آيات مشهورة من الكتاب المقدس منВыгиибэн 36

شارك

И лыя́ тэ кэрэ́л буты́ Веселеило и Аголиаво и сарэ́ годэ́ илэ́са, савэ́нгэ Рай Дэвэ́л дыя́ годы́ и ґалыибэ́н, соб (кай) тэ джинэ́н тэ кэрэ́н кажно буты́, сави́ трэй ваш свэ́нто штэ́то, сыр припхэндя́ Рай Дэвэ́л.

И лынэ́ ёнэ Мойзастыр саро́ яныбэ́н, савэ́ яндлэ́ Израилёскирэ чхавэ́, пэ трэ́бима ваш свэ́нто штэ́то, соб (кай) тэ кэрэ́н буты́. Нэ усае́кх на пириячнэ тэ лыджа́н кэ ёв пир пэ́скиро ило́ яныбэ́н кажно зло́ко (ра́нко).