آيات مشهورة من الكتاب المقدس منMadius 5

شارك

Era eti atni incop alahala atimi um adahpoi an nipjinitai, ja er atijai an nitai ati incop alahala iran; et par lah ehele atimi asega anliin neom. Etmu naunau inlah unyimia aijaua an nuhup o atimi, mika eri alum auritai upene unyimia ara, um imyiahpas Etmamia an nohatag.

Eka itai lah an nobohtan aijaua. Et ehka nadenaigvaig neom iji eigki et amen ijinies an nedoon.

Era mun ahesmoij ara et adicinadicin inliinmopura ara: erupu ecet Atua ara.

Era mun ahesmoij ara et ehtele ra ara um ahvig emda nedo upene: erupu gaije ara.

ja ek asaig ehelemia ainyak mika, Akumu aiheuc vai ra aijaua era tak atimi iramia ara, um asan tas upene vai ra era asan tas has vai caua ara, um ago nedo upene vai ra era amcel vai caua ara, um alaigaheni vai ra era ago nedo has vai caua ara, um abli caua

Era mun ahesmoij ara et ipjidipjid inliinmopura ara: et ura nelcau an nohatag.

Era mun ahesmoij ara era asa neigpa ara: uhpu anvi nidara par ika ilpu hal o Atua.

Era mun ahesmoij ara era ohocred ara: erupu cediaig ara.

Era mun ahesmoij ara er edemda vai ra va nedo atoh ura: et ura nelcau an nohatag.

Era mun ahesmoij ara era ago nedo aiheuc vai atimi ara: erupu leh naiheuc vai ra ara.

Eka mun ahesmoij aijaua, eru wit asan tas has vai caua natimi, um atmas vai caua, um athai intas has asega um ahcil vai caua, vai nyak. Akumu cediaig aijaua, um imyiacitak alupas: etpu esjilid nimtan imi caua an nohatag: is um ucco nedemda ura vai ilpu profeta eris uhup iramia ara.

Era mun ahesmoij ara et eropse inliinmopura ara: erupu amen an pece ara.

Eka mohoanjop an nobohtan aijaua: ja el et aiyu inmohoanjop, et ehka inlep ago upene vaig, et mun eti upene inlep ago itai vaig iran, ja eh mun erekhaig pan itac, era atga iran atimi.

Akumu ago nedo atoh asega aijaua, et idivaig Etmamia an nohatag, et idim atoh nedo asega o un.

Akumu ika aijaua, Maiya, maiya; O’o, o’o: et ahes irai Tiapolo intas asega et esjilid an tas eraigki.

Akis atahaijeg aijaua intas ineig eris asaig mika, Aru nesganimtan an nesganimtan, im lep neijin an neijin: ja ek asaig ehelemia ainyak mika, Uhu wit ago nedo has vai caua, akumu jim aru aijaua: et wit ahpoi nahpam inmatam tah, anum ahidaig pan nahaijin nahpam aiek ehelen.

El et itai epihtau imi euc nesganimtam inmatam, anum atipagki aiek, um ethaig: et upene vai euc, mika uhpu auahas nuarin-nohum et ethi, jam has, nikavaig, uhpu ethaig nohum asega an pece has. El et itai epihtau imi euc nikmam inmatam, anum acaldei aiek, um ethaig: et upene vai euc, mika uhpu auahas nuarin-nohum et ethi, jam has, nikavaig, uhpu ethaig nohum asega an pece has.