آيات مشهورة من الكتاب المقدس منLUKA 5

شارك

Ng’thu pyein yawp netah, Simon-am, “Tui a thuuk nak ah va ng’nawn ne, ng’vai vawi vä” cine pyen na gui ci.

Simon naw, “BAWIPA, Keimi amü pum ng’vai vawi ne nga kä ka mi phak ci nei, cun ung phi na na vawih sak gui ung kami vawi shüm khai nei” cik ci. Ngami naw vang nawn ne ng’vai vawi u netah ng’vai teek ghep ghep khai ah nga akda phak ci gui.

Cun kawn ah BAWIPA Jesuh cu a ding gei nak ah amät hteit ne k’taigü ci.

Kei cu chang k’ni gui ng’yu ba khai gui ah ka khü gui khai ah ka lawk ciah kä kyak ci, changshe gui ng’yu ba khai gui ah ka khü gui khai ah ka lawk ci” cine pyen na gui ci.

Simon Peter cu acun gui hmu netah BAWIPA Jesuh ah ma ah m’kuukdong ne, “BAWIPA, kei cu katnak bik ciah chang ah ka kyak ci kyasei, kä na k’et ne a hei ah hteit tei-ä” cik ci.

BAWIPA Jesuh naw, “Ak gai naw seibawi kä ng’ya hlük ci, ak gaw naw vah ng’ya hlük ci.

Ngami cu ami ng’hleiko tui kam ah m’hnawng ba u netah, ami khawh nüng nawng shüt u ne BAWIPA Jesuh ah hnu ah läk ci gui.

Kho hnüüp ät ung BAWIPA Jesuh cu pigaw tumat ung gawk lawk ci. Cun ah pigaw ah kheilei ung gaw ciah chang tumat om ci. Ani naw BAWIPA Jesuh cu hmu netah, ama ah kawp ne, “Sayapa, na ng’yak hlü a om ung na theingthap sak ä” cik ci. BAWIPA Jesuh naw a kut awn tawk netah, “Kei ah ng’yak hlü om ci nei, tuhbäi theingthap sä” ci khätah, acun vai-am ak khei gui cu khan yawp ci.

Cun ung phi BAWIPA Jesuh ah mawng cu thang law pi k’täi khätah, ang thu ngai hlük ci gui la gai nak gah hlük ci gui cu da law pi k’täi ne gawk lawk ci gui.