kuku ee ne e ta nị. Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ o!”