آيات مشهورة من الكتاب المقدس منJohanes 15

شارك

Aku ngo batang anggur i, janah kènè ngo dahan-dahanna. Barang isè nggelluh ibagasen Aku, janah Aku ibagasensa, ia ngo merbuahken mbuè; ai ukum mak merkitè-kitèken Aku, oda lot terbahan kènè barang kadè pè.

Tettap mo kènè ibagasen Aku, asa Aku pè tettap ibagasen kènè. Oda ndorok merbuah dahan i ukum ibas kedirinna nai. Tapi ndorok merbuah ngo ia, mula nggelluh ia ipas batang idi. Bagidi ma ngo bang kènè pè, lebbè nggelluh ibagasen Aku ngo kènè, asa ndorok merbuah kènè.

Mula nggelluh kènè ibagasen Aku janah dak iulaken kènè peddahKu, ndorok mo kènè mengido barang kadè sambing taba Bapa, nai iberrèken mo sinipido ndènè i.

Oda ngo kènè memilih Aku. Aku ngo milih kènè, janah mennuruh kènè, asa laus kènè merbuah – asa ratraten buah ndènè, janah asa hot buah ndènè i. Nai iberrèken Bapa mo bai ndènè barang kadè sambing ipido kènè merkitè-kitè Aku.

Barang isè mengkekelengi denganna, kennah uè ia matè mengkepkep denganna i.

Karina dahanKu siso merbuah igettap ngo; tapi karina dahan simerbuah, itunasi ngo janah ipebersih asa makin ratraten buahna.

Èn mo peddahKu: Kennah mersikekelengen kènè, codi bagè Aku mengkekelengi kènè.

Mula ratraten buah ndènè mersampang atè mo BapangKu, imo tandana tuhu-tuhu kènè sisinKu.

Nina Jesus dèng ma, “Aku ngo batang anggur situhunna, Bapa ngo sidasa pekken i.

Barang isè oda nggelluh ia ibagasen Aku, igettap ngo ia janah ipatakken, nai gabè ngkerrah-kerring mo ia janah ipinumpukken mo asa itutungi mi api.

“Karinana Kubagahken i taba kènè, asa irasaken kènè sampang atèngKu, janah asa dom sampang atè ndènè.

Mula iuèi kènè katangKu, nggelluh ibagasen Aku mo kènè, codi bagè Aku nggelluh ibagasen ngkelleng atè BapangKu, kerna kuuèi kataNa.”

Èn mo peddahKu: Kennah mersikekelengen kènè.”

Ukum dunia èn kin sidasa kènè, ngkelleng ngo atè dunia èn midah kènè, janah gabè supan-supanna ngo kènè. Tapi enggo Kupilih kènè i dunia èn nai, jadi oda nèngè milik dunia èn kènè. Kumarnakenna i ngo asa ceggo atè dunia èn midah kènè.