آيات مشهورة من الكتاب المقدس منEksodha 7

شارك

Sekoko MKOMA a to khene ka Mosi: “Wona taku ni kumahile Txizimu masoni ka Faro; se Aroni, mwananu, a na va mprofeti wako.”

Aniko ani koko, ni na bangisa mbilu ya Faro, kambe ni na andisa mu ditikoni ka Egipta sikombiso sangu ni sidiwukiso sangu. Faro koko kha na mbi mi engisa; hambi ka toneto ani ni na veka dianza dangu txitimwi ka Egipta, nina humisa mabutho angu mu ditikoni ka Egipta, vona vathu vangu, vanana va ka Israyeli, ngu sitsayiso sa hombe.

Sekoko Vaegipta va na tiziva ti to ani ngani MKOMA, ngako ni txi nawuluta dianza dangu txitimwi ka Egipta, ni txi humisa vanana va ka Israyeli hagari kwawe.

Konako Faro a to ramba titxhari ni vanyamsorwo. Se tona titxhari ta ditikoni ka Egipta ti to maha toneto ngu wutxhari wa tona. Nguko mmwani ni mmwani a to rinza hahatshi ndonga yakwe, se tona ti to hinduka ti txi maha ni tona minyoka. Aniko ndonga ya Aroni yi to ti khadamulela tindonga tile tawe.

Ngu tiya MKOMA a nga womba: Konkuwa u na tiziva ti to ani ngani MKOMA: Ngu ndonga yiya ni ku nayo manzani ni na peka mati a mnambo, se ona ma na hinduka ma txi maha mnoha.

“Nga ti Faro a txi khene: Mahani sidiwukiso ngu didhawa danu; konako u na gela Aroni u txi khawe: Teka ndonga yako u txi rinza hahatshi masoni ka Faro; yona yi na hinduka yi txi maha mnyoka.” Sekoko Mosi ni Aroni va to tsula ka Faro, va to ya maha nga tonti MKOMA a nga va rumisa tona. Aroni a to rinza hahatshi ndonga yakwe, masoni ka Faro ni masoni ka mahalamu akwe, se yona yi to hinduka yi txi maha mnyoka.