آيات مشهورة من الكتاب المقدس منWakkagagerak 18

شارك

An Naliku ALA nen koonggitak nogo ambi eeriyak, Meek me, yinuk, ari agaarik? Tahun ambi eeppunuk, keya woraagin, yagarak nogo ndak-ndak ari wage kenok, woraagin aret me, at Tara aagaluk aap aret ndarigin o.”

wone yoreegerak at Tara nogo konengge nagagerik, inikime nen ari logonet, “An neebe abu kweegelo a'nuk nagabolo abu aret amiironggok ee'nake, ndi, an nogonggelo togon abu anggok age, eekoorak me, nonggop togon ena warak agago ndariyak me nduk yaga o?” yinuk, inikime nen i'ndok kambeegerak.

Nappiya nage me, at Aliku ALA iniki nen mbake logonet, “At Abarakam apuri ambik aret wiganggo logomenggaarik, inanebunu nggwok inomaawi ambik aret logogun o. At paga yi aakumi ndi aakumi nggween paga logomenggaarak nogo inale'nggen aret mbako logogun. Ndi, at apuri ndaganabemenggerak inom, it nen wigannaremenggaarak mendek inom, iniki an noba panggombunuk obeelom koonak mban eerit nogo logorak paga Abarakam eeppuurak yoreegirak nogo an ndak-ndak eeppuurak inaruk wake logowak nduk aret mippereegirak me, an yogondak eeriyak koonggirak nogo, at Abarakam yoga'lek kumaappunuk logorak meek o. Ata, yorikit aret o,” yinuk, mbareegerak.

Aliku ALA owagam panggo yi nanuk, kin wagangge logonet, “Aakumi maluk eekwi ti, inooke logonet, aap obeelom mendek inom abet aret inoorumunggun ilik? It aap ineebe 50 maluk eeka'lek obeelom mban o kota time wonogwe iinok, nonggop o? Aakumi ineebe 50 obeelom koonak mban eekwi iinok, o ti teppuurak op aret kwe, teppega'lek it abok aret inom lek eerogo piyoorak op mbaken?

Yoge mbareegi, at Aliku ALA nen ari logonet, “Lek o. It aakumi ineebe 50 maluk eeka'lek iniki abe koonak wonogwe iige logominggirik kenok ti, it ineebe paga aret o kota Torom time inooka'lek teppiyaagin o.”