آيات مشهورة من الكتاب المقدس منJuan 6

شارك

Jesús chajnai ore uruode enga chojninga: –Arurei uté uje chisi ome pucuecaringué eyúgojmai ome ore jé u uyu. Ujetiga gosi tibágui yu ome arurei uté enga a ca chaguhénique chejnapo uté gosi rĩ. Ujetiga gosi changureta yu ga a ca gosi cajnorapóji jne rĩ.

Dupade Ujopié u uje guẽrate pucuecaringuei ome ore. Jé basa que cuchárique tṍraji yocúringane ayoréo. Yacajnaquéode ome uaque ũréo enga ore garani u Dupade ujopié. Jecute udore guẽrate pucuecaringuei ome ore.

Ayáyo uaquedójnaringuéone ome uacacuegode cucha pibose uje jĩraque íjnoque. Mu uacacuegode urásu cucha pibosode uje que eruénique cuse. Cucha pibosode udore u gu uje chisi ome pucuecaringué eyúgojmai ome uaque. Enga pibosode udore guẽrasṍri jé u Dupade utocaidi uyu ujetiga yisi ome uaque jne. Chamáñaje yai Dupade ajegaite yu ome udore gu.

Yirósõri Dupade ajéode u to ujetiga dajnacari uyu yajirisórone ore changureta yu jnese ujetiga pucuecaringué eyúgojmai déji ore jnese. Enga yiringare udore ore jne iji dirode erueminóri.

Jesús chajnai ore uruode enga chojninga: –Dupade ajegaidi u ujetiga anguretáyo utocaidi uyu.

Yai Dupade a chiroque uacuñéngo aja yu jne enga a udore ore jnese chise yu jne. Enga a ca yetaque yibaguiésóningo iji uaque.

Mu Simón Pédro catecã́ri enga chojninga: –Yocangaráni á, que togome yoque ujetiga yico to. Uje que pacadisṍri uñeque déji ujetiga uruode cho baruode. Ua u gu uje baruode chisi ome pucuecaringué eyúgojmai ome yoque.

Enga arureque uecai uté uje tṍraji gaté jé upúsu yu. Ujetiga gosi tagu arureque uecai uté enga eca iji deréjnane jnese. Yerani uté arureque gajnui jé u yibai. Uje a yẽra yu jne ome erámi unirisórone ore jnese. Yigaidi u gu ujetiga ore chise dáringane eca iji deréjnane jnese.

Que togome uacuñeque ujetiga chise yu ujetiga ca yirósõri yai Dupade oite uágaja yu. Enga yai Dupade oidode udore u jne ujetiga yiringare ore iji dirode erueminóri.

Enga Dupade guerani arureque uñai u datocaidi uje garani jé u gaté to. Mu uté u uje chisi ome pucuecaringué eyúgojmai ome erámi unirisórone.

Arurei u uyu uje gosi tagu enga eca iji deréjnane jnese.

Udojo quigade enga Jesús chisa arurégode udore enga jé u uje chacãre dai Dupade gai. Enga chisi ome arurégode ome dacadigode ore. Jé u uje acadigode udore chajuguína arurégode ome ayoréode ore uje ore chácariji dayaridi. Adi jé u to ome oyite gáreode. Ore chisi ore jnese iji. Enga subudé ore iji jnese. Uje e subudé ore iji jnese enga Jesús chojningame dacadigode: –Amátayo péode ujetiga ca ducarãcho.

E idája ore iji yote quedéjnai edógai, ga kilómetrodie chise 6. Mu ore chimo Jesús iji te uje diguiji yodi gai aja ore yui. Enga ore todópisa. Mu Jesús catecã́ri ore ga chojninga: –¡Uyu u! ¡Jé ca atodóyo!