آيات مشهورة من الكتاب المقدس منLAMKTU 2

شارك

Peter naw, “nang mi ak chang sing cu, nami katnak ung ka nami ng’yu ba vai, BAWIPA Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

Ngah mi cu ang düihpüi gui ah ng’thei thang tu u neh a täng ah ip om u neh, a täng ah ei awh u neh, a täng ah k’tai gü u neh, mü pyang ci gui.

Ngah mi cu Mumcha Theing awn küm be u ne tah, Mumcha Theing ah ng’thu m’sak gui ah ng’thu a hei hei awn ng’thu pyän ci gui.

A cun yah ung khankho ah ka, khaw khi nu ah mäih ah ng’hmum ciah k’aw cu ami om nak ah kyawng khui ah gawk law ne be ci. Ngami naw mei ah pying cih k’aw cu hmuh ci gui, cun ah pying ne ng’kah ciah mei m’ghi cu tumat ciah khan ah pek ne gawk ci. Ngah mi cu Mumcha Theing awn küm be u ne tah, Mumcha Theing ah ng’thu m’sak gui ah ng’thu a hei hei awn ng’thu pyän ci gui.

Ngah mi cu ak hnüüp tä seih pum im ah ng’bum ci gui. Ami im gui ung phi m’lung neim nak lah, yeikyai nak awn a täng ah vun vai ne ei awk ci gui. Ngah mi cu Khanpughi m’hlüng m’tai u neh chang ah ng’lung ah mik hmai kiang seih om ci gui. Khanpughi naw ak hnüüp tä seih hun nak gah ci gui cu da law sak gui ci.

“Ak hnu bäih ah khaw hnüp gui ung, Chang nüng ah khan ah Mumcha Theing cu ka yuk chah khai, Na mi hta gui kei ah ng’thu ng’shäu khai gui, Ak hmaw chang gui mik hmuk khai gui, aghi ng’vai gui ng’mui mang mah khai gui.

Zum ciah chang gui cu kawng ät neh om u neh ami khawh cham gui phi ng’tei ng’pai neh ei mang ci gui. Ngah mi cu ami khawh cham yawi tuh u neh pyamtham ci am ami ng’yak hlü ah ciah tei pai ci gui.

Cun yah ung Khanpughi ah ng’hui neh k’tai gü ci gui cu, hun nak gah khai gui” ciah Khanpughi naw pyein ci.

Hngi yin mü seih kho hnüüp khai, cha si ng’hlui ah ng’lat neh sen khai, Hlüng tai neh bä khäk ciah BAWIPA ah kyum law nak vai ah hnüüp kä ah gawk law pha ung cun gui cu küm lawk khai.